DUNGWVNC 6:1 - Hawa Naga Bible 2001

¹ Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

ASII LAKDAP Bible (BSI)

¹ Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

DUNGWVNC 6:1 Referencias Cruzadas

2 HOKHVMX 7:19

vyungx vlaungx waz rueq, “Yehowa vpiq rueq lvmx lvy tsvmz tvdvy kuq ruiux doc muinz kv-khoc yaungx lot tuex rvmuq!” ngoz tueq tvralc tueq. Elisha rueq, “Kvkhoc yaungx wvnc tuex kuex mnoz rueq khiz lvp shuiux, yuq muinz kvruex wawc phuiuz vsvy kuex mnoz rueq phauk saq lvp shuiux rvmuq,” ngoz tueq jungx tvralc tueq.

2 HOKHVMX 7:2

Hokhvmx waz kamx waz rueq Elisha muex ngoc, “Yehowa vpiq rueq tsvmz kuex yac shiz lvmz maq tvdvy kuq ruiux doc muinz, kvkhoc yaungx lot tuex rvmuq!” ngoz tueq. Elisha rueq, “Kvkhoc yaungx wvnc tuex kuex mnoz rueq khiz lvp shuiux, yuq muinz kvruex phuiuz vsvy kuex mnoz rueq raungluingx muinz phauk saq lvp shuiux rvmuq,” ngoz tueq tvralc tueq.

2 KAÜWA WERAÜ 20:17

Nuimshiq rueq vruex rvlungc rv-khvt kuex khvt rac muq. Jvp juing lvmz vtueq dvyx bvmc wuez shuinz; Yehowa rueq nuimshiq muex taungx wvnc lvmz kuq kv-phuinx kuex khiz shuinx. Yuda nuiyc Yerusalem miqsaz htenc lex, nauk ruingraung kaz, rvmuq ngoz ruiux nauk hiz kaz. Khvt kaz kuinz, Yehowa kuex nuimshiq rulc vdvmz httax tuex!” ngoz tueq jungx tueq.

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 12:6

Yehowa bomkhvmc htenc kuex tvluimc juing rvtueq; kvruex kuex wvr nuex lauk mvshix tvyuimx yoalx kuimphox sawx shauk ikhoc rvtueq.

Tvtsvmc 136:12

vpiq hungc vlaungc httaz hvlc yauk, vpiq luimc vkawc mvrc yaq yauk phumz maq tsuingshiq kuex shvlx wvnc tueq; vpiq lungwawc kuex pattup httax yaq.

Tvtsvmc 89:13

Mnoz kuex luimc vkawc yunghvlc waz rvtoq nyix! Mnoz hungc vlaungc kuex yunghvlc mvnauz!

DUNGWVNC 11:1

Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.

DUNGWVNC 12:31

Kvruex raungwvrx dvyx hokhvmx waz rueq Moshe nuiyc Arun kuex gvl vtueq, “Kaz kuinz, mnoz nuiyc nuimshiq Israel miqsaz htenc! Ngvy mungtan maq kaz wvnc vtueq; nuimnueyc rueq thoz phuinx rulc rv-ngvlc Yehowa muex nawk palx kay ngoz tuit kuex kaz kuinz.

DUNGWVNC 12:33

Tsuingshiq rueq, “Nuimshiq kaz wvnc muit ngoz ruiux nuiyshiq lotlaz thueyc tix,” ngoz tueq; Ejip mungx maq yauk lox htat kay wvnc tvkoc nvr wuez tueq.

DUNGWVNC 12:39

Tsuinghez rueq Ejip mungx wawc wungwanx vhttuingx vlvmz laq kuex wisiz lomx muq wansawx lumc wuez tueq, yvmx khoc lac ngoz ruiux lec tsuingshiq kuex Ejip mungx maq vhuingc rvhek laz dvyx yurc gay rvhumc ningkhvnc nuex, tsuingshiq rueq phuiuz vsvy tvyoalc lvp muq rvtueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:16

Vkhoc ruez vshix kuex m-yauk nuex tvtsuingc juing hakhix nuiyc mkhaungx nuex vmenc taq tvtsuingc juing hakhix ikhoc, Yehowa luimc vkawc yunghvlc maq naungshiq Ejip mungx wawc tvdung shvlx wvnc phuex kuex honc tvsvmc tvkoc rvtueq,’ ngoz tueq jungx shuiux,” ngoz tueq.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 14:13

Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

DUNGWVNC 15:6

“Yehowa lex, m-yaukkeq kox luimc vkawc kuex vkawc yawc juing rvtueq; m-yauk phumz maq ralx htenc kuex tvbunx gay toq.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

ISAIA 63:12

Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.

WEAWEA 11:23

Yehowa rueq, “Ngvy luimc vkawc maq lot laungc mauk phvnx vhttax haz? Ngaz rueq nvr phaungx rulc rv-ngvlc yaungx tuex shuex yaungx muq lac kuex mnoz rueq mtanc httax muq nuex khiz shuiux!” ngoz tueq tvralc tueq.

WEAWEA 23:23

Israel phvnx httonx tueq nuex vlox phajic, ngvmc khic phaqjic kuex nyuip lot tuex rvmuq. Majuiuc kuex miq htenc rueq Israel lvmz kuex, ‘Lawc shuinz, Tishox rueq kvkhoc ruez gay tueq ix!’ ngoz tueq jungx wuez shuex.

Acts 13:17

Israel miqsaz htenc muex Tishox rueq naungshiq jix vwaz htenc Ejip mungx nuex wuinz waz ikhoc httax tueq nuex tsuingshiq kuex thvl vtueq, miqphvnx yunghvlc muex tvyaungc kuq tueq, luimc vkawc yunghvlc maq kvruex mungx kvwawc tvdung shvlx wvnc vtueq,

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.