DUNGWVNC 25:8 - ASII LAKDAP Bible (BSI)

⁸ Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

Hawa Naga Bible 2001

⁸ Miq htenc rueq ngvy tvkoc vsawc tap kuex m-guirx wuez shueq, kvkhoc ngoz ruiux ngaz kuex tsuingshiq rulc httax taungx.

DUNGWVNC 25:8 Referencias Cruzadas

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

1 KAÜWA WERAÜ 22:19

Riita, ümchaü sanha Tatiwe nam Shiikeawe kra tsan nai mongjii kiimaq tsaiji wiita kuq lantea shiikumpan ronglaq. Shomjam hai ka sürii phaho liishe. Kra lanta Tatiwe Tongshong Tek nai laihin asii huk asam thun, apaiq shomnoq wan na lang chang thun kra Shomjam mong niishe thü ronglaq.”

DUNGWVNC 15:17

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

DUNGWVNC 29:46

Kiimaq tsangshiq raq Ngi ardea tsangshiq Tatiwe, tsangshiq Shiikeawe, tsangshiq rai sidam miitu tsangshiq ka Ejip mung wa shea wantiwe nguta misap wan. Ngi ka Tatiwe tsangshiq Shiikeawe.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

EJEKIEL 37:26

Ngi raq tsangshiq rai tong mishongha. Kra tongshong jaqkhaq raü tiipa tiikang kriika tsangshiq ka pattup pat-sa iwokhong na khusang maq misi wan nguta sinkham miraq. Ngi raq tsangshiq ka khusang rakhang miishe mitiishong nga wanha. Lata tsangshiq ka pahea she mitii puchi wanha. Lata i Shomjam ka tsang mung na mithü wanha. Kra Shomjam ka kiijaq pattup pat-sa she misi wan.

EJEKIEL 37:28

Ümtiikiiwa Ngi raq I Shomjam ka tsangshiq rai adam niishe pattup pat-sa miitushe tei wan tiikang, kiijiishetiq, mangjong hiq na maiq mung thun raq, Ngi, Tatiwe riidea Israilnok ka isenginok miitu tsea wan kang ngutiishe misap wan.”

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

LEWI 10:4

Kiijiishe Mosheq raq Aron ma awa Ujjiel senai Mishael nai Eljaphan kra heato. Raüta tsangnai ma, “Ana warong ra. Lanta namphu nowe nai maa kra asii Tombutiip arwa ahin na piho ronglaq. Lanta piitiip phai na thüki rongkiq.”

LEWI 26:11

Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

LEWI 4:6

Raüta ajaqshi ka minsaü tiijai na mitsam. Raüta asii kheathum khok rai chang chan tlaq khaki na jang miishe mibat.

JEKERIA 2:10

Tatiwe raq nguto, “Jerusalem chelati lei, chochi ma shinge rong laq! Ngi ka namshiq rai adam sikai kitiikang!”

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

WEAWEA 5:3

Ara tsangshiq khum na apii ashe phan asi maiq kong thun ka wiita chiiphai na tiikibaiq ronglaq. Kra riihantiq tsangshiq raq Ngi isenginok rai sidam tiikang piitiip ka tiisheshi mak miraq.”

Acts 7:44

“Riita, natitiim pat na Shiikeawe Sichang Tiip ka tsangshiq rai nongshnong, kumtsaiphii binjü maq, bashi na chan wan wan raüta siwanto. Kra Shiikeawe Sichang Tiip kriika, Shiikeawe raq Mosheq ma jamkho tiichhi kuqtaq kra phanphan haito.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

JOSHUA 22:31

Kiijiishe, ramwe Phinehas Eleajar se raq, tsangshiq ma akhiishe nguto, “Ümchaü ka naishiq riimin sap kai she. Tatiwe nashiq rai asi. Namshiq raq apaiq kiq ka tlea man dea. Krai mren, namshiq raq Israilnok ka Tatiwe moho chang wa tiichhii kuq lan.”

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.