WEAWEA 11:12 - ASII LAKDAP Bible (BSI)

¹² Ngi raq tsangshiq ka phansang mang dea. Riimakla ngi raq tsangshiq ka chii mang dea! Riita ümniiraq ngi ka noboqti nyung ma jalata tsangshiq ka ijaq na do lata noshiisetiim kong ikha, ümniiraq mung ashi mikuqha nguta tsangtitiim ma kiqkham kuqlaü kra mung na saüli boq wan laq nguta jaram wa thaü tlaü?

Hawa Naga Bible 2001

¹² Tsuinghez kuex ngvy wuk nuex gurx vtueq vjawx hez haz rvtvnx! Mnoz rueq tsuingshiq jix vwaz muex kuq phaungx ngoz tueq bomkhvmc taq toq mungx nuex kay juing lvmx wvlex nuex nox tvguilc jix waz rueq ikhoc, yvmx rvtueq lac ngaz rueq tsuinghez kuex tenpix vshaungx nguinx?

WEAWEA 11:12 Referencias Cruzadas

RAPHA HIQWA LAK 13:15

Ümniiraq ümmak maq aham ham hiq ara ümchuwa chhitlaü thun kra, Ngi raq ümniima nai ümsaü ümsetiim ma wiita mikuqha. Kiimaq armung ka pattup pat-sa miitu ümniiriishe miraq.

RAPHA HIQWA LAK 24:7

Jamkhano ngukla, Tatiwe, ramungtan Shiikeawe raq, ngi ka iwe jam wa kiimaq ita iwii sichang hiqshong wa, ana sheahoto. Kiimaq apaiq raq ngi ma sinkham raüta armung arka isaü isetiim ma mikuqha nguta kiqkham raüpot shatkuqto. Apaiq raq arase ka ümkhaki na sinkhu na mitiiwa. Kiimaq ümniiraq ise miitu kra mung wa achak ka mihum hohaü.

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

RAPHA HIQWA LAK 50:24

Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”

2 HOKHVMX 10:1

Ahab saüsetiim maiq roqmiishi ka Samaria chela na sitlo. Jehu raq lak ashi waiqto raüta kra lak ka chela pengti mungtubi, welabi, kiimaq Ahab saüse phan maiq sitlaq kra liiti anyungwe ma jatibi thun kiima tiiwanto. Lak na akha waiqto:

2 HOKHVMX 10:5

Kra ningkhan she, hokhamwe jam liiti siihiipwe, kiimaq chela pengti siihiipwe, kiimaq kra chelati nyungwere welabi rai kiimaq Ahab saüsetiim dungheati anyungwe ma jatibi thun rai adam na kiqshi maq ri raüta, Jehu ma tsütsa ka akhiishe tiichonghoto: “Naishiq ka ümjaqshise kong siisaq. Krai mren, ümniiraq jamlai wa michong haü, kra phan phan li mishamkai. Naishiq riika jumin hokham ma shongmai. Krai mren, ümniiraq jamlai wa ahea nguta thapthi tlaü kra klolaq.”

DUNGWVNC 13:11

“Tatiwe raq namshiq ma nai namtitiim ma Kanan mung ka mikuqha nguta sinkham kuqtaq kra mung na namshiq ka mitsuq wan. Ümtiikiiwa kra mung ka namshiq ma kuqtlaq,

DUNGWVNC 13:5

Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo.

DUNGWVNC 33:1

Tatiwe raq Mosheq ma nguto, “Arba arwa laüwan ronglaq, ümnaq nai mungmaiqse ümniiraq Ejip mungwa tsuq wan laü thun kra. Laüta Ngi raq Abraham ma, Isak ma kiimaq Jakob ma nai tsangshiq saü asetiim ma mikuqha nguta kiqkham kuqkang mung kiiniishe laüwan ronglaq.

DUNGWVNC 6:8

Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

John 10:11

“Ngi ahata maiqshaq sku rümti we. Skukong khupi ma atsai khamti we.

1 Corinthians 4:15

Ara jamkhano chongtiikang ngukla, namshiq ma kamasham rilung na ashun ashea kewanti maiq ka hingroqshi li siraü jiimin, namshiq ma awejong ka ashi li. Namshiq ka Jesuq Khristo puk na nyap lan krai mren, ngi ka namshiq ma Tsütsa Ahea chongke wanti kha maq, namshiq ma kamasham na awejong she jakang.

Galatians 4:19

Mangchan i setiim lei! Bliiq biishi chong tiikang ara tiitsang tairong laq! I tsan mong na, namshiq miitu chapa tsi ka, anyung raq ase chii na, nowüchhi tsi chamchao tlaq ikha, Jesuq Khristo rong arai ka, namshiq rilung na chhi mang shaq wiiwii ka, ara nowüchhi tsi arka, tsi ruq li mitsi.

TRI CHONGKE 1:31

Kiimaq kumtsaiphii mung maq khat kuqtaq kiikha mikhat kuq. Apaiq raq namshiq ka lam wiilülü ana saüli khusang maq jamkho tsuq wantaq kra chhilan she kata. Awe raq ase ka raikhü na jamkho boq wantlaq ikha namshiq ka boq wanto.’

1 Thessalonians 2:7

O, lamshi maq liiwan i ngu raü ka, naishiq ka Khristo kiimwebi kha maq, namshiq jaq wa, naishiq jaq maq jaüphaq kriika mai tlo. Kriika alam asi. Shatmaq, naishiq ka namshiq rai adam sikai liipan na, anyung ma jalaita, namshiq ka boqpum kai.