DUNGWVNC 5:6 - ASII LAKDAP Bible (BSI)

⁶ Kra ranaiq liipan niili hokhamwe raq Ejip mungti dikong rümtibi kiima nai Israilnok jaqsham liitibi kriima akha aming kuqto:

Hawa Naga Bible 2001

⁶ Kvruex raungnuiyq kvkaq dvyx hokhvmx waz rueq yauk shuimc nvrc jix Ejip miqsaz nuiyc Israel miqsaz yauk shuimc shunshvlc jix hez muex ngoc:

DUNGWVNC 5:6 Referencias Cruzadas

2 KAÜWA WERAÜ 26:11

Apaiq raq phen phung ka pahea phoq raüta rekhat miitu tiijeshat thüto. Kriithun heshap ka apaiq cherewe Jeiel nai Maaseia raq Hokhamwe rung na jaqshamti Hanania wokhong maq waiq thüto.

DUNGWVNC 1:11

Kra ningkhan she Ejip mungti raq tsangshiq tsaiji kra tiijom baiq ma nguta dikong rümtinok raq tsangshiq ma ningkun maq shiitep raüta jaqsham holai henghea she tiishamto. Israilnok raq Pithom chela nai Rameses chela hokhamwe ma rai awong thun lunke chang nyungchong chela kra teito.

DUNGWVNC 3:7

Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

DUNGWVNC 5:10

Kiimaq dikong pengtibi nai Israilnok jaqsham liitibi ka Israilnok phana kito. Raüta Israilnok ma akha chongto, “Hokhamwe raq namshiq ma tsamkü shin ka lunkuq mak she nguwa.

DUNGWVNC 5:19

Kiijiishe Israilnok jaqshamti liitibi raq tsangshiq ka chamchao khobok mong niishe kha ana nguta sapto. Jamkhano ngukla tsangshiq raq kiitelong ka kongkhuji na ranaiqshi na ümchuwa lotlaq kiichu klo raa nguta tsangshiq ma shiitepto.

DUNGWVNC 5:7

“Mungmaiqse jaqshamtibi ma kiitelong lo ma tsamkü shin ka naqkuq rongkiqshe. Tsangshiq maiqmii tiiki lanta tritki rongkiq.

TAKSU LAK 12:10

Maiqshaqti riika anyamse kong, samheawiq dunghiq tlo. Shatmaq maiqjiqti riika, anyamse kong buktiiq tlo.

WEAWEA 11:16

Tatiwe raq Mosheq ma nguto, “Mungmaiqse raq wela dea nguta shrengtlaqtibi wa maiq nyungwere roq miishi kra adam na triitamlaq. Laüta tsangshiq ka Ngi phana Ngi asi Tombutiip kiijaq shea wanlaq. Kiimaq tsangshiq ka kiijaq ümtho na michaplaq nguta chonglaq.

TRI CHONGKE 1:15

Krai mren dea ngi riimin namshiq raq atsea han taksubi nai asap atsintibi thun ka namshiq khuthaq na welabi ma shong wan kang. Welabi wiijam ka mungmaiqse hingshi khuthaq na wela, wiijam ka shishi khuthaq na wela, wiijam ka maiq roq biingi khu thaq na wela, kiimaq wiijam ka maiq roqshi khuthaq na wela ma shong kang. Kiimaq hali ngi raq maiq phan thun tlotli khuthaq na ahin siihiipbi thun kiimin shong wan kang.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.

JOSHUA 24:1

Joshua raq Israilnok kaüwa weraü maiqphan tlotli Shekhem chela na triitamto. Apaiq raq Irailnok wa phukhu welabi, ashun asheatibi, phowebi, kiimaq siihiipbi thun ka Shiikeawe man na tiichapto.

JOSHUA 24:4

kiimaq Isak ma ase nai wenai Jakob nai Esau kuqkang. Ngi raq Esau ma apaiq rii tachong hiqshong ku akin tonglong Edom mung ka kuqkang. Shatmaq namti Jakob nai asetiim ka Ejip mung na laühoto.

JOSHUA 8:33

Israilnok ka tsangshiq sheati tuwebi, siihiipbi, kiimaq phowebi, kiimaq tsangshiq rai siti pongmungti, thun ka Tongshong Tek siimhapri na len nai na chapto. Tsangshiq ka kra piti lewinok ramwebi ka tsangshiq khaki nü na tiihong raüta chapto. Nokwe khoko kong riika, Gerijim Pum ka tsangshiq jai nü na tiinyi raüta chapto. Kiimaq khoko kongshiti riika, Ebal Pum ka tsangshiq jai nü na tiinyi raüta chapto. Arka, Tatiwe jaqshise Mosheq raq, tsangshiq ma, achu shiiman lap akhing na, akha klo chang nguta aming kuqthütaq kra phan phan klotlo.