DUNGWVNC 25:9 - ASII LAKDAP Bible (BSI)

⁹ Ara tiip ka hailaq. Laüta kriika Ngi raq jamkho mitiichhi kuqha kra phan phan mitiimiikhiiq haü.

Hawa Naga Bible 2001

⁹ Vsawc tap romz nuiyc tvsvp rvp tvhungx juing phvnx htenc kuex ngaz rueq tvkhic kuq phaungx vromz ikhoc guirx shuiuz.

DUNGWVNC 25:9 Referencias Cruzadas

DUNGWVNC 25:40

Arka ngi raq ümniima pum maq sumla tiichhikuq kang kra phan phan riikhaq li tiiqlaq.

DUNGWVNC 26:30

Laüta Tombutiip ka pum maq asiirii jamkho tiichhi kuqkang kra phan phan chanlaq.

DUNGWVNC 39:32

Kiimaq Tatiwe asi Tombutiip miitu jaqsham chang ümchuwa sitlaq kriika kun kun she lotto. Tatiwe raq Mosheq ma aming tattaq kra phan phan Israilnok raq jaqsham ka phanrap phanrii kloto.

DUNGWVNC 39:42

Israilnok raq jaqsham thun tlotli ka Tatiwe raq Mosheq ma aming kuqtaq kra phan phan kloto.

DUNGWVNC 39:43

Kiimaq Mosheq raq hupsam thun ka wiita shrira liito. Raüta tsangshiq raq jaqsham ka Tatiwe raq aming kuqtaq kra phan phan dea kloto nguta liito. Kiimaq Mosheq raq kra hupsam thun ka shiimanto.

WEAWEA 4:12

Raüta tsangshiq raq Asii Khok na langchang tak apin thun kriishe milam. Raüta kriithun ka khea wai thum maq thop chang. Raüta nintata ngamkhü diim maq arthun arthaq na pang chang. Kra raütiishe kra pichang chamwii kiijaq tiida chang.

WEAWEA 8:4

Lem khamchong ka akhupo maq riita hiq jichong na saüli chaq ngam maq alo. Arka Tatiwe raq Mosheq ma ariikom sü raüta tiichhi kuqtaq kra phan phan shiipan püsetiim ikha tiiqto.

Acts 7:44

“Riita, natitiim pat na Shiikeawe Sichang Tiip ka tsangshiq rai nongshnong, kumtsaiphii binjü maq, bashi na chan wan wan raüta siwanto. Kra Shiikeawe Sichang Tiip kriika, Shiikeawe raq Mosheq ma jamkho tiichhi kuqtaq kra phanphan haito.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.

Hebrews 8:5

Riita, ara chongtiikai mangjong hiq na siti ramwebi raq, Shiikeawe shomnoq honglu hongtan kewan jaqsham tlaq arka, ramungtan na Shiikeawe shomnoq honglu hongtan kewan jaqsham tlaq kra tsaiji nai kra sumla achan ikhli sitlo. Shiikeawe raq, Mosheq miimin la akhiisii hali dea chongkuqto. Mosheq raq Tongshong Chü jolitiip kra mihai pha shaq na, Shiikeawe raq Mosheq ma, “Liilaq, ngi raq ümniima hiqlam maq jamkho jolitiip jam sumla ka tiichhikuq kang, ira phan phan sürii laüta hai laq,” nguta aming kuqto.

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

Hebrews 9:9

Ara jolitiip maq shiiton raüta chongkuqtlaq arka, ümchaü pat na sitlaq ara miituli. Arka maiqse raq aphaq asea chang phan honglu hongtan kuq tlaq, kiimaq nyamse kra ta raüta kuq tlaq kra riika Shiikeawe shomnoqtibi tsan nai tsii ka kunkun siirairai ka tiisii kuq lot mak nguta chongtlo.