DUNGWVNC 15:17 - ASII LAKDAP Bible (BSI)

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

Hawa Naga Bible 2001

Yehowa lex, mnoz rueq tsuinghez kuex gvl wvnc vtueq, mnoz httaz tvkoc thvl taq shec toq, mnoz rueq Shomc Yuimx guirx toq kanx kvyuq tvhttax shuiuz.

DUNGWVNC 15:17 Referencias Cruzadas

2 SAMUEL 7:10

Ngi raq isengi Israilnok singa wan chang mung ashi ka tseakuq wan kang she. Lata tsangshiq ka kiijaq tiishong nga wan kang she. Kiijaq tsangshiq ka chiqse rewe raq tiitsüngii wan mak miishe mishong nga wan. Tsangshiq ka ara hiqshong rahai arjaq saü wanli maq dea min, tsangshiq ka chiqse rewe abi maiq phan pahea raq khat wanto. Shatmaq jai miika, tiikhat mang she. Ngi raq ümniika ümjaqti chiqse rewebi maklii wa tiikhe bomshat miishe mirüm wanha nguta ümniima kiqkham raüpot khakuq wan kang she. Kiimaq ümniima ümsaü ümsetiim min mikuq kang nguta kiqkham kuq kang she.

1 HOKHVMX 8:13

Ümchaü ngi raq ümniima achhai anyii shomjam ashi haikuq kang, arka ümnaq pattup pat-sa siwan changba she miraq.”

Tvtsvmc 114:2

Juda phan ka Tati asii senginok maja wanto, Israilnok ka asengi shaq ma jawanto.

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 44:2

Ümniiraq thatsang maiqse thun ka jamkho jobaiq wan laü, laüta ümsenginok ka tsangshiq hiqshong na jamkho tiishong nga wan laü; kiimaq ümniiraq maiq mung ahin thun ka jamkho tiithenbaiqlaü laüta ümsenginok ka trong win wan laü kra chongtlo.

Tvtsvmc 68:16

Üm hiqlam honghea thun kriimaq ümniiraq Shiikeawe raq apaiq si ma nguta atsea arwan ka shummiikhiq jamto liitlaü? Tatiwe ka kiijaq pattup pat-sa she misi wan!

Tvtsvmc 76:2

Apaiq jam ka Jerusalem chela na; Apaiq ka Jajon kin na sitlo.

Tvtsvmc 80:15

Kira laüta ara spiq tsung ümniiraq achhihaü kra tiichhiilaq, ara spiq tsung ümniiraq tiijonglu tlaü kra chhiilaq!

Tvtsvmc 80:8

Ümniiraq Ejip mung wa spiqtsi cham lam wan laü; kiimaq ümniiraq pongmungti thun ka jobaiqlaü laüta tsangmung kiijaq kra spiqtsi cham ka chhilaü.

DUNGWVNC 15:13

Ümkiq kham bomtsi tsapkapkap thülaü, ümniiraq atiichhii haü mungmaiqse ümniiraq shea wan laü; ümningkun maq tsangshiq ka ümmungtan asii mung na tsuq wan laü.

DUNGWVNC 23:20

“Ngi raq rase ashi ümniima sinkhu na mitiiwaliha, ümnaq laü wan tlaü na lam maq tiikhup wongke wan miitu. Kiimaq Ngi raq ümniika ümnaq miitu hiqshong tiijekang kiijaq mishea wanha.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 32:34

Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”

JEREMIA 2:21

Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

EJEKIEL 37:26

Ngi raq tsangshiq rai tong mishongha. Kra tongshong jaqkhaq raü tiipa tiikang kriika tsangshiq ka pattup pat-sa iwokhong na khusang maq misi wan nguta sinkham miraq. Ngi raq tsangshiq ka khusang rakhang miishe mitiishong nga wanha. Lata tsangshiq ka pahea she mitii puchi wanha. Lata i Shomjam ka tsang mung na mithü wanha. Kra Shomjam ka kiijaq pattup pat-sa she misi wan.

EJEKIEL 37:28

Ümtiikiiwa Ngi raq I Shomjam ka tsangshiq rai adam niishe pattup pat-sa miitushe tei wan tiikang, kiijiishetiq, mangjong hiq na maiq mung thun raq, Ngi, Tatiwe riidea Israilnok ka isenginok miitu tsea wan kang ngutiishe misap wan.”

TRI CHONGKE 33:19

Tsangshiq raq pong mungti tsangshiq pum na heato Kiimaq riikhaqli honglu thun kiijaq takuqto. Tsangshiq tsiiq tum ka khamjong chum wa Kiimaq khamjong chum kii kumtsaiphii wa laptlo.”

JOSHUA 22:19

Riita ümchaü min, namshiq hiqshong ka Tatiwe shomnoq thekmak jiika, Tatiwe asi Tombutiip sitlaq mung kiina kirongra. Lanta naishiq hiqshong kiiwa hiq wiijam namshiq rii jaü ronglaq. Shatmaq Tatiwe aming ka naq jin rongkiq. Riimakla Tatiwe nashiq Shiikeawe berong-wacha kra tlea lanta, berong-wacha achan ashi haiho lanta, nashiq liipan wa maiq wiijam ma ngarai naq tiitang rongkiq.