DUNGWVNC 15:25 - ASII LAKDAP Bible (BSI) Kiimaq Mosheq raq atsan tiitsi raüta Tatiwe ma achu jaüto. Kiimaq Tatiwe raq apaiq ma pepan ashi tiichhi kuqto. Apaiq raq kra pepan ka kham mong na baiqto. Kiimaq kham ka anyang ma amai ahea she riito. Kiijaq Tatiwe raq tsangshiq ma asi wan miitu tri raütu kuqto. Kiimaq kiijaq apaiq raq tsangshiq ka maitaito. Hawa Naga Bible 2001 Moshe rueq Yehowa kox wawc daungdaungx vjux thoz koq tueq, Yehowa rueq piq muex pulx htaq vshiz tvkhic kuq tueq, piq rueq pulx htaq kvruex yuix nuex tuip koq tueq, yuix khuip kuex yuix ruimx muex yaungx kaz tueq. Yehowa rueq kvruex hong kvmaq, tsuingshiq rueq phvnc tvkoc tvrac htenc kuex kuq tueq, vpiq rueq tsuingshiq kuex taruiyx lawc tueq. |
Kiimaq apaiq ka kra lamho raüta khamraise kiina kihoto. Raüta shum ka khamraise kiijaq wanto. Raüta nguto, “Tatiwe raq akha ngutlo: ‘Ngi raq ara kham ka atiisü she riikang. Kra ningkhan ara kham nyangti ka tsaimak she miraq. Kiimaq maase min baiqmak she miraq.’”
Kiijiishe Elisha raq wongwin phanshi jaüto. Raüta kra ngamtak na thiito. Raütiishe, “Ngam ka abiri tsangshiq ma raükuq laq,” nguta thaüto. Krai mren kra phaq kiita sanha jamlai achok araq chang min ahü she riito.
“Ümriibano deata?” nguta Elisha raq waito. Kriiwe raq mangdea chang ba ka tiichhi kuqto. Kiimaq Elisha raq pekii ashi daqto. Raüta kra pekii ka kham mong na baiqto. Raüta kra mang ka kham mong wa pekü na tiikop raüta kham thaq na tiiphüto.
Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”
Ümniiraq naishiq ka maitai laü, Shiikeawe lei; kampho ngam ka wa na chaq raüta chentlaq ikha naishiq ka chen wan laü.
Namshiq ma chamchao akhing na, namshiq raq ngi ma chonglan, kiimaq ngi raq namshiq tiichhiikang. Rathaiq mong na ngi tiipaü chang maq, ngi raq namshiq achujaü trekang, Ngi raq Meriba hiq jüserai tsiim ba maq namshiq maitaikang.
Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.
Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.
Kiimaq Israilnok raq Ejip mung hokhamwe nai asengi phenlabi phong ka tsangshiq khat kai akai rai kra chhito. Kra chhi raüta tsangshiq ka phiipraq tsaito. Kiimaq tsangshiq ka Tatiwe ma aho anyi khrum kuqlaq nguta hoq trangto.
Kiijiishe Tatiwe raq Mosheq nguto, “Ümchaü Ngi raq namshiq tarü kunli miitu tsam ka ra wiishe rajun ikha mitiisaüha. Mungmaiqse raq wranaiqtek tsangshiq ka rum na kiraüta kra ranaiq phaq sea chang dung kra mirchom kilaq. Akha dung lata Ngi raq tsangshiq tsantsii ka ibom chong ara phan phan sha sitla sha ibom chong ka tai romak wa kra misapha.
Kiijiishe Mosheq raq Tatiwe jaq wa kai tsan tiitsi raüta achu jaüto. Raüta akha nguto, “Ngi raq arnok ara jamkho mirha? Tsangshiq raq ngi ka long maq tiiq baiq she dantlo?”
Kiijiishe Mosheq raq treto, “Naqhai rongkiq. Shiikeawe ka namshiq tairai kai li kito. Raüta namshiq raq apaiq bom ka phaqchii nichii maq tai wan ruq ratlo. Kra riihanla ngarai na dea man mirhan.”
Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.
Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.
Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?
Kiimaq ngi ka kra jürai kii na saü lata liikangta kiijaq jürai kii siimko nai ri na pero ka pahea pahea chhikang.
Apaiq raq ngi ma nguto, “Ara jürai arka armung maq kiho raüta shedong nü nü kiina kihotlo. Raüta Jordan rai tan kiimaq kiho raüta khamjong Amaa chum kiiniishe kihotlo. Riita ara kham rai arka khamjong Amaa chum kiijiishe la saüho raüla, kra khamjong chum kham shumtai kriika, khamhea khangriri hea chum miishe tiijabaiqtlo.
Ara jamkhano ngukla, Khristo pumsongkham na tsaitaq tsütsa ka juwa tsai lam na kiho tlaq, kriiti miika thiihü. Shatmaq nashiq Shiikeawe raq chhii tlaq kriiti miika Shiikeawe ningkun tu.
apaiq bom na ümniika naq shonbiikiq. Tatiwe üm Shiikeawe raq apaiq ka üm tsantsii kra maitaitlo ngushat. Kriika ümniiraq Tatiwe ka tsan nai mongjii wiita kuq laüta sha lungwiitlaü lungwii maü wa nguta maitaitlo.
Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.
Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.
Ngi raq arnok thun ara lumaq, Israilnok raq, tsangtitiim pat na ilam phan raüta shong wantaq kiikha misi wan shea siwan mak wa kra michechiip wanha.”
Krai mren, Tatiwe raq Israilnok Kanan mung maq rekhat riihum wan mak shaqti thun kra tsantsii maitai miitu maiqmung wiijam ka jobaiq mak dea tiichong baiqto.
Tsangshiqnok thun arka Tatiwe Mosheq lümaq tsangtitiim maq aming kuqtaq thun kra Israilnok raq milang wan shea lang wan mak wa riijiiq thote ma nguta tiichong baiqto.