DUNGWVNC 6:4 - Hawa Naga Bible 2001

⁴ Kvdvyx rvmuq tsuingshiq kuex wuinz waz ikhoc dvyx httax wvnc tueq Kanaan mungx kuex tsuingshiq muex kuq phaungx ngoz tueq, ngaz rueq tsuingshiq rulc bomkhvrc taq tauk.

ASII LAKDAP Bible (BSI)

⁴ Kiimaq Ngi raq tsangshiq rai itong min shong kang. Kra tongshong raükha kiqkham ka Ngi raq tsangshiq ma Kanan mung, tsangshiq wanshawe ma ja raüta shong wantaq kra tsangshiq ma mikuqha nguta kiqkham kuq kang.

DUNGWVNC 6:4 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 15:13

Yehowa rueq piq muex ngoc, “Msuiuz msaz hez kuex pungmungx nuex wuinshaung muex httax tuex; kvruex yuq tsuingshiq kuex wawc shac bvlic dax muex yaungx vtueq, naqsaq guirguenc naqruiyx rvhumc tuex.

RAPHA HIQWA LAK 15:18

Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,

RAPHA HIQWA LAK 17:13

Miqwaz vngoz lotlaz rueq vhttoar gvnc rax, kvruex kuex mnoz rulc vtaq pattup phaungx ngaungx yaq ngvy bomkhvrc kuex tvkhic kuy gvnngvmx nuex seng yaq tvtsuingc mal yaungx tuex.

RAPHA HIQWA LAK 17:4

“Ngaz mnoz rulc vkhoc bomkhvrc taq vshaungx: mnoz kuex miqphvnx paunghvlc muex jix vwaz yaungx wvnc tuiux ngaz rueq bomkhvmc kuq vphaungx.

RAPHA HIQWA LAK 23:4

“Ngaz kuex nuimshiq kox nuex wuinz waz httaz dvyx httax vtaungx; itaungx nyuiuz maungx kuex luip muex ghaqphux baungshiz shaung kuq kuit,” ngoz tueq jungx tueq.

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 26:4

Msuiuz msaz htenc kuex raungwawc ruiysuiyq ikhoc tvpaung kuq vtueq, tsuingshiq muex vruex hong lotlaz kuq shaungx. Msuiuz msaz htenc muex ngaz rueq ruimruimx kuq shaungx kvkhoc, miqphvnx htenc rueq muinz ngaz kox wawc ruimrix thoz wuez phuex.

RAPHA HIQWA LAK 28:13

Kvkaq Yehowa kuex piq httoarc nuex jvp vtueq, “Ngaz kuex Abraham nuiyc Esak Yehowa Tishox rvtauk. Mnoz majuiuc woalc vtuiux baung kuex mnoz nuiyc msuiuz msaz htenc muex ngaz kuq phaungx.

RAPHA HIQWA LAK 28:4

Abraham muex vpiq rueq ruimruimx kuq tueq kvkhoc, mnoz muex nuiyc msuiuz msaz htenc muex muinz ruimx mruimx kuq shueq, Tishox rueq Abraham muex kuq tueq, mnoz httax vtuiux ghaq vraungx wawc tsak vnyvmx htenc kuex mnoz muex mruez kueq!” ngoz tueq jungx kuq tueq.

RAPHA HIQWA LAK 6:18

yuq muinz ngaz kuex mnoz rulc bomkhvrc taq shaungx. Mtaungx nyuiuz, msahez nuiyc mnvmx nyuiuz hez htenc kuex svngpholix nuex tvduiz shuiuz.

2 SAMUEL 23:5

Bunx kaz muq juing vrungx vraz lvmz, kvlayc kay vguez bomkhvmc ngoz yaq pattup pat-sac bomkhvrc ngaz rulc tvhungx ningkhvnc nuex, Tishox rueq isuiuz isaz htenc muex ruimruimx kuq shuex. Kvruex kuex ngaz rueq raungc raq vshaungx lvmz lotlaz rvtueq; ngaz rueq taungx wvnc shaungx lvmz rvtueq, Tishox rueq kvruex vsuingc suing tvyaungx kuq phuex.

Tvtsvmc 105:12

Tishox miqsaz htenc kuex vwvlc muex raungluingx saz dvyx rvtueq, tsuingshiq kuex Kanaan mungx nuex wuinz waz muex yaungx tueq.

DUNGWVNC 13:4

Nuimshiq kuex Abib yapix ngoz yaq vphaungc yapix vruex raungnuiyq nuex Ejip mungx maq dung wvnc tuit.

DUNGWVNC 13:5

Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.

DUNGWVNC 6:8

Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq.

ISAIA 55:3

“Ngvy miq hez lex, majuiuc tay vtueq, ngaz kox nuex kaz luit; ngaz kox nuex kaz ruiux nuimshiq rueq rullungx lvp shuinx! Ngaz rueq nuimshiq rulc pattup bomkhvrc tvhungx ruiux, Dawid muex bomkhvmc kuq tauk ruimrix htenc kuex nuimshiq muex kuq phaungx.

WEAWEA 10:29

Moshe rueq Midian phvnx Jethro saz vguz Hobab muex ngoc, “Yehowa rueq nuiyshiq muex kuq phaungx ngoz tueq mungx nuex nuiyshiq majuiuc kaz vtix. Piq rueq Israel miqsaz muex tvrungx wanx kuq phaungx ngoz tueq bomkhvmc httax yaq ningkhvnc nuex nuiyshiq rulc vdvmz kaz naungx loq, mnoz rueq muinz nuiyshiq rulc rv-ngvlc lvp luz shuiux,” ngoz tueq jungx tueq.

Acts 7:5

Kvruex mungx nuex Tishox rueq Abraham muex tsak vnyvmx ghaqphux kuex yaz nuiuz juing tanc doc muinz kuq muq, yuq muinz Tishox rueq kvruex mungx kuex piq muex kuq phaungx ngoz tueq, bomkhvmc kuq tueq ningkhvnc nuex kvruex kuex piq nuiyc vsuiuz vsaz hez muex muinz seng yaq. Kvkhoc bomkhvmc kuq tueq jauz Abraham kuex nox max lvp shauk doc rvtueq.