DUNGWVNC 23:20 - ASII LAKDAP Bible (BSI)

²⁰ “Ngi raq rase ashi ümniima sinkhu na mitiiwaliha, ümnaq laü wan tlaü na lam maq tiikhup wongke wan miitu. Kiimaq Ngi raq ümniika ümnaq miitu hiqshong tiijekang kiijaq mishea wanha.

Hawa Naga Bible 2001

²⁰ “Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.

DUNGWVNC 23:20 Referencias Cruzadas

RAPHA HIQWA LAK 15:18

Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

RAPHA HIQWA LAK 24:40

Apaiq raq treto, ‘Tatiwe, ngi raq apaiq aming lang lata wranaiqshe siwan kangwe raq, apaiq rase ka ümniirai mitiiwa dam. Raüta ümniima jaqsham ka mitiiong kuq. Ümniiraq ise ma achak ka ita iwii phan jamkun wa, iwe jamkun wa milam kuq wa haü.

RAPHA HIQWA LAK 24:7

Jamkhano ngukla, Tatiwe, ramungtan Shiikeawe raq, ngi ka iwe jam wa kiimaq ita iwii sichang hiqshong wa, ana sheahoto. Kiimaq apaiq raq ngi ma sinkham raüta armung arka isaü isetiim ma mikuqha nguta kiqkham raüpot shatkuqto. Apaiq raq arase ka ümkhaki na sinkhu na mitiiwa. Kiimaq ümniiraq ise miitu kra mung wa achak ka mihum hohaü.

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

Tvtsvmc 91:11

Shiikeawe raq arasetiim ma ümniika tiikheshat miraq raüta ümniika ümbana kihaü jiimin khebomshat miraq.

DUNGWVNC 14:19

Kiimaq Shiikeawe rase Israilnok phenlabi kong khaki na watlaq kriika, kiho raüta Israilnok jai nü niishe tiijakito. Kiimaq phum kham chong kriimin tiisot ho raüta,

DUNGWVNC 15:16

Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

DUNGWVNC 15:17

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

DUNGWVNC 23:23

Irase ka ümniima sinkhu na miwa. Raüta ümniika Amoraiqnok, Hitaiqnok, Perijaiqnok, Kanannok, Hiwaiqnok, kiimaq Jebusaiqnok sichang hiqshong thun kiina ümniika mishea wan. Kiimaq Ngi raq tsangshiqnok thun ka wiita mijiip baiqha.

DUNGWVNC 32:34

Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”

DUNGWVNC 33:14

Kiijiishe Tatiwe raq nguto, “Ngi ka ümniirai miwa dam kang. Kiimaq Ngi raq ümniima rekhat ka mitiitang kuq kang.”

DUNGWVNC 33:2

Ngi raq rase ashi ka ümniima lamsheake miitu mitiiwa kang. Kiimaq Ngi raq Kanannok, Amoraiqnok, Hitaiqnok, Perijaiqnok, Hiwaiqnok kiimaq Jebusaiqnok thun kra ajo mirbaiqha.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

JEKERIA 12:8

Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

WEAWEA 20:16

Kiimaq naishiq ka Tatiwe man na khrum jaü hoqtrangkai. Apaiq raq naishiq hotrang ka taito. Raüta naishiq khrumti rase ashi tiikito. Apaiq raq naishiq ka Ejip mung wa tsuq wanto. Ümchaü naishiq ka Kadesh wang na. Üm mung hiqrai tho chela na.

WEAWEA 22:22

Shiikeawe ka Balaam kaihokha na akhiq riito. Kriikha na Balaam ka kumtoq kaü raikhü na nga raüta ajaqshi se wenai krai adam na lam na akai rai riito. Kiijiishe Tatiwe rase ka apaiq kai chang lam kra shangkai lam na chapkito.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

John 14:3

Kiimaq ngi ka kiina wawan li lata, namshiq miitu asi anga chang tap ajam kra mitiije wanli ha. Lata, ngi ümbano sitiikang kiijaq, namshiq min ngi rai adam miishe siwan miitu, ngi ka namshiq phana kinong lata hali, namshiq ka i phana misheaki nong ha. Krai mren, namshiq ka ngi rai adam niishe misi wan han.

TRI CHONGKE 33:2

Tatiwe ka Sinai Pum maq satkito; apaiq ka Edom mung thaq na rashe kaü dongtlaq ikha dongto kiimaq asenginok thaq na Paran Pum maq liliimto. Apaiq rai rasetiim ka hing roqshi asi riito, apaiq ma jaqtsi nü na walütu kaü asi riito.

JOSHUA 23:5

Namshiq Tati Shiikeawe raq tsangshiq ka namshiq khaki na chapkhu mak, tsangshiq jai na apin ajin mitiijang baiq. Kiimaq namshiq raq tsangshiq khat wan tlan kra phan phan, apaiq raq tsangshiq ka ajo mirbaiq wan. Tatiwe namshiq Shiikeawe raq namshiq ma kiqkham kuqtaq kra phan phan, namshiq raq tsang mung thun wa hiq ka mijii wan han.

JOSHUA 5:13

Joshua ka Jeriko chela tho na bala shon, tiihanghiiq miili apaiq raq maiqwe ashi ka apaiq khaki na chap raü chhito. Kriiwe ka ajaq na nepja shamraü chhito. Kra chhi raüta Joshua ka apaiq phana wato. Raüta, “Ümniika naishiqnok phenlabi shea? Shea naishiq ma wesang wa?” nguta waito.

JOSHUA 5:14

“Ngi ka namshiq phenlawe min riimang, kiimaq namshiq ma wesang min riimang. Ngi ka Tatiwe phenlabi pengti Ajong Phentuwe,” nguta treto. Kra tai raüta, Joshua ka kriiwe khaki na hiq na bumkisaq shomnoqto, Kiimaq, “Chaü lei, ngi ka ümdise. Ngi raq jamlai riichang wa?” nguta apaiq ma waito.

JOSHUA 6:2

Kra akhing na Tatiwe raq Joshua ma nguto, “Ngi raq Jeriko chela ka tsangshiq hokhamwe krai nong nong maq, mungmaiqse srea nolabi wiita ümjaq khon mong na kiinong kuq kang she.