DUNGWVNC 33:13 - ASII LAKDAP Bible (BSI)

¹³ Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”

Hawa Naga Bible 2001

¹³ Kvkhoc raungc raq vphux lvmz kuex ngaz rueq tuiuz tvkoc mlvmz kuex tvkhic kuq koq. Vruex miqphvnx kuex mnoz rueq vthvl wvnc rvtueq lvmz kuex tvmaung shuiuz,” ngoz tueq jungx tueq.

DUNGWVNC 33:13 Referencias Cruzadas

2 SAMUEL 15:25

Kiijiishe hokhamwe raq Jadok ma chongto, “Tongshong Tek ka chela na hali tiijang piwan nong laq. Tatiwe ngi raq ngi miitu ahea thapthi tlaq jiika, akhing ashi na apaiq raq ngi ka ara Tongshong Tek tochang hiqba kiijaq hali mitiijang shea wan nong. Raüta Tek sham liiwanong miitu kiimaq apaiq sichang hiq ba kra liiwa nong miitu akhing mikuq.

Tvtsvmc 103:7

Apaiq raq ajaqsham kiimung thun ka Mosheq ma tiichhikuqto kiimaq Israilnok ma ajaqsham jonghea thun kra tiichhikuqto.

Tvtsvmc 119:33

Shrinkuqlaq ngi ma, Tatiwe lei, üm thungtri liichum thun ka, raüla kriithun ka ngi raq wranaiqshe milangha.

Tvtsvmc 25:4

Ngi maq ümlam phan shrin kuqlaq, O Tatiwe lei; kriithun ka ngi ma tiisap kuqlaq.

Tvtsvmc 27:11

Ngi ma shrinkuq laq, Tatiwe lei, ümniiraq ngi ma jamlai jaq tiisham rowa, laüta ngi tingting lamphan na shunshealaq, jamkhano ngukla ngi ma rewe pahea asi.

Tvtsvmc 51:13

Raüla ngi raq ngarai maiqse kong ma ümnaq aming thun mishrin kuqkang, kiimaq tsangshiq ka ümwokhong na hali mijang wan nong.

Tvtsvmc 86:11

Ngi ma shrinkuqlaq, Tatiwe lei ngi raq jamlai shamchang wa, raüla ngi ümwokhong na tsapkapkap misikang; ngi ma shrinkuqlaq wuda kaü ikha ümnaq shomnoq ma.

DUNGWVNC 3:10

Ümchaü Ngi raq ümniika Ejip mung hokhamwe phana tiikitiikang. Kriika ümniiraq isenginok ka apaiq mungtan kiiwa ahin na tsuq wan miitu tiiki tiikang.”

DUNGWVNC 3:7

Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

DUNGWVNC 32:12

Ejip mungti ma ümniiraq ümsenginok ka Ejip mungwa tsuq wan laüta pum thun na tiisii rai jiipbaiq wan miitu tsuq wanto nguta jaram tiingo wa? Naqkhiq kiq tsaq liishe. Üm tiima ka klai laq. Kiimaq ara phiiptsi chang chongthum mra ka ümsenginok thaq na naq tiisaükiq.

DUNGWVNC 32:14

Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

DUNGWVNC 32:7

Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

DUNGWVNC 5:1

Kra raütiishe Mosheq nai Aron ka Ejip Mung hokhamwe phana kihoto. Raüta akha nguto, “Tatiwe, Israilnok Shiikeawe raq akha ngutlo ‘Isenginok ka tiiwalaq. Tsangshiq raq Ngi shreng ma kumtsaiphii rumnyangkhi wang na poi miklolaq.’”

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

ISAIA 63:17

Naishiq ka üm lamphan wa jam nguto lamjiq na tiikibaiqho laü? Ümniiraq naishiq ka jam nguto nilannok ma tiijabaiq laüta, ümwokhong wa kinphai na tiidong baiqholaü? Ümniika jang wa nongkiq, ümnaq shiililiitibi kra miitu, kiimaq ümsenginok ümwokhong na wranaiqshe siwanti kra miitu.

ISAIA 63:19

Ümniiraq naishiq ka jangshi ra min ümniiraq peng wan maü dongdiinok ikha liitlaü. Naishiq ka ümtiikiimin ümsenginok riimak dongdii ikha liitlaü.

Yoel 2:17

Ramwebi tombu tiip shomjam na, Tatiwe shomnoq jaqshamti, berong-wacha nai Shomjam kilamchong na, jaqshamti min, wiita triitam hea ronglaq. Lanta makphai khüshang maq achu jaü ronglaq. “O Tatiwe lei, ümsenginok khuthaq na, mangchan tsantsii thülaq, pongmungti ma naishiq ka naq tiishummiikiq. Tsangshiq ma naishiq ka, ‘Namshiq Shiikeawe ka ümbano?’ nguta, naq tiisaisikiq,”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Romans 11:28

Riita, Jehudinok raq Shiikeawe Tsütsa Ahea kra shishe wan kha na, tsangshiq ka Shiikeawe rai wesang ikha siwan tlo. Shatmaq, arka, namshiq Pongnok phan maiqse ma ahea miitu li. Shatmaq, Shiikeawe raq tsangtitiim ma kiqkham raüpot khakuq wantaq kra lamphan miika, tsangshiq ka Shiikeawe ma khi alunok nguta siwan tlo.

Ephesians 1:17

Kiimaq nashiq Tati Jesuq Khristo ma Awejong Shiikeawe, achhai anyii khushü ajong rümti we jaq wa, namshiq miitu achu jaü tiikang, apaiq raq namshiq ma, Asii Wenyi ka asho awo mikuq laq nguta. Raüta namshiq ka, wenyi rilung na taksu maiqse ma mitiija laq. Kiimaq, Asii Wenyi raq namshiq ma Shiikeawe rai atsaü maq mang mitriisap kuq wan laq. Krai mren, namshiq ka apaiq ma tsanwa wetiim ma mitiija laq.

TRI CHONGKE 9:26

Kriikha na, ngi raq akha achu jaü kang, ‘Tati Rakaü Hiqwe lei, ümsenginok ka naq tiithen baiqkiq dea. Tsangshiq ka ümniiraq Ejip mung wa adok daa wan haü, üm ningkun henghea maq kiimaq üm hongla jong hea maq atsuq wan haü kata.

TRI CHONGKE 9:29

Riita ija, ümniiriili arnok ka ümsenginok she nguta tseatsiiq wan laü kata. Kiimaq ümniiraq tsangshiq ka Ejip mung wa ümningkun henghea maq kiimaq ümhong ümla heng hea maq tsangshiq ka arjaq tsuq wan laü ahata.’

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.