DUNGWVNC 33:14 - Hawa Naga Bible 2001

¹⁴ Yehowa rueq, “Ngaz kuex mnoz rulc kaz naungx vtueq, ngaz rueq mnoz muex tvtaungx kuq phaungx,” ngoz tueq jungx tueq.

ASII LAKDAP Bible (BSI)

¹⁴ Kiijiishe Tatiwe raq nguto, “Ngi ka ümniirai miwa dam kang. Kiimaq Ngi raq ümniima rekhat ka mitiitang kuq kang.”

DUNGWVNC 33:14 Referencias Cruzadas

YOBA 34:29

Tishox rueq yvmx muinz shuimx kaz muq tvkoc htvp htaz ruiux yuq, uraq muinz vpiq muex mvrax tvgurc khvmc shuex rvmuq. Vpiq htvlx kuex httuiyq gay ruiux yuq, naungshiq kuex kv-khung juing vguez muex yaungx tix.

Tvtsvmc 95:11

Ngvy thuinz tvkhaq vtueq ‘Nuimshiq thuinz suinglix lix maq httaz lvp tvkoc, ngaz rueq vtvhungx taq ghaq vraungx nuex mkaq muinz nyuip lvp tuinx rvmuq,’” ngoz tueq tuemc khvmc kuq gay tauk.

DUNGWVNC 13:21

Yehowa rueq raungnuiyq nuex tsuingshiq muex lvmx shvlc kuy tvkoc phuemx tul nuiyc raungwvrx nuex vwuic tvlez kuy tvkoc wvr tul maq, raungnuiyq raungwvrx tsuingshiq muex lvmx shvlx kuq tueq.

DUNGWVNC 3:12

Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

JEREMIA 31:2

Ngaz rueq vthueyc wawc dung wvnc tueq miq htenc muex kumtsvy tvnx maq menjenc wvnc tauk kuex tvkhic tauk. Israel miqsaz rueq nyec tvkuiyq tvkoc raungc raq wuez tueq nuex,

JEREMIA 6:16

Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.

DANIEL 12:13

“Daniel lex, mnoz muinz tvsuip nuex httuiuc laz tvmtuing maq httax kuiuz. Kvruex yimaq mnoz kuex thueyc wvnc tuiux, yuq muinz vtvsuip vkhing nuex mnoz yauk noalc lvp muex kvtenc yuing waung yek tuiux,” ngoz tueq.

Matthew 11:28

“Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

TRI CHONGKE 12:10

Nuimshiq rueq Yodan Ruilx kuex yanz wvnc shuinx nuex Yehowa rueq kvruex mungx kuex nuimshiq muex tvlvp tvhttax wvnc kv-phuinx. Nuimshiq ralx htenc lotlaz yauk kvwawc kvwungx wvnc laz vpiq rueq nuimshiq kuex tvkhup wungx kuy ningkhvnc nuex nomic httax wuez tuinx.

TRI CHONGKE 25:19

Kvkhoc rvtueq, Yehowa nuimshiq Tishox rueq kuq kv-phuinx mungtan kvyuq httuiuc waung vtueq, tvroz nuex httax yaq ralx lotlaz yauk kvwawc nuimshiq kuex suinglix tvyaungc wvnc shuex nuex, Amalek miqsaz kuex washiz muinz tvjungx muit maq thvt gay shuinz, tsuingshiq kuex uraq muinz mkaq muinz rvwvl lvp shuinx rvmuq shex. Kvruex nauk lauk gay kaz!

TRI CHONGKE 3:20

Yehowa rueq nuimshiq muex suinglix lix hvlc httaz ngaungc tvkoc kuq kv-phuinx ikhoc, vganc Israel phvnx htenc tvkoc Yodan Ruilx maq shalx nyuip kox hong kuex khvt lvp wvnc vtueq nomic httaz ngaungc wvnc tuex nuex httuiuc laz nuimshiq rueq tsuingshiq muex romc lawc kuy rax. Kvruex yimaq jix nuimshiq kuex ngaz rueq phvlx kuq shec phaungx mungx kvyuq yek kaz wuez tuinx,’ ngoz tueq tvkhic shec tauk.

TRI CHONGKE 31:8

Yehowa vpiq kuex mnoz rulc vdvmz raz tueq mnoz kuex shunshvlx kv-phux. Vpiq rueq mnoz kuex tuip gay muq, mnoz kuex gay shec muq, kvkhoc rvtueq mnoz kuex thuinz nauk tvruinc kaz, nauk hiz kaz,” ngoz tueq jungx tueq.

TRI CHONGKE 4:37

Nuimshiq jix vwaz tamx kuex lungwawc ningkhvnc nuex nuimshiq kuex thvl wvnc vtueq, vpiq luimc vkawc yunghvlc vpiq shauk pumz maq nuimshiq kuex Ejip mungx wawc tvdung wvnc kv-phuinx.

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 21:44

Tsuingshiq jix vwaz tamx muex bomkhvmc kuq tueq rulc rv-ngvlc wvmungx tuimx nuex nomic httaz muex Yehowa rueq tsuingshiq muex kuq tueq. Yehowa rueq Israel miqsaz ralx lotlaz kuex tvtaungx gay ningkhvnc nuex ralx lotlaz kuex vshiz raung muinz kvtenc jvp lot muq.

JOSHUA 22:4

Majuiuc kuex vpiq rueq bomkhvmc kuq kv-phuinx rulc rv-ngvlc, Yehowa nuimshiq Tishox rueq nuimshiq phvnx vmaq Israel miqsaz muex nomic shex kuq tueq. Kvkhoc rvtueq Yehowa nvrc waz Moshe rueq kuq shec kv-phuinx Yodan ruilx maq shaldungc kox wawc nuimshiq tvkoc lvp taq shec tuit ghaq vraungx wawc yuimx kvyuq yek waung wuez kuinz.

JOSHUA 23:1

Loayc hvlc httvmx wvnc tueq yix maq Yehowa rueq tsuingshiq tvroz nuex httax yaq ralx htenc kuex tvsuingx kuq gay ruiux, Israel muex tvguing kuq tueq. Yoshua muinz rullungx nyuiuz waz shex rvtueq,