JEREMIA 32:41 - ASII LAKDAP Bible (BSI)

⁴¹ Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

Hawa Naga Bible 2001

⁴¹ Ngaz rueq tsuingshiq tvkoc vhvlx phvnx htenc shuimx vshaungx kuex ngaz rueq raungc raq shaungx, ngaz rueq tsuingshiq kuex vruex mungx vyuq pattup tv-phaungx ngaungx kuq shaungx.

JEREMIA 32:41 Referencias Cruzadas

Tvtsvmc 80:8

Ümniiraq Ejip mung wa spiqtsi cham lam wan laü; kiimaq ümniiraq pongmungti thun ka jobaiqlaü laüta tsangmung kiijaq kra spiqtsi cham ka chhilaü.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 62:4

Ümniika “Amiim arbaiq,” ngutiika ngumak she miraq, Riimakla üm mung ka “Junshu Nyung,” nguta ngumak she miraq. Ümmang anye ka, “Shiikeawe Ka Arnyung Rai Tsanhea,” ngutiishe mingu. Üm mung ka, “Chochikhiq Shongnga Wanto” ngutiishe mingu. Jamkhano ngukla Tatiwe ka ümniirai tsanhea Kiimaq apaiq ka üm mung ma awese ikha miraq.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

ISAIA 65:19

Ngi armin chojong chise miili she misiha. Jamkhano ngukla Jerusalem nai asenginok kra chhilata michochi wanha. Kriijaq aho anyi ka ahü she miraq. Akhrum jaüti min ahü she miraq.

JEREMIA 18:9

Kiimahali, Ngi raq maiq mung ashi lo, riimakla mungtan ashi ka achhi jang mirha, riimakla atiichhanchhi mirha nguta atoqtan wanha kriiwa,

JEREMIA 24:6

Ngi raq tsangshiq ka khebom shatmaq miriimha. Lata tsangshiq ka armung arjaq hali mitiijang sheaho nongha. Ngi raq tsangshiq ka atiijonglu midung hiqha. Ngi raq tsangshiq ka tiithenbaiq mang. Ngi raq tsangshiq ka pechong ikha achhi ajang mirha. Ngi raq tsangshiq ka phai baiq mang.

JEREMIA 31:28

Kiimaq Ngi raq tsapkapkap maq jamkho arang chong maq balata phaibaiq wan kang, lata babaiq wan kang, lata dobaiq wan kang, lata tiithenbaiq kang, lata tsangshiq ka runbaiq kang, ikiikhiisii hali, Ngi raq tsangshiq ka achhi ajang mirwan nongha, lata mitiichhanchhi wan nongha.

EJEKIEL 36:36

Kiijiishetiq, atro na siti maiq mung thun raq, tsangshiq ka re jaq song lunwantaqti thun raq, Ngi, Tatiwe riidea atiithen baiqha chela thun kra haihun wan kang. Lata rumtang ma ajakaiwi wakram kra tsam man rü miishe tiija wan nong kang nguta misap wan. Arka Ngi, Tatiwe raq kiqkham kuq tiikang. Arka, Ngi raq miklo kuq wanha dongdii. Arka tengteng, Ngi raq miklo wan ha dongdii.”

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

AMO LUIK DVP (AMOS) 9:15

Ngi raq isenginok ka tsangshiq ma akuq ha mungtan kiiwa, aphai arbaiqha, achhihali mirwan nong ha, Krai mren tsangshiq ka, tsangshiq hiqshong rahai kiiwa ümtiikiimin, tiipin jinbaiq mak she miraq.” Arka namshiq Tati Shiikeawe raq ngutlo.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

TRI CHONGKE 28:63

Tatiwe raq ümniika jamkho chochi khiq maq chiithe lüwawe ma tiija wantaq kiimaq ümniika tiipuchi kuq wantaq, raüta maiq ka pahea tiipa wantaq, kra niqriri sii hali, apaiq raq ümniika chochi khiq maq mitiithen baiq wan. Raüta ümniika miqchup she mitiithen baiq wan. Ümniika ümchaü mung jiiwan tlaü, laüta shong nga wan tlaü mung kiiwa arang chong maq barot raüta miphai baiq wan.

TRI CHONGKE 30:9

Tatiwe raq ümniika phanrap jaqsham tlaü kiijaq chiithe lüwa jong miishe mitiijan wan. Ümsetiim ka pahea miraq kiimaq üm nyamse kong min pahea miraq, kiimaq üm wak thun wa tsam ka pahea milap haü. Apaiq raq ümtitiim ka chochikhiq maq chiithe jong tiija kuq wantaq ikha, ümniikiimin chochikhiq maq chiithe jong ma mitiija kuq wan.