1 SAMUEL 9:16 - ASII LAKDAP Bible (BSI)

¹⁶ “Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”

Hawa Naga Bible 2001

¹⁶ “Invp raungnuiyq vtanc jauz Benjamin phvnx wawc miq washiz kuex mnoz kox nuex ngaz rueq tvkaz phaungx; ngvy miqsaz Israel kuex guimz lawc jix waz muex tvyaungc vtueq, piq kuex ruimruimc puiz tix maq shvy kuq shuiuz, kvkaq piq rueq tsuingshiq kuex Philistin miqsaz yauk wawc tvkhup wungx kuq shuex. Ngvy miqsaz htenc rvhumc yaq kuilc daz kuex ngaz rueq khiz tauk, tsuingshiq muex romc kuy tvkoc tsuingshiq rueq guyc thoz yaq kvmuinz tay tauk shex,” ngoz tueq jungx tueq.

1 SAMUEL 9:16 Referencias Cruzadas

2 SAMUEL 3:18

Riita, ümchaü namshiq ma akhing ahea she saü wato. Tatiwe raq nguto, ‘Ngi raq isengi Israilnok ka Philistainnok jaq wa kiimaq maiqmung ahinti chiqse rewe jaq wa, ijaqshise Dawit lümaq mitiiwong kuq wan ha,’ nguta chongtaq kra namshiq ma tsan na tiitsang ronglaq.”

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

Tvtsvmc 102:1

Ngi achujaü ara tiitsang tailaq, O Tatiwe lei, laüta ngi raq khrumjaü hoqtiikang ara tailaq!

Tvtsvmc 106:44

Li jiimin Tati raq tsangshiq hosiitrang tlaq na taikuqto, apaiq raq tsangshiq kaidi rai ka chhito.

Tvtsvmc 25:18

Ngi litkotkaidi chamchao homa thun ara liikuqlaq laüta ingarai homa thun ka diibaiqlaq.

TAKSU LAK 16:9

Ümniiraq jaqsham ka mihang haü sham, Shatmaq Shiikeawe riitiq, jaqsham ka mithapthi kuq.

JEREMIA 32:8

Kiijiishe, Tatiwe raq ngi ma chongtaq kra tiiphanphan, Hanamel ka kiijaq rungkhok na ngi sichang kiijaq saükito. Raüta ngi nangnga wakphu bashi kra rithü laq nguta chongto. Krai mren, ngi riimin taksaqli she riikang arka Tatiwe riidea ngi miitu tiihong thatlo nguta sapkang.

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

1 SAMUEL 14:20

Kiijiishe apaiq nai asengi ka Philistainnok khat kai kihoto. Kra akhing na tsangshiq ka maiqmii nai maiqmii liipan niilishe sunghü tsiihü riijiipsiq wanto.

1 SAMUEL 14:23

Raüta Bethawen chela binjü kra tleaphok khat wanto. Tatiwe raq Israilnok ka kra ranaiq rewe jaq wa tiikhup wongkuqto.

1 SAMUEL 15:1

Samuel raq Saul ma nguto, “Tatiwe raq ngi nangnga ümniika asengi Israilnok khuthaq na hokham ma shongkikiq nguta phumram kham maq tiibatkai tiikito. Riita ümchaü min, Ajong Pinthum Tatiwe raq ümniima jamlai aming wa kuq tlaq tiitsang tailaq.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:3

Laüta Jesi ka honglu kuqtlaü kra lomwadamkiq nguta tiihea laq. Ümniiraq jamlai jaqsham wan chang wa kriika, ngi riitiq michongkuq kang. Ngi raq juwa hokham shongkang, kriiwe ka ümniiraq olip tsai phumram kham maq mitiibok haü.”