DUNGWVNC 23:20 - Hawa Naga Bible 2001

²⁰ “Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.

ASII LAKDAP Bible (BSI)

²⁰ “Ngi raq rase ashi ümniima sinkhu na mitiiwaliha, ümnaq laü wan tlaü na lam maq tiikhup wongke wan miitu. Kiimaq Ngi raq ümniika ümnaq miitu hiqshong tiijekang kiijaq mishea wanha.

DUNGWVNC 23:20 Referencias Cruzadas

RAPHA HIQWA LAK 15:18

Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,

RAPHA HIQWA LAK 24:40

Piq rueq, ‘Ngaz rueq mkaq muinz tvtsanc nganc phvnx vshaungx Yehowa rueq vpiq kamx waz kuex mnoz rulc vdvmz tvkaz naungx vtueq mnoz muex tvlvp luz kuq kv-phux. Mnoz rueq ngaz muex taungnyuing, iwaz yuimx wuinz wawc isaz tvkoc miq kuex thuiyx kuq laq shuiuz.

RAPHA HIQWA LAK 24:7

Yehowa htunghtauk raungmungx Tishox rueq iwaz yuimx wawc nuiyc iphvnx imaq mungtan wawc ngaz kuex gvl laq vtueq, isuiuz isaz phvnx muex vruex mungx kuex kuq phaungx ngoz tueq ngaz muex vpiq kvtuemc vtueq bomkhvmc kuq phuex. Mnoz rueq isaz muex miq thuiyx kaz ruiux yuq humc tvkoc vpiq raungkamx waz kuex mmax nuex tvkaz shuex, kvruex wawc isaz tvkoc vyuimx jix nyuiuz kuex humc kuq shuiux.

RAPHA HIQWA LAK 48:16

Ngaz kuex vgvrx vtsvrx htenc wawc palc wvnc jix raungkamx waz rueq vruex nox nueyc vmac ruimrix mkuq shueq! Ngvy muingc, Ijix iwaz Abraham nuiyc Esak muingc kuex tsuinghez rueq mtv-phaungx ngaungx shueq! Tsuingshiq suiuz vsaz phvnx htenc kuex paunghvlc mpux paung wvnc kueq!”

Tvtsvmc 91:11

Khuemx kaz tuiux baung ruip saz nuex mnoz muex tvguing tvwungx shuex nuiyc mnoz muex tvkhup wungx kuy tvkoc Tishox rueq vpiq raungkamx bix htenc muex nvr tueq.

DUNGWVNC 14:19

Kvkaq Israel miqsaz max nuex kaz yaq Tishox raungkamx waz kuex tsuinghez yix tvsuip kox nuex kvhttot vtueq kaz naungx tueq. Phuemx tul muinz

DUNGWVNC 15:16

Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.

DUNGWVNC 15:17

Yehowa lex, mnoz rueq tsuinghez kuex gvl wvnc vtueq, mnoz httaz tvkoc thvl taq shec toq, mnoz rueq Shomc Yuimx guirx toq kanx kvyuq tvhttax shuiuz.

DUNGWVNC 23:23

Ngvy raungkamx waz kuex nuimshiq khaungx tvmax nuex kaz vtueq, piq rueq nuimshiq kuex Amori, Hitti, Perizi, Kanaan, Hiwit nuiyc Jebusi miqsaz httax yaq mungx kvyuq tvshvlx wvnc phaungx, ngaz rueq tsuingshiq kuex tvbac gay shaungx.

DUNGWVNC 32:34

Majuiuc kaz vtueq mnoz muex ngaz rueq jungx phaungx baung kvyuq tsuinghez kuex shvlx laq shuiuz. Ngvy raungkamx waz rueq mnoz muex lvmx shvlx kuq kv-phux, yuq muinz vruex hez htenc yaq gay tueq mvrax laung kuex ngaz rueq murx tvgurc kuy vkhing httuiuc wvnc tuex,” ngoz tueq jungx tueq.

DUNGWVNC 33:14

Yehowa rueq, “Ngaz kuex mnoz rulc kaz naungx vtueq, ngaz rueq mnoz muex tvtaungx kuq phaungx,” ngoz tueq jungx tueq.

DUNGWVNC 33:2

Nuimshiq muex lvmx shvlc kuy tvkoc ngaz rueq raungkamx waz tvkaz shaungx, Kanaan, Amori, Hitti, Perizi, Hiwit nuiyc Jebusi miqsaz htenc kuex ngaz rueq yurc gay shaungx.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

JEKERIA 12:8

Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.

MALAKI 3:1

Tvphaungc Tvsuip Yehowa rueq, “Ngvy tvkoc lvmx tvyoalc lvy muex ngvy kamx waz kuex tvkaz shaungx. Kvruex yimaq nuimshiq rueq thuiyx vshuinx Taungjix kuex vpiq Shomc Yuimx nuex huingc rvhek laz maq httuiuc kaz tuex. Nuimshiq rueq vkhic roc tvlungx wanx vshuinx kamx waz kuex httuiuc kaz vtueq ngvy bomkhvrc kuex jungphvnx shuex,” ngoz tueq tvralc tueq.

WEAWEA 20:16

nuiyshiq rueq Yehowa kox wawc romc lawc kuy thoz koq tueq, vpiq rueq tay kuq ruiux raungkamx waz tvkaz vtueq nuiyshiq kuex Ejip mungx wawc tvdung shvlx laq phuex. Majuiuc nuiyshiq kuex m-ghaq ruiyx nuex httax yaq Kadesh ghaq nuex httuiuc kaz tiq.

WEAWEA 22:22

Balam kaz wvnc naungx koq tueq Tishox kuex vkhaq rvtueq, Balam kuex mvre htauk nuex ngaungc ruiux piq nvrc wanueyc rulc kaz naungx yaq nuex, Yehowa raungkamx waz kuex piq kay juing lvmx nuex jvp vtueq tvwanc tueq.

Matthew 25:34

Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.

John 14:3

Kvkhoc ngaz waung vtueq nuimshiq tvkoc httaz juing tvyoalc waung ruiux, ngaz httax taungx baung kvyuq nuimshiq muinz httax lvp laz, ngaz yek kaz yek vtueq nuimshiq kuex ngvy kox nuex shvlx wvnc phaungx.

TRI CHONGKE 33:2

Yehowa kuex Sinai Kanx maq kaz tueq; vpiq kuex Edom mungx htauk nuex httax yaq shalx ikhoc dung kaz tueq. Paran Kankhux maq vpiq miqsaz htauk nuex phelez kaz tueq. Raungkamx bix htenc munshiz kuex vpiq rulc httax yaq, vpiq yaukkeq kox nuex tsuinghez tvkoc wvrluic dung yaq.

JOSHUA 23:5

Nuimshiq rueq khvt kaz ruiux yuq, Yehowa nuimshiq Tishox rueq tsuingshiq kuex nuimshiq kox wawc tvrv-nyuik wvnc vtueq nuimshiq kox wawc yurc kuq gay kv-phuinx. Yehowa nuimshiq Tishox rueq bomkhvmc httax yaq rulc rv-ngvlc tsuingshiq ghaq kuex nuimshiq rueq khvt lvp wvnc shuinx.

JOSHUA 5:13

Yoshua kuex Yerikho ghaq hep nuex httuiuc kaz tueq nuex piq khaungx tvmax nuex yaung shuimc jix washiz jvp yaq kuex huingc rvhek laz maq khiz tueq. Yoshua kuex kvruex waz kox nuex kvnvp kaz vtueq, “Mnoz kuex nuiyhez kox wawc nolaungx shuex, ralx lac rvtonx?” ngoz tueq wiz tueq.

JOSHUA 5:14

Kvruex waz rueq, “Mruex kox jix muinz rvmuq, ngaz kuex Yehowa nolaungx yungx muex yaungx vtueq kaz vraungx,” ngoz tueq tvralc tueq. Yoshua kuex ghaq nuex bumx vtueq nawk ruiux, “Taungjix lex, ngaz kuex mnvrc waz rvtauk. Mnoz rueq ngaz muex yvmx tvshuimc roc lac?” ngoz tueq tvralc tueq.

JOSHUA 6:2

Yehowa rueq Yoshua muex ngoc, “Ngaz rueq Yerikho ghaq nuiyc kvruex wawc hokhvmx waz tauk, hungc vlaungc httaz hvlc nolaungx bix lotlaz kuex m-yauk nuex lekuq phaungx.