DUNGWVNC 5:6 - Hawa Naga Bible 2001

⁶ Kvruex raungnuiyq kvkaq dvyx hokhvmx waz rueq yauk shuimc nvrc jix Ejip miqsaz nuiyc Israel miqsaz yauk shuimc shunshvlc jix hez muex ngoc:

ASII LAKDAP Bible (BSI)

⁶ Kra ranaiq liipan niili hokhamwe raq Ejip mungti dikong rümtibi kiima nai Israilnok jaqsham liitibi kriima akha aming kuqto:

DUNGWVNC 5:6 Referencias Cruzadas

2 KAÜWA WERAÜ 26:11

Piq rulc ralx khvt naungc tvkoc tvyoalc yoalx nolaungx phungc yungx vshiz httax yaq. Kvruex kuex piq yauk shuimc jungx waz hez Jeiel nuiyc Maseia rueq tvtsuingc lvmz taq yaq, tsuinghez kuex Hanania rueq shunshvlx lawc yaq.

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

DUNGWVNC 5:10

Dax muex tvkuiux raz kuy jix hez nuiyc Israel walaungx bix kuex Israel miqsaz kox nuex kaz vtueq, “Hokhvmx waz rueq nuimshiq muex tsvmkuiz kuex kuq muq shex ngoz wuex.

DUNGWVNC 5:19

Kungkhux nuex tsuingshiq rueq shuimx wvnc tueq rulc rv-ngvlc wvraungx nuiyq tek ghaqlung tvhungx rax ngoz tueq jungc kuy ningkhvnc nuex tsuinghez kuilc daz rvhumc yaq kuex walaungx bix rueq helc wuez tueq.

DUNGWVNC 5:7

“Vruex miq htenc rueq ghaqlung shoay tvkoc tsvmkuiz kuex nauk kuq kaz shex. Tsuingshiq miqmac rueq mthuiyx wuez shueq.

TAKSU LAK 12:10

Miq hvlx jix miqsaz rueq miqmac nyvmx saz htenc kuex tvkhup wungx lawc yaq, yuq muinz layx bac jix htenc rueq nyvmx saz htenc kuex vguirc guenc rvyaq.

WEAWEA 11:16

Yehowa rueq Moshe muex ngoc, “Israel miqsaz wawc muingc jungc vhttax walaungx bix rok mvshix kuex ngaz httax yaq Tap vyuq mnoz rulc vdvmz jvp kay naungx tvkoc jungx shuiuz.

TRI CHONGKE 1:15

Kvkhoc rvtueq ngaz rueq tsuingshiq phvnx htenc kvwawc wvhonc wvtharc jix nuiyc vthenc vtuiuz jix, vkhic vtay vpaung jix walaungx bix htenc kuex thvl vtueq, tsuinghez muex tvguimz tvlawc tauk. Wvyvmc kuex miq hingshiz guimz jix, wvyvmc kuex miq shashiz guimz jix, wvyvmc kuex miq rok bv-ngac guimz jix, wvyvmc kuex miq rokshiz guimz jix muex tvhungx taq tauk. Ngaz rueq walaungx bix vganc muinz vphvnx tv-phvnc tvhungx taq shex tauk.

TRI CHONGKE 16:18

“Yehowa nuimshiq Tishox rueq kuq kv-phuinx miqghaq tek nuex phoc waz bix nuiyc vganc walaungx bix htenc kuex tvhungx tvy rax. Kvruex hez rueq miq htvlx phawc thvl muq maq phoc kuy rax.

JOSHUA 24:1

Yoshua rueq Israel phvnx lotlaz kuex Shekhem nuex tvtuimx tueq. Piq rueq walaungx bix, vyungx vlaungx bix, phoc waz bix nuiyc Israel miqsaz phukhux walaungx bix kuex gvl koq tueq, Tishox httax yaq nuex tsuingshiq kaz wuez tueq.

JOSHUA 24:4

Ngaz rueq Esak muex Yaku nuiyc Esaw kuex kuq tauk. Ngaz rueq Esaw muex Edom kuz hong kuex kuy tvlanc kuq tauk, yuq muinz nuimshiq jix vwaz Yaku nuiyc vsaz hez kuex Ejip mungx nuex httax kaz tueq.

JOSHUA 8:33

Israel mungx miqsaz htenc rulc vdvmz walaungx bix, vyungx vlaungx bix, phoc waz bix nuiyc tsuingshiq rulc httaz jix pungnuk miqsaz htenc, Yehowa Bomkhvrc Jep pix yaq Lewi shomc waz bix rulc vkeq vphvrx nuex rv-phvlc vtueq jvp wuez tueq. Miq kholak rueq Gerizim Kanx kox nuex yix tvnungx ruiux, miq kholak rueq Ebal Kanx muex yix tvnungx shung vtueq jvp wuez yaq. Tsuingshiq rueq ruimrix kejux httuiuc tvkoc kvkhoc shuimc kay rax ngoz tueq, Yehowa nvrc waz Moshe rueq jungx shec tueq.