WEAWEA 23:19 - ASII LAKDAP Bible (BSI)

¹⁹ Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Hawa Naga Bible 2001

¹⁹ Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

WEAWEA 23:19 Referencias Cruzadas

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

RAPHA HIQWA LAK 28:15

Tsan na tiitsang laq. Ngi ka ümniirai nong shiinong mirha. Kiimaq ümniika ümriiba niili khum haü jiimin tiikhup wong kuq shat mirha. Kiimaq Ngi raq ümniika armung na hali mitiijang sheaho nongha. Ngi raq ümniima kiqkham raüpot khakuq kang thun kra kunli miku piwan shaq wiiwii, Ngi raq ümniika thaq mang.”

1 HOKHVMX 14:11

Ümjamtitiim wa juwa chela mong na tsaitlaq kriiti maaphong ka kuku kong raq miphaq baiq. Kiimaq juwa wak ram na rum na tsaitlaq kriiti maaphong ka langtang kong raq mirchom phaq wan. Arka Ngi Tatiwe raq ngutiikang,’”

2 HOKHVMX 15:12

Arka Tatiwe raq Hokhamwe Jehu ma akiqkham kuqtaq kra phan phan dea kuwato. Kiq ka akha kham kuqto: “Ümsaü ümsetiim ka maiq pat patblai na saüli Israil mung na hokham ma mijawan.”

2 HOKHVMX 7:2

Kra tai raüta hokhamwe shiiliti jaqshise raq Elisha ma nguto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hong mak miraq!” “Ümniiraq ümmak maq michhi haü. Shatmaq kra phaq nai sea ka ümniiraq ümnii na telap maü mirhaü,” nguta Elisha raq treto.

1 KAÜWA WERAÜ 17:17

Shatmaq kriithaq niimin ümchaü ümniiraq ngi miitu achan ana she hali klokuq nong tlaü. Ümniiraq rawiichii ji miitu isaü isetiim pat na achu shiiman jonghea milap wan nguta kiqkham kuq wan laü she. Kiimaq Tati Shiikeawe, ümniiraq ngi ka ümchaü dongdii min ajong alawe kaü ikhiishe shreng wan tlaü.

Tvtsvmc 110:4

Tatiwe raq asiq areng akha kiqkhamto kriika janghomak she; “Ümniika pattup pat-sa ramwe mijahaü, arka ramwe Melkijedek pumsong she.”

Tvtsvmc 132:11

Ümniiraq Dawit ma akha sinkham kuqlaü— kra kiqkham ka ümniiraq jangho nong maüshe: “Ngi raq ümsetiim phong wa weshi ka hokham ma mishongha, kiimaq apaiq raq üm jai na mung mipeng.

Tvtsvmc 77:9

Shiikeawe raq tiihang mangchan ka alaq she sha riibaiqta? Amangchan tsii ka atsankhiq miishe shea laibaiqta?”

Tvtsvmc 89:34

Ngi raq apaiq rai tongshongkang kra siiqbaiq mang riimakla ngi raq apaiq ma kiqkham raüpot ümchuwa khakuqkang kriiwa pot shi dongdii min tiikhoibaiq mang mirha.

Tvtsvmc 89:35

“Ngi raq Ngi asii mang na apaiq ma pattup pat-sa miitu kiqkham kuqkang; kra ngi raq Dawit ma arot tiijalot mang.

ISAIA 21:17

Kedar mung wa liqshamti sreabi thun ka pinthum sreakong siisaq. Shatmaq kra phong wiika atsapseli she aso mitiichong. Arka Ngi, Tati Israilnok Shiikeawe raq chongtiikang.”

ISAIA 31:2

Apaiq riika apaiq raq jamlai wa kiimungtlaq kra asap! Apaiq raq chongthum rathaiq tiisaütlo. Apaiq raq maiq abi ati maiqse kra atsea mirha nguta shiikengtlaq kra phan phan tsatbaiqtlo. Kiimaq maiq abi ati maiqse khupwongti kriima apaiq mo tiihotlo.

ISAIA 40:8

Tengto, sangphii ka jungkitlo, kiimaq pepüro ka mutkitlo, shatmaq nashiq Shiikeawe bomtsi ka pattup pat-sa ngangtlo.”

ISAIA 46:11

Ngi raq maiq weshi shedong mung wa heatiikang; apaiq ka liihawe raq phiimtlaq ikha phümsaqli she miphiim wan, raüta Ngi raq jamlai kiimung wa thapthi kang kra riikhaqli mitiiku wan, Ngi raq ngukang she, krai mren miku wan dongdii.

ISAIA 55:11

Kra niqririsii hali, ngi raq bomtiikang ibomtsi riimin— ngi raq jamlai miituwa bomkang kra jaqsham ka tiipoimak miraq; Ngi raq jamlai miituwa tiikikang kra kun kun miklo.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

DANIEL 4:28

Riita, arthun mra arka Hokhamwe Nebukadnejar rilung na wiita dea hongtha wanto.

Hosea 11:9

Arningkhan itsankhiq walü, namshiq khuthaq na chaq mang. Ngi raq Israilnok ka shiithen baiq mang. Ngi ka Shiikeawe, han-ngam maiqse riimang. Ngi Asii Shiikeawe namshiq rai asi. Tsankhiq waniitu pilata namshiq phana kimang.

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

WEAWEA 14:35

Ngi raq arka namshiq abi pinthumnok khuthaq na mikloha dongdii nguta tumkhamkok tolata ngutiikang. Namshiq ka Ngi ngeng lanta adam na riitu lanta, Ngi ka shulii wan lan. Ara bintang jüngi mung arjaq namshiq loweatek mijiim wan han. Arka, Ngi, Tatiwe raq toqtan tiikang.’”

WEAWEA 23:18

Kiimaq Balaam raq riisham bom ka akha chongto: “Wara, Jippor se Balak lei, Laüta ngi raq jamlai wa chongtiikang ara tailaq.

Luke 21:33

Ra nai hiq ka athum mirki. Shatmaq, i bomtsi arka poiki mak phan.”

Romans 11:29

Shiikeawe raq apaiq kongphiq ka ju rii ngutiiwa thiiq wantaq, kriika maiq ahinti miika kuq mak she. Apaiq raq ju wa tsea tsiiq wantaq kiimaq ju ma achu shiiman kewan chang ngutiiwa, thapthi wantaq, kra bom kha ka diibaiq wan mak she. Ju ma kewan chang wa kriika, mikuq wan dongdii she.

Romans 9:6

Ngi riika Shiikeawe raq akuq, kiqkham kongphiq raükha kriika apoi riikito nguta ka ngu mang. Kra kiqkham ka tiiku wanto. Ara jamkhano chongtiikang ngukla, Shiikeawe raq asengi miitu maiqse ümchuwa akhek atiitsang raüta tsea wantaq thun kra, ümchaü sanha, ümsiimiiwa Israilnok phan sitlaq kra thaq niimin apa she.

2 Timothy 2:13

Kiimaq nashiq raq, apaiq ka Tatiwe riimak nguta shishe hai jiimin, Apaiq ka Tatiwe li dongdii misi wan. Jamkhano ngukla, apaiq raq apaiq kiqkham ka, arot ma tiija baiq wan lot mak.”

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

Hebrews 7:21

Shatmaq, ümtiikiiwa Shiikeawe sinkham lümaq, Jesuq ka ramwe miishe shongtaq, kra akhing na, Shiikeawe raq Jesuq ma akha nguta sinkham bom chongto: “Tati Shiikeawe raq sinkham raüta, ümniima kiqkham kuq tlo, ara kiqkham arka paiho mak she: ‘Ümniika pattup pat-sa miitu, ramwe miishe mija haü.’ ”

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 4:5

Asii bomtsi na, “Shiikeawe raq nashiq mongjii na Asii Wenyi kuqto. Kra riika nashiq tsaiji rai tiipum tlii maq siwan ha jiilei nguta pinthum lungwii tlo,” nguta chong tlo, arka namshiq raq arot chongtlo sham nguta naq tiima rongkiq.

JOSHUA 21:45

Tatiwe raq Israilnok ma kiqkham kuqtaq bomtsi thun ka poshi min tiipoi mak maq, thumthum tiihong kuqto.

1 SAMUEL 15:29

Israilnok rümti khushü ajong Shiikeawe raq arot chongmak. Kiimaq apaiq tiima tsantsii kiimin klaimak. Apaiq ka maiqse riimak. Apaiq hon atsii ka klai mak.”

1 SAMUEL 3:12

Kra ranaiq, ngi raq Eli tahii ma tiihai chongkang thun moho chang kra, kra apha maq riita atiisup na saüli she mitiihoha.