DUNGWVNC 6:2 - Hawa Naga Bible 2001

² Tishox rueq Moshe muex ngoc, “Ngaz kuex Yehowa rvtauk.

ASII LAKDAP Bible (BSI)

² Shiikeawe raq Mosheq rai riibomto. Raüta akha nguto, “Ngi ka Tatiwe.

DUNGWVNC 6:2 Referencias Cruzadas

RAPHA HIQWA LAK 15:7

Kvruex yimaq Yehowa rueq piq muex ngoc, “Ngaz rueq mnoz muex vruex ghaq vraungx kuex kuy tvlanc kuy tvkoc Babelon mungx Ura ghaq wawc mnoz kuex gvlc wvnc jix Yehowa rvtauk,” ngoz tueq jungx tueq.

DUNGWVNC 12:12

“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.

DUNGWVNC 14:18

Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

DUNGWVNC 17:1

Israel miqsaz htenc kuex Sin kumtsvy tvnx maq kaz vtueq, baungshiz maq baungshiz nuex Yehowa rueq nvr yaq rulc rv-ngvlc kvhttot kaz wvnc wuez tueq. Tsuingshiq kuex Rephidim hong nuex httuiuc vtueq jerak tec tueq, yuq muinz kvruex hong nuex vnuingc juing yuix vguez.

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 3:14

Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

DUNGWVNC 3:15

Israel miqsaz muex jungx kuq shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kuex tsuingshiq kox nuex tvkaz vphaungx. Vruex muingc kuex pattup pat-sac yaungx tuex; yix maq miqphvnx lotlaz miqpat ruip rawx rueq ngaz kuex gvl wuez phuex.

DUNGWVNC 6:29

“Ngaz kuex Yehowa rvtauk, ngaz rueq jungx vphaungx phvnx ruip saz kuex Ejip hokhvmx waz muex jungx shuiuz,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 6:8

Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 43:11

“Ngaz dvyx Yehowa rvtauk, ngaz dvyx mnoz palc lot jix waz rvtauk.

ISAIA 43:15

Ngaz kuex Yehowa mnoz muex vsawc Tishox rvtauk. Israel lex, ngaz rueq mnoz kuex tvdung sung phaungx, ngaz kuex mhokhvmx rvtauk,” ngoz tueq jungx tueq.

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

JEREMIA 9:24

Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

EJEKIEL 20:5

Ngaz rueq yvmx lac jungx vshaungx tsuinghez muex jungx shuiuz. Ngaz rueq Israel thvl wvnc tauk nuex, tsuingshiq muex bomkhvmc taq tauk. Ngaz rueq Ejip mungx maq tsuingshiq muex ngvy shauk pumz tvkhic vtueq: ngaz kuex tsuingshiq Yehowa Tishox rvtauk lvmz tsuingshiq muex jungx wvnc tauk.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.