JEREMIA 9:7 - ASII LAKDAP Bible (BSI)

⁷ Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

Hawa Naga Bible 2001

⁷ Vruex lvmz ningkhvnc nuex Tvphaungc Tvsuip Yehowa rueq, “Ngaz rueq ngvy miqsaz kuex tvyuimx rvyaq phvnx ikhoc jenx shaungx, tsuingshiq kuex ngaz rueq taruiyx lawc shaungx. Ngvy miqsaz htenc vbac yauk shuimc shuimx gay tueq- tsuingshiq kuex ngaz rueq yvmx khoc lac rvlot shaungx?

JEREMIA 9:7 Referencias Cruzadas

2 SAMUEL 13:26

Shatmaq Absalom raq nguto, “Ikhla, iphu Amnon siika mimi tiiwa haüjaq ahea kata?” Kiijiishe, “Apaiq ka jam nguta kaino?” nguta hokhamwe raq waito.

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

Tvtsvmc 120:4

Phenla liqsinkii phong sihea kiimaq, wachan shiiroro nyai tlaq kriimaq mo mitiiho!

Tvtsvmc 55:22

Üm chamchao ka Tatiwe ma kuqlaq, raüla apaiq raq ümniika mitiiwongkuq; apaiq raq mitting maiqsetiim ka re ma tiitang mak phan.

Tvtsvmc 62:5

Ngi ka Shiikeawe dü niili tiinintiikang; ngi ka apaiq miili rantiikang.

ISAIA 1:25

Ngi raq namshiq khuthaq na kha ka atsin miishe mipho wanha. Jin ka khitiip na wa maq shu raüta jamkho jindaiq tiisiibaiqtlaq, kiikha namshiq khum kriimin wa maq shulata mitiisiibaiqha. Lata namshiq khum wa ashe ashi thun kra wiita mitiisiibaiqha.

ISAIA 48:10

Ngi raq ümniika chamchao wa maq chaq lata chen wan kang, kampho ka khiwa maq chentlaq ikha chenkang. Shatmaq Ngi raq ümniika thiihü chhikang.

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

JEREMIA 6:27

Jeremia lei, isenginok tsantsii kra jamkho sitla, kra ümniiraq japhu jinphu teitlaü ikha atei riiliita.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

MALAKI 3:3

Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 4:12

Lungwii phunainotiim lei, ümchaü bala kamtsantsii maitai namshiq chamchao walü mong maq learai wan tlan kra ningkhan, namshiq ka jamkho chamchao kikai nguta naq wang thang rongkiq. Saüthin wan mak chang phan saürai wan tlo riimak sha nguta naq chapa rongkiq.