DUNGWVNC 3:8 - ASII LAKDAP Bible (BSI)

⁸ Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

Hawa Naga Bible 2001

⁸ kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

DUNGWVNC 3:8 Referencias Cruzadas

RAPHA HIQWA LAK 11:5

Kiijiishe Tatiwe ka chela kra nai tsangshiq raq ahai kongmong chong kra liikai satkito.

RAPHA HIQWA LAK 11:7

Nashiq ka satki rong i. Laita tsangshiq bom ka triishot baiqki rong i. Raüla tsangshiq liipan na bom ka weshi raq weshi bom ka taimak she miraq.”

RAPHA HIQWA LAK 15:13

Kiijiishe Tatiwe raq apaiq ma akha nguto, “Ümsaü ümsetiim ka pong mung na wanshawe ma mija wan. Kiimaq tsangshiq ka kra mung na dikong ma mitiija. Kiimaq tsangshiq ka maiq raq rawii shiblai na saüli hok maq nishishi pinthum mitiichamchao wan.

RAPHA HIQWA LAK 15:14

Shatmaq tsangshiq ka dikong ma tiijatinok mung ka Ngi raq mo mitiihoha. Kiimaq tsangshiq ka kra pong mung kiiwa ümtiikiiwa laü wantlaq, tsangshiq raq chaq nyung sengwe pahea howan raütiishe milaü wan.

RAPHA HIQWA LAK 18:21

Ngi ka kilata kra kha thun nyantlaq taitiikang ka ngohea dea shea arot wa kra liikai ratlo.”

RAPHA HIQWA LAK 43:11

Tsangwe jong raq tsangshiq ma nguto, “Riita kiikhiishe dongdii riichang she rakitaq jiika, namung na dongtlaq phan kriiwa ahea pinthum petsi wiqtsam kra namshiq thoila na miironglaq, lanta hoho ronglaq. Kiimaq kra wanghuptiwe ma kongphiq kuqho ronglaq: Trii nai wa phanshi, ngiq ngu phanshi, süse tapan, ahomwiq phan pistakio tsi, kiimaq Almon petsi thun kra hoho ronglaq.

RAPHA HIQWA LAK 46:4

Ngi ka ümniirai Ejip mung na kongdam miki dam kang. Kiimaq Ngi raq ümsaü ümsetiim ka armung na hali mitiijang shea wan nongha. Ümnaq tsai wan tlaü akhing na Joseph ka ümniirai miraq.”

RAPHA HIQWA LAK 50:24

Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”

1 KAÜWA WERAÜ 1:15

Hiwaiqnok, Arkaiqnok, Simaiqnok,

NEHEMIA 9:8

Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 12:6

Tatiwe kiqkham thun ka akamsea chang; kriika chiisan kampho awongsii khi watum na jang miishi chen raüta thütlaq ikha awongsii.

Tvtsvmc 34:8

Tatiwe thuktsom ka ümtinkhan heawa wa ka ümnaq maiqmii raq rit liina. Peohea miraq apaiq wokhong na tiiwongshat siti ma.

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

DUNGWVNC 12:41

Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto.

DUNGWVNC 12:51

Kra ranaiq Tatiwe raq Israilnok maiqphan thun ka Ejip mung wa tiidong tsuq wanto.

DUNGWVNC 13:5

Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo.

DUNGWVNC 3:17

Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.

DUNGWVNC 34:11

Ümchaü ranaiq Ngi raq namshiq ma thungtri raütu thun kuq tiikang kra lang ronglaq. Ngi raq Amoraiqnok, Kanannok, Hitaiqnok, Perijaiqnok, Hiwaiqnok, kiimaq Jebusaiqnok thun kra namshiq jamkho sinkhu na wawantlan, kra phan phan wiita mijobaiqha.

DUNGWVNC 5:23

Ngi raq hokhamwe phana üm mang na bom chongwa kang miiphat she, apaiq raq tsangshiq ka tiibitaq hok maq nishishi she haihii wanto. Shatmaq ümniiraq tsangshiq ka khrum kuq maü shaq li shat shat!”

ISAIA 36:17

Kriika hokham ajongwe raq namshiq ka ara nammung akhiisiihali mungtan ashi na, che klo nyang miitu spiqro asi kiimaq winsii lum phaq miitu püwong asi mung na mitiishong shaq wiiwii arjiili mitiisi.

ISAIA 64:1

Ümniiraq ra ka tiikholiiq chai laüta hiq na jam nguto satki maü? Pum thun raq ümnaq chhi raüta tsang haisitsi ma atiikhai rokrok mirwa.

JEREMIA 11:5

Kiikha singa wan raüla, Ngi raq ikiqkham bomtsi tsangtitiim ma akuqha kra mithüha, ümchaü tsangshiq shongtlaq hiqpo hiq win mung ara mikuqha nguta bomkham kuqkang.” Ngi raq ngukang, “Tengto, Tatiwe lei.”

JEREMIA 2:7

Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.

JEREMIA 32:22

Laüta ümniiraq tsangshiq ma ara hiqpo hiq win mung ara kuq wan laü. Arka ümniiraq tsangtitiim ma mikuq kang nguta kiqkham kuq laü kra phanphan kuq laü.

EJEKIEL 20:6

Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.

LEWI 20:24

Shatmaq Ngi raq ara hiqpo hiqwin mung arka namshiq ma tachong hupsam miitu mikuqha nguta kiqkham kuq wan kang she. Krai mren Ngi raq namshiq ma mikuqha. Ngi ka Tatiwe namshiq Shiikeawe. Kiimaq Ngi raq namshiq ka maiq mung ahinti thun phong wa pong na arai latiishe tseatsiiq wan kang.

AMO LUIK DVP (AMOS) 2:10

Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”

WEAWEA 13:18

Lanta kra mung ka jamkhiiwa kra sisin wa rongkiq. Maiq ka apa sha atsap wa sitla; kiimaq tsangshiq ka ümtinkhan hong alanok wa.

WEAWEA 13:19

Lanta hü ahiq ka jamkhiiwa, ahea sha abi wa, kiimaq maiq ka chela thun ruk-hü niisha sitla, shea peruk weshaü chela thun mong niiwa sitla.

WEAWEA 13:27

Raüta tsangshiq raq Mosheq ma akha nguto, “Naishiq raq mung ka liiwakai. Laita mung ka chiithe jong hiq kiimaq hiqpo hiq win mung chhiwakai. Arjaq lamhokai petsi wiq tsam tu thun arli liimanta.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

TRI CHONGKE 1:25

Raüta tsangshiq raq kiiniiwa petsi tu kaütiim min wiijam pihoto. Kiimaq Tatiwe nashiq Shiikeawe raq nashiq ma kuqtlaq mung ka pinthum hiqpo hiqwin hiq nguta tsütsa ka chonghoto.

TRI CHONGKE 1:7

Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.

TRI CHONGKE 27:3

Lanta kriithaq na ara thungtri raütu thun ara nai traho bomchong thun ara waiq thü ronglaq. Ümtiikiiwa namshiq ka kra chiithe kiimaq hiqpo hiq win mung, Tatiwe namtitiim Shiikeawe raq, mikuqha nguta kiq kham kuqtaq kiijiishe saü wan hanla,

TRI CHONGKE 28:11

Tatiwe raq ümniima mung ashi mikuqha nguta ümtitiim ma kiqkham kuqtaq mung kiijaq, ümniima ümsetiim kong, minsaü kong, ka pahea mitiipukuq. Kiimaq üm hiqshong mikuqha nguta ümtitiim ma kiqkham kuqtaq mung na ümniika rongboq mitiija wan.

TRI CHONGKE 6:3

Israilnok lei, kriithun tri bomchong ka tiitsang tai ronglaq, kiimaq aming thun wokhong na sironglaq! Kra riihantiq namshiq ka khusang rakhong maq mishong nga han. Kiimaq namshiq ka maiq mung jonghea ajong ala phan ma mijahan. Lanta kra hiqpo hiq win mung kiijaq mishong nga han. Tatiwe, natitiim Shiikeawe raq jamkho akiq kham kuqtaq kra phan phan kiikha mishong nga wan han.

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

JOSHUA 9:1

Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.

JOSHUA 9:7

Shatmaq Israilnok raq, “Naishiq raq namshiq rai wehea riija tong ka shongmai. Jursap namshiq ka arbinjü na aje na siti wa riila?” nguta chongto.