DUNGWVNC 33:14 - ASII LAKDAP Bible (BSI)

¹⁴ Kiijiishe Tatiwe raq nguto, “Ngi ka ümniirai miwa dam kang. Kiimaq Ngi raq ümniima rekhat ka mitiitang kuq kang.”

Hawa Naga Bible 2001

¹⁴ Yehowa rueq, “Ngaz kuex mnoz rulc kaz naungx vtueq, ngaz rueq mnoz muex tvtaungx kuq phaungx,” ngoz tueq jungx tueq.

DUNGWVNC 33:14 Referencias Cruzadas

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

Tvtsvmc 95:11

Ngi ka itsan khiqhea kriikha na atiitum lata akha kiqkham kang: ‘Namshiq ka Ngi raq nii mitiitsak kuqha ngukang mung kriijaq ümkha riita jiimin saülu man mirhan.’”

DUNGWVNC 13:21

Ranaiq bala niika Tatiwe ka phum kham kaü ma ja raüta tsangshiq khaki na lamshea wawantlo. Raüta tsangshiq ma lam ka tiichhi kuq raüta, shea wantlo, kiimaq rawa niika walütu khamchong ma ja raüta, tsangshiq ma sinkhu na wawan tlo raüta tsangshiq ma wa tiinii kuq wan raüta shea wantlo. Krai mren tsangshiq ka ranaiq rawa wawan ruqli laü wanto.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

JEREMIA 31:2

Rumnyangkhi kumtsaiphii binjü maq, maiq ümchuwa atsai maakho bok wa lun wantaqti ma, Ngi raq tiihang mangchan tiichhikuq kang. Ümtiikiiwa Israilnok raq niitiitsak rit wantaq,

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

DANIEL 12:13

“Kiimaq Daniel lei, ümniika atiithum ranaiq na saüli tsapkapkap maq silaq. Kra laütiishetiq ümniika mitsai haü. Shatmaq ümniika amaa wa dong wan laüta ümniirii athü poksi kra phangthum ranaiq na milap haü.”

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

TRI CHONGKE 12:10

Ümtiikiiwa namshiq raq Jordan Rai kriishe mijin wan han, Tatiwe raq namshiq ka shea wan raüta kra mung kriishe mitiijii kuq wan. Lanta namshiq ka kiijiishe mishong nga wan han. Apaiq raq namshiq ka nam jaqtinok jaq wa wiita khup wong kuq shat miishe mirüm wan. Krai mren, namshiq ka hansang rakhang miishe mishong nga wan han.

TRI CHONGKE 25:19

Kra ningkhan, ümtiikiiwa Tatiwe üm Shiikeawe raq ümniima mung ka likuq wan raüta, ümniika ümjaqtinok ümtro na siti maiq mung thun maklii wa khusang rakhang miishe tiishong nga wan phaüla, tsan na atsi dada maq Amalakaiqnok phan ka miqchup tiisiirai jiipbaiq laq. Kra riihaütiq tsangshiq ka jurmin tsan na broriiki mak she miraq. Arka alaq baiq raamak!

TRI CHONGKE 3:20

Namshiq maiqmiinok ata Israilnok phan thun raq Tatiwe raq tsangshiq rii achumkuq Jordan rai reko mung wa hiqshong rahai thun kra tsangshiq raq mijii wan shaq wiiwii, Tatiwe raq namshiq ma hansang maq shong nga wan miitu jamkho tiihong kuqtaq kiikha tsangshiq miimin asi chang hiq shong thun kra mitiihong kuq wan shaq wiiwii khrum kuq ronglaq. Kra lot lantiishetiq namshiq ka ara ngi raq namshiq ma hiqshong rahai chumkuq kang arjiishe jangho lantiishe mishong nga wan han.’

TRI CHONGKE 31:8

Tatiwe apaiq raq ümniika mishea wan. Kiimaq apaiq ka ümniirai miraq. Apaiq raq ümniika tiishaü mak miraq. Kiimaq miim baiq mak miraq. Kra ningkhan ümtsaiji naq trankiq. Kiimaq naqhaikiq.”

TRI CHONGKE 4:37

Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.

JOSHUA 1:5

Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.

JOSHUA 21:44

Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

JOSHUA 22:4

Riita, ümchaü sanha, Tatiwe namshiq Shiikeawe raq, jamkho kiqkham kuqtaq, kra phanphan, apaiq raq namphu namno Israilnok ma mung atsing ashe kuqto. Krai mren, namshiq hiqshong, Tatiwe jaqshise Mosheq raq namshiq ma, Jordan rai maq shedong nü wang chumkuqtaq, namshiq raq jiiwan lan she kiijiishe jang wan ronglaq.

JOSHUA 23:1

Luhea sijai miishe, Tatiwe raq Israilnok ka tsangshiq tro na siti chiqse rewe jaq wa kunkun she tiiwong kuqto. Kra akhing na Joshua ka tikii kiikaiq she riito.