TAKSU LAK 17:3 - ASII LAKDAP Bible (BSI)

³ Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

Hawa Naga Bible 2001

³ Kuimshawx nuiyc kuimphox kuex wvr maq jenc lawc yaq ikhoc Yehowa rueq miqsaz thuinz vmungx kuex talx lawc yaq.

TAKSU LAK 17:3 Referencias Cruzadas

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

YOBA 28:1

Kampho ka kampho sha mong wa thutlo; kiimaq chaq ka asha mong wa thuraüta watum na chentlo.

Tvtsvmc 139:23

Ngi ara sidilaq, O Shiikeawe lei, laüta itsan mong na jamlaiwa kra khot-laq; laüta ngi ara shinlaq, laüta itsan tsii kra wiita khonlaq!

Tvtsvmc 26:2

Ngi ka konchon laq kiimaq maitai laq, Tatiwe lei; irorii nai ihon itsii thun kra shinlaq.

Tvtsvmc 66:10

Ümniiraq naishiq ka maitai laü, Shiikeawe lei; kampho ngam ka wa na chaq raüta chentlaq ikha naishiq ka chen wan laü.

TAKSU LAK 15:11

Wulum mung na jamlai wa sitla kra, Tatiwe maklii wa paülot mak. Ikhiijiika maiqse tsan mong na, jamlai wa tiima tlaq kra, mipaü lot shea?

TAKSU LAK 16:2

Ümniiriika phanrap ka, riikhaqli shamtiikang nguta mitiima haü, shatmaq Tatiwe riika, jamlai tiima laüto shamtlaü, kra kappe maq shintlo.

TAKSU LAK 17:2

Khonglaq jaqshise riika, sengi atijongwe se kra jiibaiq raüta, tijongwe tachong wiijam milap wan.

TAKSU LAK 21:2

Maiqse raq apaiq jaqsham ka, athukwiq sham tiikang nguta tiimatlo. Shatmaq Tatiwe riika, apaiq tsantsii kra shintlo.

TAKSU LAK 27:21

Chaq nai kampho ka, wa na chaq raüta chentlo. Maiqse tsantsii ka ashomra raüta, chentlo.

ISAIA 48:10

Ngi raq ümniika chamchao wa maq chaq lata chen wan kang, kampho ka khiwa maq chentlaq ikha chenkang. Shatmaq Ngi raq ümniika thiihü chhikang.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

EJEKIEL 22:18

“Maiqse lei, Israilnok ka Ngi ma jamlai riichang min riimak she. Tsangshiq ka kampho ka watum na chaq raüta chen jai na, wadaiq thun ka miiki, tin, jin, chun thun tiichong kitlaq ikha.

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

TRI CHONGKE 8:16

Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.