Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she.
DUNGWVNC 3:7 - ASII LAKDAP Bible (BSI) Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she. Hawa Naga Bible 2001 Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq, |
Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she.
Ngi ka kilata kra kha thun nyantlaq taitiikang ka ngohea dea shea arot wa kra liikai ratlo.”
Shiikeawe raq no horai ka taito. Kiimaq ramungtan maq Shiikeawe rase raq Hagar rai riibomto, “Hagar lei, ümniika jamlai mo chapa tlaü? Naqhaikiq. Shiikeawe raq no horaitlaq kra taito she.
Kiimaq Lea ka wiihan she riito. Raüta ase maiqwe se chiito. Apaiq raq nguto, “Tatiwe raq ngi chamchao ka chhito. Ümchaü ka iwese raq ngi ka milungwii she.” Kra ningkhan apaiq raq no ka Reuben nguta mangto.
‘Liilaq’ nguta apaiq raq nguto. ‘Chhepong wetiim tlotli akaütiim rai ala haitlaq thun ka, awaiqtlam raq raq, waiqtam setiim maq twaiq raq raq, kiimaq alan setiim maq twaiq raq raq siisaq. Ngi raq arthun ara akha klo kuq tiikang, jamkhano ngukla Laban raq ümniima jamlai wa haihii rat tlaq kriika Ngi raq chhikang she.
Riita iwetiim Shiikeawe, Abraham Shiikeawe kiimaq Isak Shiikeawe ka ngi rai ahü nguraü ka, ümniiraq ngi ka jaqmii maq man niiphü mitiiwa baiq haü wa. Shatmaq Shiikeawe raq ngi chamchao ka chhito. Kiimaq ngi raq minshiiq kang kra chhito. Kiimaq ümwa rawa apaiq raq nanai liipan na kha ka phokuqto she.”
Sobsob bombomti ka ümniiraq, tiikhup wongkuq tlaü. Shatmaq akhü ra na tsanshatti ka, hiqbi kho na tiidea baiq tlaü.
Kiijiishe Jehoahaj raq Tatiwe jaq wa achu jaüto. Kiimaq Tatiwe riimin Siria mung hokhamwe raq Israil mung ka jamkho notshotshot tiichamchao tlaq kra chhi raüta apaiq achu jaü ka treto.
Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.
“Ümniiraq naititiim ka Ejip mung na, jamkho chamchao wantaq kra achhi haü kata. Ümniiraq khamshii chumjong mong maq, tsangshiq hoqsii wantaq kra tre kuq laü ihata.
Li jiimin Tati raq tsangshiq hosiitrang tlaq na taikuqto, apaiq raq tsangshiq kaidi rai ka chhito.
Tatiwe kiqkham thun ka akamsea chang; kriika chiisan kampho awongsii khi watum na jang miishi chen raüta thütlaq ikha awongsii.
Itsaiji jomhea jomwantlaq bala, ngi raq jamlai klochang wa apaiq raq asap. Ngi khumchang lam na ngi tiidea ma ijaqtinok raq thiikho thuto.
Apaiq shreng raüta siti wiita ma rongraatlaq phan thun ka chomrom kuqtlo; apaiq tsangshiq hoqsiitlaq kra taitlo raüta tsangshiq ka chhiitlo.
Apaiq raq miitsan maiqse tiishaüji mak kiimaq tsangshiq chamchao ka shipoq mak; apaiq ka tsangshiq pha wa ahin nü na müwan mak, shatmaq ümtiikiiwa tsangshiq raq khrum jaüjiiq kra trekuqtlo.”
Ngi raq Tatiwe jaq wa achu jaükang, kiimaq apaiq raq ngi ma treto, apaiq raq ngi ka haisi rasong wiita wa tiiwong kuqto.
Ümkoq ümphaqti raq apaiq mang chongtlo, kiimaq apaiq raq tsangshiq bom tretlo; apaiq raq tsangshiq ka chamchao litkot wiita wa tiichhii kuqtlo.
Shatmaq Tatiwe lei, ümniiraq achhihaü kata! Kra ningkhan ümniika kaiqshak naq ngakiq, Tatiwe lei; ümniika ngi tho wa alu na naqsikiq!
Lata, Jerusalemti mungmaiqse khaki na michapha kiimaq ngi raq ümnaq shomra tiikang jaqsham laü thun kra wiita tsangshiq ma michong kuqha, Ümniiraq ngi chhiikuq laü ningkhan kai michochiha.
Kra ningkhan she Ejip mungti raq tsangshiq tsaiji kra tiijom baiq ma nguta dikong rümtinok raq tsangshiq ma ningkun maq shiitep raüta jaqsham holai henghea she tiishamto. Israilnok raq Pithom chela nai Rameses chela hokhamwe ma rai awong thun lunke chang nyungchong chela kra teito.
Kiijiishe, hokhamwe anye ashi, Joseph manphan jam min sapmakwe kriishe hokham ma shongto.
Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”
Kiimaq dikong pengtibi nai Israilnok jaqsham liitibi ka Israilnok phana kito. Raüta Israilnok ma akha chongto, “Hokhamwe raq namshiq ma tsamkü shin ka lunkuq mak she nguwa.
Kra ranaiq liipan niili hokhamwe raq Ejip mungti dikong rümtibi kiima nai Israilnok jaqsham liitibi kriima akha aming kuqto:
Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.
Kiimaq naishiq ka Tatiwe man na khrum jaü hoqtrangkai. Apaiq raq naishiq hotrang ka taito. Raüta naishiq khrumti rase ashi tiikito. Apaiq raq naishiq ka Ejip mung wa tsuq wanto. Ümchaü naishiq ka Kadesh wang na. Üm mung hiqrai tho chela na.
Ngi raq I saü I setiim Ejip mung na riitsi tsaitsiiq chamchao tlaq kra chhi kang she. Ngi raq tsangshiq hosii trang kra tai kang she. Kiimaq, ngi ka ümchaü tsangshiq ka shumraü kharü mong wa dokdaa kai kikang. Wara, ümchaü Ngi raq ümniika Ejip mung na tiikipha.’
Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.
“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”