DUNGWVNC 6:3 - Hawa Naga Bible 2001

³ Abraham, Esak, Yaku muex ngaz kuex Tvphaungc Tvsuip Tishox rvtauk lvmz kvkhic kaz tauk, yuq muinz ngvy shauk pumz maq tsuingshiq muex ngvy vsawc muingc Yehowa rvtauk kuex tvtuiuz mauk.

ASII LAKDAP Bible (BSI)

³ Ngi ka Abraham phana, Isak phana, kiimaq Jakob phana Ningkun Ajong Shiikeawe heshap maq riihumki kang. Shatmaq Ngi raq tsangshiq ma imang asii Tatiwe kra chonglatiika tiisap kuq mang dea.

DUNGWVNC 6:3 Referencias Cruzadas

RAPHA HIQWA LAK 13:18

Kvkhoc rvtueq Abram kuex piq jerak tvhttot vtueq Hebron ghaq hong Mamre wawc vsawc pulx jungx kemz yaq hep nuex luiuz kaz vtueq jerak tec ruiux httax tueq, kvruex baung kvyuq Yehowa muex shomrawx tvhungx taq tueq.

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

RAPHA HIQWA LAK 22:14

Abraham rueq kvruex baung kv-ngoc, “Yehowa rueq vtvyoalc kuq,” ngoz tueq muingc tueq. Majuiuc nuex httuiuc laz miq rueq, “Kanx nuex Yehowa rueq tvyoalc kuq tueq,” ngoz tueq ngoz wuez ruiux yaq.

RAPHA HIQWA LAK 28:3

Tvphaungc Tvsuip Tishox rueq mnoz shungc ngaungc wvnc tuiux yuq ruimruimx kuq vtueq, suiuz vsaz paunghvlc mtvpux paung kuq kv-phux mnoz kuex miqphvnx ruip rawx muex jix vwaz yaungx wvnc kuiuz!

RAPHA HIQWA LAK 35:11

Lauk shiz hulawx Tishox rueq piq muex ngoc, “Ngaz kuex Tvphaungc Tvsuip Tishox rvtauk. Suiuz vsaz paunghvlc jawx shuiuz. Miq phvnx ruip rawx kuex mnoz maq pux paung dung wvnc tuex, msuiuz msaz phvnx wawc honoc hokhvmx dung wvnc wuez tuex.

RAPHA HIQWA LAK 48:3

Yaku rueq Yosep muex ngoc, “Tvphaungc Tvsuip Tishox rueq Kanaan mungx Luza ghaq maq ngaz muex kvkhic kaz vtueq ruimruimx kuq phuex.

Tvtsvmc 68:4

Tishox muex shix ngoyx shuinz, vpiq muingc kuex tvtsvmc shic maq tvtsvmc wuez shuinz; phuemx htauk nuex ngaungc jix waz tvkoc lvmx tvyoalc wuez shuinz. Vpiq muingc kuex Yehowa rvtueq, vpiq khaungkac nuex kokez wuez kuinz!

Tvtsvmc 83:18

Mnoz dvyx Yehowa rvtoq lvmx nuiyc ghaq ruiykhuix lotlaz guimz lawc jix waz rvtoq lvmz kuex tsuingshiq rueq mtuiuz wvnc wuez shueq.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

DUNGWVNC 3:14

Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

JEREMIA 16:21

Yehowa rueq, “Kvkhoc ngoz ruiux ngaz rueq ngvy luimc vkawc nuiyc lotlaungc lvmz kuex kvlaungx taq tsuingshiq muex tvtuiuz shaungx; ngaz Yehowa rvtauk lvmz kuex tsuingshiq rueq tuiuz wvnc wuez shuex,” ngoz tueq jungx tueq.

JEREMIA 33:2

Ghaq kuex tvhungx vtueq tvdung sung ruiux rvkhauk laz baung nuex tv-ngaungc tvy jix Yehowa rueq ngaz muex jungx phuex. Vpiq muingc kuex Yehowa ngoz yaq waz rueq ngoc,

EJEKIEL 20:5

Ngaz rueq yvmx lac jungx vshaungx tsuinghez muex jungx shuiuz. Ngaz rueq Israel thvl wvnc tauk nuex, tsuingshiq muex bomkhvmc taq tauk. Ngaz rueq Ejip mungx maq tsuingshiq muex ngvy shauk pumz tvkhic vtueq: ngaz kuex tsuingshiq Yehowa Tishox rvtauk lvmz tsuingshiq muex jungx wvnc tauk.

EJEKIEL 37:13

Ngvy miqsaz htenc vluip taq baung htenc kuex lanx vtueq tsuingshiq kuex tvdung shaungx nuex, ngaz Yehowa rvtauk kuex tsuingshiq rueq tuiuz wvnc wuez shuex.

EJEKIEL 37:6

Ngaz rueq nuimshiq thaq vruingx htenc kuex tvduiz vtueq vkhuix maq yop kuq phaungx. Ngaz rueq nuimshiq nuex thuiuzthuic htawc kuq vtueq nuimshiq kuex tvraungx wvnc yek tuinx. Kvkaq ngaz Yehowa rvtauk kuex nuimshiq rueq tuiuz wvnc wuez shuinx,” ngoz tueq jungx tueq.

John 8:58

Yesu rueq, “Ngaz rueq nuimshiq muex vsuing jungx kuq ix, Abraham max jawx nuex phuex ngaz vhttax rvtauk,” ngoz tueq tvralc tueq.

Revelation 1:4

Ngaz Yohan rueq Asia mungx hong nuex httaz jix phungc mvshix muex luik wuiyq tvwvnc vphaungx. Majuiuc pat, mvnnuex pat, yix maq pat nuex muinz httax hvt dvyx httax yaq Tishox kox wawc muinz, vpiq hoc daungraungc khaungkac nuex httax yaq siyac mvshix kox wawc muinz,

RUTHA 1:20

Piq rueq, “Ngaz kuex Naomi ngoz tueq nauk ngoz vkueq; Mara ngoz tueq ngoz kuit, yvmx khoc lac ngoz ruiux lec, Tvphaungc Tvsuip Tishox rueq ngvy rullungx nuex vkhuip vkhaq tvrvhumc kuq wvnc phuex.