2 SAMUEL 7:12 - ASII LAKDAP Bible (BSI)

¹² Ümtiikiiwa tsaitlaü kiimaq ümmaa ka ümtitiim maalap chang hiq ba kriijaq milap wan. Kiitiikaq ngi raq ümsetiim phong kriiwa weshi ka hokham ma mishongha. Kiimaq apaiq ma amung aman ningkun aheng maq rüm wan miitu ningkun mikuqha.

Hawa Naga Bible 2001

¹² Mnoz thueyc kaz vtueq mjix m-waz tamx rulc vdvmz nuex luip gay rvhumc ruiux, msaz washiz shiz kuex hokhvmx muex tvyaungc vtueq piq mungtan kuex ngaz rueq tv-phaungx ngaungx kuq shaungx.

2 SAMUEL 7:12 Referencias Cruzadas

RAPHA HIQWA LAK 15:4

Kiijiishe Tatiwe raq hali apaiq ma bom chongkuqtlaq kra taito: “Ara ümdise Eliejar riika ümtachong hupsam ka laplot mak; ümse shaq riili ümtachong hupsam ka milap wan.”

2 SAMUEL 22:51

Shiikeawe raq apaiq raq ashong hokhamwe ma, rekhat jonghea tiitang kuqtlo; apaiq raq tsea raüta, ashong wanwe kiima, tiipit mak lungwiitsii tiichhikuqtlo, Dawit nai asaü asetiim ma, pattup pat-sa lungwii riimtlo.

1 HOKHVMX 1:21

Ümniiraq kra klo maü raüla, ümnaq tsaijai, ise Solomon nai ngi ka hokham ngachang jiiti nguta kha minyan.”

1 HOKHVMX 1:48

Raüta akha achu jaüto, ‘Nashiq raq Tatiwe, Israilnok Shiikeawe ümchaü ranaiq isetiim phong wa weshi ka ichangkhü songti hokhamwe ma shong wantiwe kra tiitsam kam rong i. Kiimaq apaiq raq ngi ma ara akhing ara imak maq chhi wan li tiihong kuqto!’”

1 HOKHVMX 2:1

Dawit ka atsai wan akhing she saüwanto angu na apaiq raq ase Solomon ka apaiq phana tiihea kito. Raüta apaiq ma atiithum tsü chong bomtsi ka akha chongkuqto:

1 HOKHVMX 2:10

Dawit ka tsaito. Raüta apaiq maa ka Dawit chela na lapto.

1 HOKHVMX 2:4

Ümniiraq apaiq aming thun kra lang haü jiila, Tatiwe raq ngi ma apaiq kiq kham raüpot khakuqtaq kra wiita mitiiku kuq wan. Apaiq raq ngi ma akha chongto isaü isetiim pat niimin tsangshiq raq apaiq aming thun kra tsang rakrak maq kiimaq tsapkapkap maq tsangshiq tsan nai mongjii kiimaq tsaiji wiita kuq raüta lang wan raüla, tsangshiq raq Israil mung ka siq wan ruq miraq nguta chongto.

1 HOKHVMX 5:5

Tatiwe raq iwe Dawit ma akha akiq kham kuqto, ‘Ümse, üm pumsong ma Ngi raq hokham ma mishong wanha, apaiq riitiq Ngi ma Shomjam ashi mihaikuq.’ Krai mren ümchaü ngi raq Tatiwe i Shiikeawe shomnoq chang shomjam kriishe mihaiha nguta bom ka shatkang she.

1 HOKHVMX 8:15

Apaiq raq akha jaüto, “Tatiwe Israilnok Shiikeawe kli tiitsam rong laq! Apaiq raq iwe Dawit ma akiq kham raüpot akuqthü kra tiikupikuq wanto she. Apaiq raq akha khamkuqto,

1 HOKHVMX 8:19

Shatmaq ümniiriika ümtiikiimin haimaü mirhaü. Kriika ümse riitiq, ümse shaq riishetiq Ngi miitu shomjam ka mihai.’

1 HOKHVMX 8:20

“Riita kra chongtaq krai mren, Tatiwe raq apaiq kiqkham raüpot kriishe tiihong kuqto. Ümchaü ngi ka iwe pumsong apaiq changkhü na Israil mung thaq na hokhamwe miishe shongto. Kiimaq ngi raq Tatiwe Israilnok Shiikeawe shomnoq chang Shomjam kiimin hailot kang she.

1 HOKHVMX 9:5

Ngi raq ümwe Dawit ma, Israil mung ka pattup miitu maiqpat tek na ümsaütiim phong wa maiq weshi ka hokham ma jawan ruq raüta mung ka misiq wan nguta kiqkham kongphiq raüpot khakuq kang kra tiihong kuq wan ruq mirha.

2 HOKHVMX 8:19

Shatmaq Tatiwe ka Juda mung ka tiithenbaiq romak riito. Jamkhano ngukla apaiq raq Dawit ma, apaiq saüse phan wa maiq pat tek na hokham jawan ruq raüta mung misiq wan nguta kiqkham thüje riito.

1 KAÜWA WERAÜ 17:11

Kiimaq ümtiikiiwa ümniika mitsaihaü, raüta ümmaa ka ümtitiim maa chiim na milap wan, Ngi raq ümsetiim phong kiiwa weshi ka hokham ma mishong wan ha. Lata apaiq mungtan ka pinthum ajong ala mungtan ma mitiija wan ha.

2 KAÜWA WERAÜ 1:9

O, Tati Shiikeawe lei, ümniiraq iwe ma kiqkham kuq laü kriishe tiikupi kuq laq. Ümniiraq ngi ka mungmaiqse pahea awea lot mainok khuthaq na hokham miishe shong laü.

2 KAÜWA WERAÜ 13:5

“Namshiq raq, Tatiwe, Israilnok Shiikeawe raq Dawit rai tiipanki mak phan tongshong wanto ngutiika sap man shea? Raüta apaiq ma nai asaü asetiim ma Israil mung thaq hokham jaqsham ka pattup pat-sa miitu kuqto ngo ka sap man shea?

2 KAÜWA WERAÜ 21:7

Shatmaq Tatiwe ka Dawit lai ala phan ka chongthum shiithen baiq romak riito. Jamkhano ngukla apaiq raq Dawit rai tongshong wanto. Raüta apaiq lai ala phong wa maiq pat tek na weshi ka hokham ma jawan ruq miraq nguta kiqkham raüpot khakuqto.

2 KAÜWA WERAÜ 23:3

Raüta tsangshiq tarii Shomjam na thungto. Raüta tsangshiq raq hokhamwe se Joash rai tong shongto. Jehoiada raq tsangshiq ma akha nguto, “Arjaq ara wulumwe maa hokhamwe se! Tatiwe raq Dawit saüsetiim wa maiq pat tek na hokham mija wan nguta kiqkham kuqtaq kra phan phan, ümchaü apaiq ka hokham ma mija.

2 KAÜWA WERAÜ 6:15

Ümniiraq iwe Dawit ma kiqkham raüpot akha kuq haü ka riikhaqli tiikupi kuq wan laü she. Ümchaü ranaiq na kra kiqkham bomtsi awea ka wiita she kuwato.

2 KAÜWA WERAÜ 6:9

Shatmaq ümniiriika ümtiikii jiimin kriika hailu maü mirhaü. Kriika ümse, ümse shaq riitiq she mihai. Apaiq riitiq ngi miitu shomjam ka mihai.’

Tvtsvmc 89:29

Aweraü ka pattup pat-sa thumki mak phan ra tsingtlaq kiikha siruq misi wan; asaü ase phan wa maiq weshi ka maiqpat tek na hokham mishong wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 33:17

Ngi, Tatiwe raq kiq kham tiikang, Dawit weraü phan wa pattup maiq weshi ka Israil mung peng wanti hokham ma shong wan ruq miraq.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Matthew 1:1

Arka Jesuq Khristo weraü manphan. Apaiq ka Dawit lai. Dawit ka Abraham lai.

Luke 1:32

Apaiq ka ajong pinthum miraq. Kiimaq Ajong Shiikeawe Se nguta mingu. Tati Shiikeawe raq apaiq ka, ati Dawit Hokham kiikha hokham ma mishong.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

Acts 2:30

Apaiq ka Shiikeawe shammi. Krai mren, Shiikeawe raq apaiq ma kiqkham kongphiq raü khakuq wantaq kriika wiita asap. Shiikeawe raq Dawit ma, Dawit apaiq lai ala phan wa, maiq weshi ka, rawiichii pat na, Dawit apaiq kiikha, Hokham ma mishong wan ha nguta kiqkham kuqto.

1 Corinthians 15:51

Ara chongtiikang apaü raüta athü tengman tlaq bomtsi ara tsan na samhea tiitsang tai rong laq: Nashiq wiitarü ka tsai mai. Shatmaq phangthum lerong tsii tlaq akhing na, nashiq ümchuwa atra riijiiq, kriiti thun ka mak riijap liipan niili, nashiq khum ka aklai mirki. Phangthum lerong ümtiiko tsü jiiq, kra akhing na, maiq ümchuwa amaati thun ka, wiita amaa wa atra she mitiidong wan. Kra tiidong wan tlaq ka ümtiikiimin tsaiki mak phan she. Kiimaq nashiq wiitarü atra sitiikaiti thun khum ka wiita aklai mirki.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

1 Thessalonians 4:14

Nashiq raq tsankhun maq kamtiikai, Jesuq ka tsaito, raüta amaa wa hali dong wan nongto. Krai mren, maiq Jesuq ma kam raüta tsaitaqti thun wiitarü ka, Shiikeawe raq Jesuq rai mishea wan nong nguta, nashiq raq kamtiikai.