DUNGWVNC 33:13 - Hawa Naga Bible 2001

¹³ Kvkhoc raungc raq vphux lvmz kuex ngaz rueq tuiuz tvkoc mlvmz kuex tvkhic kuq koq. Vruex miqphvnx kuex mnoz rueq vthvl wvnc rvtueq lvmz kuex tvmaung shuiuz,” ngoz tueq jungx tueq.

ASII LAKDAP Bible (BSI)

¹³ Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”

DUNGWVNC 33:13 Referencias Cruzadas

2 SAMUEL 15:25

Kvruex yimaq hokhvmx waz rueq Zadok muex ngoc, “Bomkhvrc Jep kuex ghaqyungx nuex pix wvnc yek shuiuz. Yehowa rueq ngaz kuex raungc raq ruiux yuq, raungnuiyq shishiz kvruex tvy juing baung kuex khic yek tvkoc ngaz kuex tvyek wvnc yek phuex.

Tvtsvmc 103:7

Vpiq rueq Moshe muex vpiq kvmungx lvmx htenc kuex tvkhic kuq tueq, vpiq vwangc juing phvnx yauk shuimc htenc kuex Israel miqsaz muex tvkhic kuq tueq.

Tvtsvmc 119:33

Yehowa lex, mtvrac htenc vlvmx kuex ngaz muex tvluing kuq koq, kvruex lvmx kuex vkhing ruip rawx ngaz rueq phvnx shaungx.

Tvtsvmc 25:4

O Yehowa lex, mlvmz kuex ngaz muex tvluing kuq koq; kvruex lvmx kuex ngaz muex tvtuiuz kuq koq.

Tvtsvmc 27:11

Yehowa lex, mnoz rueq ngaz muex yvmx tvshuimc roc lac kuex ngaz muex tvluing kuq koq, ngaz muex ralx paunghvlc httax yaq, kvkhoc rvtueq ngaz kuex kuiyq-shuik suinglix lvmx nuex shvlx koq.

Tvtsvmc 51:13

Kvkaq mvrax lvp jix miqsaz htenc muex mnoz rueq nvr shuiux tvrac lvmx htenc kuex ngaz rueq tvluing kuq shaungx, tsuingshiq kuex mnoz kox nuex kvroz yek wuez tuex.

Tvtsvmc 86:11

Yehowa lex, mnoz rueq ngaz muex tvshuimc roc lvmx kuex ngaz muex tvluing kuq koq, ngaz rueq mkvjaz kuex tvmtuing maq phvnx shaungx; mnoz muex tvsawc ric lekuy thuinz maq shuimc kuy lvmx ngaz muex tvluing kuq koq.

DUNGWVNC 3:10

Majuiuc ngaz rueq mnoz kuex Ejip hokhvmx waz kox nuex tvkaz vphaungx, kvkhoc rvtueq mnoz rueq ngvy miqsaz htenc kuex piq mungtan wawc tvdung kaz kuiuz,” ngoz tueq jungx tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

DUNGWVNC 32:12

Mmiq htenc htauk nuex kuilc daz vruex nauk tvhttuiuc kaz, mthuinz layc yek vtueq thuinkhvy kuex tvshiz gay shuiuz; Ejip miqsaz rueq ngoc, mnoz rueq mmiq htenc kuex kuz vkanx htenc nuex gvl wvnc vtueq lotlaz thvy gay tvkoc, Ejip mungx wawc tvdung shvlx wvnc vshuex ngoz tueq tv-ngoc roc haz?

DUNGWVNC 32:14

Kvkhoc rvtueq Yehowa rueq piq miq htenc htauk nuex kuilc daz tvhttuiuc muq tvkoc vthuinz wek yek vtueq, tvhiz sungx muq shex.

DUNGWVNC 32:7

Yehowa rueq Moshe muex ngoc, “Kanx khung kvyuq yauk lox svt kaz kuiuz, yvmx khoc lac ngoz ruiux lec Ejip mungx wawc mnoz rueq tvdung shvlx laq toq miq htenc kuex mvrax yaq vtueq ngaz tvdux gay phuex.

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

DUNGWVNC 5:1

Kvruex yimaq Moshe nuiyc Arun kuex Ejip hokhvmx waz kox nuex kaz vtueq, “Yehowa Israel Tishox rueq ngoc, ‘Ngvy miqsaz htenc kuex tvkaz shuiuz, tsuingshiq rueq ngaz muex tvtsanc nganc kuy tvkoc kumtsvy tvnx maq moalx mmoalx kaz kueq,’ ngoz wuex,” ngoz tueq jungx kuq tueq.

ISAIA 30:21

Nuimshiq kuex vkeq vphvrx nuex lvmx tvyaq ruiux yuq, nuimshiq yix kox maq, “Vruex lvmx rvtueq. Vruex phvnx shuinx,” ngoz tueq gvl yaq vpiq tvruingc kuex tay shuinx.

ISAIA 63:17

Nuiyshiq kuex yvmx ngoz tueq lac mlvmx maq tvrv-phvlc wvnc vphux? Yvmx ngoz tueq lac nuiyshiq khux tvtsanz kuq ruiux mnoz kox maq tvyek wvnc vphux? Mnvrc waz ngoz yaq, mtsak mnyvmx kuex miq htenc laung nuex yek waung loq.

ISAIA 63:19

Nuiyshiq kuex mnoz rueq mkaq muinz guimz muq ikhoc muex muinz, nuiyshiq mmiq muex mkaq muinz yaungx miq ikhoc muex muinz yaungx wvnc vtix.

Yoel 2:17

Shomrawx nuiyc Shomc Yuimx kaluix hvlwvl nuex Yehowa muex shuimx kuq yaq shomc waz bix muinz, vkhoarc raz tueq vkhoc vjux thoz shuex: “Yehowa lex mmiqsaz htenc muex menjenc shuiuz. Vganc miqphvnx htenc rueq ‘Nuimshiq Tishox kuex m-yuq lac?’ ngoz vtueq nuiyshiq kuex tvshumc marc vtueq nauk tvnuey kuic vkueq.”

John 17:3

Pattup rullungx ngoz yaq kuex rvkhauk laz vshiz dvyx httax yaq, tsuingrux Tishox muex nuiyc Yesu Christu muex tuiuz wvnc lvmx ngoc rvtueq.

Romans 11:28

Thuix Thaungx Vhvlx kuex tsuingshiq rueq tvdux gay ningkhvnc nuex Yuda miqsaz kuex Tishox ralx muex yaungx wvnc tueq, kvkhoc yaungx wvnc tueq kuex Pungnuk miqsaz htenc ngoz yaq nuimshiq rueq vjux lvp tvkoc rvtueq. Yuq muinz Tishox rueq tsuingshiq kuex thvlc wvnc ningkhvnc nuex tsuingshiq jix vwaz htenc kuex lawc vtueq tsuingshiq muex lungwawx yaq.

Ephesians 1:17

Nuimshiq rueq Tishox kuex pinhtumc tuiuz wvnc wuez shuinz, naungshiq Taungjix Yesu Christu vpiq Tishox ngoz yaq ngauz vngax httax yaq Tishox rueq tharc nuiyc tvluz nuex tuiuz lot yaq tvkhic romzyac kuq lot yaq Siyac kuex nuimshiq muex mkuq kv-phuinx, Iwaz Tishox kox wawc vjux thoz vshaungx.

TRI CHONGKE 9:26

Ngaz rueq thoz tauk, ‘Johvlc Yehowa lex, mnoz luimc vkawc nuiyc mhungc vlaungc yunghvlc maq Ejip mungx wawc tvdung shvlx wvnc toq mmiq htenc kuex nauk tvbac gay kaz.

TRI CHONGKE 9:29

Rvkhauk laz jungx ix ngoz ruiux yuq, mnoz luimc vkawc yunghvlc nuiyc hungc vlaungc maq Ejip mungx wawc mnoz rueq shvlx wvnc vtueq, mmiq saz shauk yaungc tvkoc mnoz rueq vthvl wvnc miq htenc juex rvtvnx,’ ngoz tueq thoz tauk.

Colossians 1:10

Kvkhoc ngoz ruiux jix mkaq muinz Taungjix rueq raungc raq tvkoc nuiyc vpiq ngauz vngax dungc wvnc tvkoc nuimshiq rueq shuimx kaz lot shuinx. Kvkhoc shuimc kay ningkhvnc nuex vhvlx phvnx honc vyaungc ngoz yaq vthuey vngoz kuex yaungx wvnc wuez tuinx, Tishox tuiuz tay wvnc lvmx nuex yungx luz wvnc wuez tuinx.

2 Peter 3:18

Nuimshiq kuex naungshiq palc daungc Taungjix Yesu Christu kejux nuiyc vpiq tuiuz wvnc lvmx nuex tvhttoarc vtueq yungx luz wvnc kuinz. Majuiuc muinz pattup pat-sac muinz Yesu Christu nuex ngauz vngax mhttax kueq! Amen.