DUNGWVNC 33:12 - Hawa Naga Bible 2001

¹² Moshe rueq Yehowa muex jungx tueq kuex, “Mnoz rueq ngaz muex vruex hez kuex shvlc lvy tvkoc jungx kuq phux, yuq muinz ngaz rulc vdvmz ukhaq tvkay naungc lac kuex mnoz rueq ngaz muex jungx kuq muq doc. Mnoz rueq ngaz kuex vsuing tuiuz vtueq lawc roc vphux kuex mnoz rueq jungx toq.

ASII LAKDAP Bible (BSI)

¹² Mosheq raq Tatiwe ma nguto, “Riikhaqli, ümniiraq ngi nang nga ara mungmaiqse arka kra mung na shea wan laq nguta chonglaü. Shatmaq ümniiraq ngi rai ka juwa mitiiwa dam haü kriika chongkuq maü dea. Ümniiraq ngi ka aheawiq asaphaü. Kiimaq ümniika ngi rai tsanhea sitlaü ngutlaü.

DUNGWVNC 33:12 Referencias Cruzadas

RAPHA HIQWA LAK 18:19

Piq kuex vsaz hez nuiyc vsuiuz vsaz htenc rueq ngvy kvjaz kuex tay phvnx vtueq vlvmx nuiyc tvrac vlvmz yauk shuimc shuimx shuex lvmz nuex piq rueq nvrc lvp tvkoc ngaz rueq piq kuex thvl wvnc tauk. Ekvkhoc tsuingshiq rueq tay phvnx ruiux yuq, ngvy bomkhvmc rulc rv-ngvlc piq rawc nuex phvnx ruip saz kuex ngaz rueq shuimx kuq shaungx,” ngoz tueq kvmungx tueq.

2 SAMUEL 15:25

Kvruex yimaq hokhvmx waz rueq Zadok muex ngoc, “Bomkhvrc Jep kuex ghaqyungx nuex pix wvnc yek shuiuz. Yehowa rueq ngaz kuex raungc raq ruiux yuq, raungnuiyq shishiz kvruex tvy juing baung kuex khic yek tvkoc ngaz kuex tvyek wvnc yek phuex.

Tvtsvmc 1:6

Tsuingrux jix htenc kuex Yehowa rueq lvmx shvlx kuq ruiux tvkhup wungx kuy rvhumc tuex, yuq muinz layx bac jix htenc kuex vhtumx rvwvnc wuez tuex.

DUNGWVNC 3:10

Majuiuc ngaz rueq mnoz kuex Ejip hokhvmx waz kox nuex tvkaz vphaungx, kvkhoc rvtueq mnoz rueq ngvy miqsaz htenc kuex piq mungtan wawc tvdung kaz kuiuz,” ngoz tueq jungx tueq.

DUNGWVNC 3:4

Moshe kuex kvruex hep nuex kaz koq tueq, Yehowa rueq khiz vtueq rumz mungx kvmaq, “Moshe! Moshe!” ngoz tueq gvl tueq. Moshe rueq, “Ayc, ngaz vyuq luez,” ngoz tueq tvralc tueq.

DUNGWVNC 32:34

Majuiuc kaz vtueq mnoz muex ngaz rueq jungx phaungx baung kvyuq tsuinghez kuex shvlx laq shuiuz. Ngvy raungkamx waz rueq mnoz muex lvmx shvlx kuq kv-phux, yuq muinz vruex hez htenc yaq gay tueq mvrax laung kuex ngaz rueq murx tvgurc kuy vkhing httuiuc wvnc tuex,” ngoz tueq jungx tueq.

DUNGWVNC 33:1

Yehowa rueq Moshe muex ngoc, “Mnoz nuiyc mnoz rueq Ejip mungx wawc tvdung shvlx wvnc toq miq htenc kuex vruex hong vmaq kvtenc kaz wvnc vtueq, ngaz rueq Abraham, Esak, Yaku nuiyc tsuingshiq suiuz vsaz muex kuq phaungx ngoz tueq bomkhvmc vkuq mungx kvyuq kaz kuiuz.

DUNGWVNC 33:17

Yehowa rueq Moshe muex ngoc, “Mnoz rueq thoz phux rulc rv-ngvlc ngaz rueq shuimx kuq phaungx, yvmx khoc lac ngoz ruiux lec ngaz rueq mnoz kuex raungc raq vphaungx, mnoz kuex ngaz rueq shvmhvlx tuiuz yaq,” ngoz tueq jungx tueq.

DUNGWVNC 33:2

Nuimshiq muex lvmx shvlc kuy tvkoc ngaz rueq raungkamx waz tvkaz shaungx, Kanaan, Amori, Hitti, Perizi, Hiwit nuiyc Jebusi miqsaz htenc kuex ngaz rueq yurc gay shaungx.

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

ISAIA 43:1

Israel lex, mnoz tvdungc sungc jix Yehowa rueq, “Nauk hiz kaz, ngaz rueq mnoz palc wvnc phaungx. Mmuingc maq ngaz rueq mnoz kuex gvl vphaungx, mnoz kuex ngaz rueq guimz yaq.

ISAIA 45:3

Ngaz rueq mnoz muex raungnyauk nuex vhvlx waq vhttuiyq taq tueq tsak vnyvmx htenc kuex kuq phaungx; kvkaq ngaz kuex Yehowa rvtauk nuiyc Israel Tishox rueq mnoz kuex muingc maq gvl kv-phux kuex mnoz rueq tuiuz shuiux.

JEREMIA 1:5

“Ngaz rueq mnoz kuex thuiuzthuic pauk vguez shauk nuex thvl wvnc vtueq, mnoz max jawx nuex phuex pungx nuex raz tueq miqphvnx ruip rawx shvmmax muex thvl taq phaungx,” ngoz tueq jungx tueq.

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

2 Timothy 2:19

Yuq muinz Tishox rueq vtaq shec phaungx ngaungx yaq vjungx vbaung kuex buil tvmoay lot shuex rvmuq; kvruex vjungx vbaung htauk kvwawc, “Taungjix rueq vpiq miqsaz htenc kuex tuiuz yaq,” ngoz tueq muinz, “Taungjix nuex seng yaq ngoc jix lotlaz rueq vyaq yauk shuimc htenc kuex mtaq gay shueq,” ngoz tueq tvtsuingc juing mvhttarc wuiyq taq tueq.