DUNGWVNC 6:2 - ASII LAKDAP Bible (BSI)

² Shiikeawe raq Mosheq rai riibomto. Raüta akha nguto, “Ngi ka Tatiwe.

Hawa Naga Bible 2001

² Tishox rueq Moshe muex ngoc, “Ngaz kuex Yehowa rvtauk.

DUNGWVNC 6:2 Referencias Cruzadas

RAPHA HIQWA LAK 15:7

Kiijiishe Tatiwe raq apaiq ma nguto, “Ngi ka Tatiwe, ümniika Bebilon mung na Ur chela wa armung na sheahoti. Armung ara ümniima ümtachong hupsam miitu tiijii wan ma sheaho kang.”

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

DUNGWVNC 14:18

Riita ümtiikiiwa Ngi raq tsangshiq ka khat lata mitangha, kiitiikaq Ejip mungti raq Ngi ardea Tatiwe nguta misap.”

DUNGWVNC 15:3

Tatiwe ka nolajong; apaiq mang ka Tatiwe.

DUNGWVNC 17:1

Israilnok mung tlotli ka Sin kumtsaiphii wang maq tiido wanto, Tatiwe aming maq bashi maq riita bashi na wawan wan laü wanto. Raüta tsangshiq piitiip ka Rephidim hiq na teito. Shatmaq kiijaq kham anyang chang ahü riito.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 3:14

Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

DUNGWVNC 6:29

apaiq raq akha nguto, “Ngi ka Tatiwe. Ngi raq ümniima bom chongkuq kang kra wiita Ejip mung hokhamwe ma chonglaq.”

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 6:8

Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 43:15

Ngi ka üm Tatiwe, asii üm Shiikeawe, Ngi raq ümnaq phansang wan kang, Israil lei, kiimaq ka Ngi ka üm hokhamwe.”

ISAIA 44:6

Tatiwe, Israilnok rümti kiimaq tiiwongti, Ajong Pinthum Tatiwe raq akha nguttlo: “Ngi ka atiiphati, kiimaq atiisupti, Shiikeawe ka Ngi arli dongdii; ahin tisho ka ahü, Ngi sitiikang arli dongdii.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

EJEKIEL 20:5

Ngi raq jamlai wa chongtiikang ara tsangshiq ma chongkuqlaq. Ümtiikiiwa Ngi raq Israilnok ka tsea kang, Ngi raq tsangshiq ma kiqkham raüpot khakuq kang. Ngi raq pumsii maq tsangshiq rai Ejip mung na kilata isham tiichhikuqki kang. Lata tsangshiq ma akha chongkuq kang: Ngi ka namshiq Tatiwe namshiq Shiikeawe.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.