DUNGWVNC 23:19 - ASII LAKDAP Bible (BSI)

¹⁹ “Rawiitek ümniiraq bunwong jut pha shaq shaq jut tlaü kra Tatiwe üm Shiikeawe jam na kewan ratlo. “Skuse aran se riimakla chhechhise ka akaü nyakpü maq lumphaq maimak.

Hawa Naga Bible 2001

¹⁹ “Wawc tek nuimshiq wuik vnax htenc wawc vphaungc tvjomx shuinx vthuey vngoz htenc kuex Yehowa nuimshiq Tishox yuimx kvyuq laq wuez shuinz. “Khelbuenx saz rvmuq ngoz ruiux, khelkhix saz kuex vkuiux puix maq lumc mvy muq.

DUNGWVNC 23:19 Referencias Cruzadas

NEHEMIA 10:35

Kiimaq, nashiq raq, tsamnye jut haijaq, rai awong kra, kiimaq petsiro na tsipha tsingo wan tlaq kra, rawiitek lamho laita, Shomjam na honglu kuq wan lili mirii rong i.

NEHEMIA 10:36

Kiimaq, nashiq raq, nase chhikhuse hum wan tiikai kra, Thungtri na chong tlaq kra phanphan, Shomjam na boqho laita, ramwebi phana boqho lili mirii rong i. Laita, Shiikeawe ma kiinong kuq wan lili mirii rong i. Kiimahali, nashiq jam na jam nyamse sitlaq kiiwa, minsaü kaütiim raq ase chhikhu nyungtlaq kra lo, sku kaü raq ase chhikhuse nyung tlaq kra lo, kiimaq chhechhi kaü raq ase chhikhuse nyungtlaq kra, Shiikeawe ma kiinong kuq wan lili mirii rong i.

DUNGWVNC 22:28

“Shiikeawe ma abi naq bomkiq. Kiimaq ümnok ümta rümti welawe ma man naq sonkiq.

DUNGWVNC 22:29

“Ngi ma honglu thun ka üm bunwong wa, üm spiqtai wa, kiimaq oliptsi tai wa ake chang akhing riikhaqli na kuqlaq. “Ngi ma üm se chhikhuwe ka kuqlaq.

DUNGWVNC 34:26

“Rawiitek Tatiwe jam na, namshiq raq apha shaq shaq bunwong hantlan kra kuq ronglaq. “Skuse ngam lo riimakla chhechhise ngam lo ka akaü nyakpü maq naq lum rongkiq.”

TAKSU LAK 12:10

Maiqshaqti riika anyamse kong, samheawiq dunghiq tlo. Shatmaq maiqjiqti riika, anyamse kong buktiiq tlo.

TAKSU LAK 3:9

Tatiwe ka tsiiq nai nyam maq shreng laq, Wak na adong man ahea pinthum kra, honglu na kuq laüta shreng laq.

JEREMIA 10:3

Arnok thun thatsang lamphan ka thiihü. Rum wa pechong ashi daqtlo; raüta kra pe sham smati raq laklü tansang thun maq aheawiq wat haihuntlo.

EJEKIEL 44:30

Ngi ma ahea pinthum tsamwi poi na honglu kuq wan tlaq kra, kiimaq Ngi ma phanrap honglu kuqtlaq kra ramwebi rii miraq. Mungmaiqse raq winsii lumtlaq akhingtek na tsangshiq raq aphashaq shaqti ka ramwebi ma honglu na kechang. Kiimaq tsangshiq jamkun na Ngi achu shiiman misi wan.

EJEKIEL 48:13

Lewinok miimin akhek tiitsang raüta hiq ka bashi chumke chang. Tsangshiq miika ara ramwebi ma achumkuq hiqshong maq shemai nü wa kechang. Armin shedong nü maq phaho raüta shenyap nü na saüli ka kilomitar roqshi ri anai ri athiq riichang. Kiimahali shekhu nü maq phaho raüta shemai nü na saüli ka kilomitar biingi riichang.

EJEKIEL 48:14

Tatiwe ma honglu na akiinong kuq hiqba kriika wiitarü thaq na pinthum hiqhea ba. Kra hiqshong ba kiiwiika akha phushi rase dongdii min maiq ma shake maimak. Riimakla ahin hiq ba rai aklai min maimak. Kiimaq maiq ahinti ma kebaiq min maimak. Arba hiqshong arka asii hiq ba kiimaq arba arka Tatiwe rii.

WEAWEA 15:21

Arka pattup pat-sa na saüli, namshiq winsii lumphaq tlan kiiwa Tatiwe ma akhek atiitsang kongphiq ma kuq wan ruq riichang.

1 Corinthians 15:20

Shatmaq riikhaqli tengteng bomtsi ka ara: Khristo ka amaa wa tiidong wanto she. Krai mren, apaiq ma kamwanti maiq ümchuwa atsai riiwan tlaq, kriiti thun tarü ka atra midong wan nong ngushat she. Arka mongngam maq kamwan miitu hakhi raü tu she.

TRI CHONGKE 14:21

“Apaiq tsaitsai atsaiki ka jamlai ngam li jiimin aphaq maimak. Pong mungti namshiq rai sitlaq kra miika tiiphaq sea mimai. Riimakla namshiq pong mungti maiq phan ma shaphaq kla mimai. Shatmaq ümniika Tatiwe üm Shiikeawe rii. Namshiq ka apaiq sengi. “Sku se ngam riimakla chhechhi se ngam ka akaü nyakpü na naq lum phaqkiq.

TRI CHONGKE 26:10

Kra ningkhan, ümchaü ngi raq ara Tatiwe ma, apaiq raq ngi ma tsamnye pünyete akuq ara apaiq ma honglu na kuq tiikang.’ “Laüta kra tsam taükok ka Tatiwe man na tolaq. Laüta kiijaq apaiq ka shomnoqlaq.

TRI CHONGKE 26:2

namshiq maiq loweatek raq tü atsam wak wa jamlai wa apha shaq shaq jutlan kiiwa wiijam taükok na thü ratlo. Kra laüta ümniiraq noqku chang hiq bashi tiitsang dada tiihong tseaje kriijaq lamholaq.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.