2 SAMUEL 7:10 - ASII LAKDAP Bible (BSI)

^10-11 Ngi raq isengi Israilnok singa wan chang mung ashi ka tseakuq wan kang she. Lata tsangshiq ka kiijaq tiishong nga wan kang she. Kiijaq tsangshiq ka chiqse rewe raq tiitsüngii wan mak miishe mishong nga wan. Tsangshiq ka ara hiqshong rahai arjaq saü wanli maq dea min, tsangshiq ka chiqse rewe abi maiq phan pahea raq khat wanto. Shatmaq jai miika, tiikhat mang she. Ngi raq ümniika ümjaqti chiqse rewebi maklii wa tiikhe bomshat miishe mirüm wanha nguta ümniima kiqkham raüpot khakuq wan kang she. Kiimaq ümniima ümsaü ümsetiim min mikuq kang nguta kiqkham kuq kang she.

Hawa Naga Bible 2001

^10-11 Ngvy miqsaz Israel tvkoc baung shishiz thvl vtueq, kvyuq tsuingshiq httax ngaungc wuez yaq vtuing vhtuing lvmz yvmx muinz vguez maq tsuingshiq httax wuez lvp tuex. Tsuingshiq kuex kungkhux maq phuex vruex mungx vyuq nyuip vtueq httax yaq ningkhvnc nuex, yauk laungc yalawx jix rueq khvt muinz rvhumc wvnc tueq, yuq muinz kvruex kuex yaungx yek tuex rvmuq shex. Mralx hez lotlaz yauk wawc tvguing tvkhup wungx muex bomkhvmc ngaz rueq taq tauk, mnoz suiuz vsaz htenc kuex ngaz rueq kuq shaungx.

2 SAMUEL 7:10 Referencias Cruzadas

2 HOKHVMX 21:8

Kiimaq Israilnok raq ngi raq akuqha aming thun kra wiita lang raüta kiimaq ijaqshise Mosheq raq tsangshiq ma akuq thungtri thun kunkun lang raüla, Ngi raq tsangtitiim ma akuq wan ha armung arwa re ma tiijobaiq mang mirha.”

1 KAÜWA WERAÜ 17:9

Ngi raq isengi Israilnok miitu hiqshong ashi tsea wan kang she. Lata tsangshiq ka kra hiqshong niishe tiishong nga wan kang. Kiijaq tsangshiq ka haihü songhü, jamlai tiitsü ngii ngomin ahü miishe misi wan. Tsangshiq ka ara mungtan arjaq saü wan li miiphat, maiq mung ahinti matnok tsanok raq ümtin khan wa tiiphiipjiip khat wanto. Shatmaq akha chiqdong redong ka ahü she miraq. Ngi raq ikiqkham lata ngutiikang, ümjaqtinok thun ka wiita kunkun khat lata mitang kuq wan ha. Kiimaq ümniima ümsaü ümsetiim ka saütam serüshe mitiipa kuq wan ha.

2 KAÜWA WERAÜ 33:8

Kiimaq Israilnok raq ngi raq akuqha aming thun kra phaqchii nichii maq tai raüla, kiimaq ijaqshi se Mosheq raq tsangshiq ma Thungtri Raütu kuqtaq kra wiita lang raüta shongnga haüla, tsangshiq ka ngi raq tsangtitiim ma akuqha ara hiqshong arwa maiq ma tiijobaiq mang mirha.”

Tvtsvmc 44:2

Ümniiraq thatsang maiqse thun ka jamkho jobaiq wan laü, laüta ümsenginok ka tsangshiq hiqshong na jamkho tiishong nga wan laü; kiimaq ümniiraq maiq mung ahin thun ka jamkho tiithenbaiqlaü laüta ümsenginok ka trong win wan laü kra chongtlo.

Tvtsvmc 44:4

Ümniika ihokham kiimaq i Shiikeawe; ümniiraq ümsenginok ma rekhat tiitang kuqlaü,

Tvtsvmc 80:8

Ümniiraq Ejip mung wa spiqtsi cham lam wan laü; kiimaq ümniiraq pongmungti thun ka jobaiqlaü laüta tsangmung kiijaq kra spiqtsi cham ka chhilaü.

Tvtsvmc 80:9

Ümniiraq hiq ka atiijong ma aheawiq chhinlaü; arang thun ka hiq mong na atsaüwiq chamto, raüta atsung ka jong wan raüta kra mung hamli nyam wanto.

DUNGWVNC 1:22

Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”

DUNGWVNC 15:17

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

ISAIA 5:2

Apaiq raq hiq ka thuto raüta longpo thun ka dobaiqto; raüta apaiq raq pinthum ahea phan spiq chhito. Raüta apaiq raq sonruk khechang longmaq kongmong chong ashi haito, raüta spiqtsi tiikitchang longtham ashi haito. Raüta apaiq raq spiqtsi kra tiimansea kheto, shatmaq spiqtsi thun ka wiita haidangdang siisaq riito.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

ISAIA 60:18

Jasam piqsii trang ka ahü she miraq; Athen ajen raq ümmung ka tsaihü jihü tiijabaiq mak she miraq. Ngi raq ümniika khetuk ikha tiichhii lata mitiiwongha; Ümniiraq Ngi mitiitsamhaü jamkhano ngukla Ngi raq ümniika tiichhiikuq kang.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

JEREMIA 18:9

Kiimahali, Ngi raq maiq mung ashi lo, riimakla mungtan ashi ka achhi jang mirha, riimakla atiichhanchhi mirha nguta atoqtan wanha kriiwa,

JEREMIA 24:6

Ngi raq tsangshiq ka khebom shatmaq miriimha. Lata tsangshiq ka armung arjaq hali mitiijang sheaho nongha. Ngi raq tsangshiq ka atiijonglu midung hiqha. Ngi raq tsangshiq ka tiithenbaiq mang. Ngi raq tsangshiq ka pechong ikha achhi ajang mirha. Ngi raq tsangshiq ka phai baiq mang.

EJEKIEL 28:24

Tatiwe raq nguto, “Israil mung tro na siti maiq mung thun raq Israilnok ka thophi riiqphi shummii wanti thun kriiwa, ashi ra min Israil mung miitu ümtiikiimin shukchong nyiqchong ikha jalot mak she miraq. Kiimaq tsangshiq raq, Ngi ardea Tati Rakaü Hiqwe nguta misap wan.”

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

AMO LUIK DVP (AMOS) 9:15

Ngi raq isenginok ka tsangshiq ma akuq ha mungtan kiiwa, aphai arbaiqha, achhihali mirwan nong ha, Krai mren tsangshiq ka, tsangshiq hiqshong rahai kiiwa ümtiikiimin, tiipin jinbaiq mak she miraq.” Arka namshiq Tati Shiikeawe raq ngutlo.

Revelation 21:4

Apaiq raq tsangshiq makphai ka wiita she mitat kuq. Kiijaq maiqse ma atsai ngutiika ahü she miraq. Ajü amii, aho anyi, kiimaq atsi asi ngutiimin ahü she miraq. Ra chü hiq chü ka wiita pan wanto she.”

PHOWEBI 4:3

Jabin jaq niika jin kumrang leng shitiikaü asi. Kiimaq apaiq raq Israilnok ka ji maq nishishi kiimaq jasam piqsii maq wiiroqnai jamshato. Kiijiishe Israilnok ka Tatiwe man na pinthum hoqsii trang raüta khrum kuq liidea nguta achu jaüto.

1 SAMUEL 13:17

Philistainnok raq tsangshiq ka kongtsam na riiphea raüta re ka khat kitlo. Kongshi riika Shual chela wang na Ophra chela kra khatkai kihoto.