DUNGWVNC 25:8 - Hawa Naga Bible 2001

⁸ Miq htenc rueq ngvy tvkoc vsawc tap kuex m-guirx wuez shueq, kvkhoc ngoz ruiux ngaz kuex tsuingshiq rulc httax taungx.

ASII LAKDAP Bible (BSI)

⁸ Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 25:8 Referencias Cruzadas

1 HOKHVMX 6:13

Mnoz rueq guirx vshuiux Shomc Yuimx vyuq ngvy miqsaz Israel rulc vdvmz nuex httax taungx, tsuingshiq kuex mkaq muinz ngaz rueq httvr gay shaungx rvmuq,” ngoz tueq jungx tueq.

1 KAÜWA WERAÜ 22:19

Majuiuc Yehowa m-Tishox muex mthuinz mmungx nuiyc msiyac lotlaz maq nawk palx shuiuz. Shomc Yuimx kuex tvjvp guirx phaungc shuiuz, kvkhoc ngoz ruiux jix kvruex baung kvyuq Yehowa Bomkhvrc Jep nuiyc vpiq muex nawk palx nuex shuimc juing vganc vsawc phvnx hup vsvmx htenc kuex taq lvp shuinx,” ngoz tueq jungx tueq.

DUNGWVNC 15:17

Yehowa lex, mnoz rueq tsuinghez kuex gvl wvnc vtueq, mnoz httaz tvkoc thvl taq shec toq, mnoz rueq Shomc Yuimx guirx toq kanx kvyuq tvhttax shuiuz.

DUNGWVNC 15:2

Yehowa kuex ngvy kvwungx juing hungc vlaungc; vpiq kuex ngvy palc jix waz rvtueq. Vpiq kuex ngvy Tishox rvtueq, ngaz rueq vpiq kuex tvtsvmc shaungx, iwaz Tishox ningkhvnc nuex vpiq yungx luz yaq lvmz kuex ngaz rueq tvtsvmc shix taungx.

DUNGWVNC 29:45

Ngaz kuex Israel miqsaz rulc vdvmz httax vtueq, tsuingshiq Tishox muex yaungx taungx.

DUNGWVNC 29:46

Ngaz kuex Ejip mungx wawc tsuingshiq tvdungc shvlc wvnc jix tsuingshiq Yehowa Tishox rvtauk lvmz kuex, tsuinghez rueq tuiuz wvnc shuex ningkhvnc nuex ngaz kuex tsuingshiq rulc httax taungx. Ngaz kuex tsuingshiq Yehowa Tishox rvtauk.

ISAIA 12:6

Zion nuex httax jix miq htenc kuex guyc sez vtueq mshix ngoyx wuez kueq! Israel muex vsawc Tishox kuex yunghvlc, vpiq kuex vpiq miqsaz hvlwvl nuex httax naungx yaq,” ngoz tueq shic ngoyc vkhing httuiuc wvnc yaq.

EJEKIEL 37:26

Tsuingshiq tvkoc pattup kvwungx juing bomkhvrc kuex ngaz rueq tvhungx tauk. Ngaz rueq tsuingshiq kuex tec taq vtueq tvpux paung shaungx, tsuingshiq mungtan nuex ngvy Shomc Yuimx kuex pattup tv-phaungx ngaungx shaungx.

EJEKIEL 37:28

Ngaz rueq ngvy Shomc Yuimx kuex tsuingshiq vmungx baung nuex pattup taq ruiux yuq, ngaz Yehowa rueq Israel miqsaz htenc kuex ngvy miqsaz yaungx laz thvl wvnc tauk lvmz kuex miqphvnx htenc rueq tuiuz wvnc wuez shuex,” ngoz tueq jungx tueq.

EJEKIEL 43:7

“Vthueyc rvyaq miq lex, vruex kuex ngvy hoc daungraungc rvtueq. Vruex yuq Israel miqsaz rulc vdvmz httax vtueq tsuingshiq kuex pattup pat-sac guimz shaungx. Israel miqsaz htenc nuiyc tsuingshiq hokhvmx bix rueq vganc tishox htenc kuex nawk palx vtueq muinz, tsuingshiq hokhvmx bix maungx htenc vyuq luip vtueq muinz ngvy vsawc muingc kuex shummarc yek shuex rvmuq shex.

LEWI 10:4

Moshe rueq Arun waungx Uziel muex vsaz nueyc Mishael nuiyc Elzaphan kuex gvl vtueq, “Kaz luit, nuimshiq phuz vnox wanueyc maungx kuex vsawc Tap vwawc jerak phic nuex pix laq shuinz,” ngoz tueq nvr tueq.

LEWI 26:11

Ngaz kuex nuimshiq hvlwvl wawc ngvy vsawc tap nuex httax vtueq, nuimshiq kox wawc mkaq muinz kvwek wvnc taungx rvmuq.

LEWI 4:6

Piq yaukshix kuex tvguiy kvyuq thuimc vtueq vsawc baung tuk juing vjuinx khvymvnz max kvyuq tvguiy maq lauk mvshix mbuit shueq.

JEKERIA 2:10

Yehowa rueq, “Yerusalem ghaq wuinz lex, vkoz vkez maq shix ngoyx wuez kuinz! Nuimshiq vmungx baung kvyuq httaz tvkoc ngaz kaz vraungx!” ngoz tueq jungx tueq.

JEKERIA 8:3

Ngvy vsawc ghaqyungx Yerusalem nuex yek waung vtueq kvyuq httax taungx. Kvruex ghaqyungx kuex tvmtuing vhttax ghaq muex yaungx wvnc vtueq Tvphaungc Tvsuip Yehowa ghaqluimx kuex vsawc ghaqluimx ngoz tueq ngoz shuex.

WEAWEA 5:3

Ngvy phvnx miq rulc vdvmz ngaz httax vtaungx jerak kuex shuy shac muq tvkoc nawk palx htungx maq sawc muq jix miq htenc kuex jerak phic nuex yurc gay rax,” ngoz tueq jungx tueq.

Acts 7:44

“Naungshiq jix vwaz tamx tsuingshiq rulc Tishox httax yaq Tap kuex kumtsvy tvnx wawc lvp tueq. Tishox rueq Moshe muex jungx tvkhic wvnc tueq rulc rv-ngvlc tap kuex tvhungx guirx tueq.

2 Corinthians 6:16

Tishox shomc yuimx kuex yac yuimx rulc yvmx khoc lac thuinz rungx raz naungx lot tvnx? Yvmx khoc lac ngoz ruiux lec naungshiq kuex vtvraungx httax yaq Tishox shomc yuimx rvtiq! Tishox rueq, “Ngaz kuex ngvy miqsaz htenc nuex ngvy yuimx tvyaungc vtueq, tsuingshiq nuex httax taungx; Ngaz kuex tsuingshiq Tishox rvtauk, tsuingshiq muinz ngvy miqsaz htenc yaungx tuex,” ngoz tueq jungx tueq.

TRI CHONGKE 12:11

Yehowa rueq vpiq muex nawk palx juing baungshiz nuex dvyx thvl taq shec tueq; kvruex baung kvyuq ngaz rueq nvr phaungx rulc rv-ngvlc nuimshiq rueq wvr maq jauk shomc nawk kuy juing nuiyc vganc maq shomc nawk kuy juing htenc, nuimshiq mvnz rokshiz wawc mvnshiz nuiyc shomc kuy juing htenc, Yehowa muex vkhvmc kuq yauk noalc htep htenc kuex lvmc lvy rax.

Hebrews 3:6

Christu kuex Tishox yuimx guimz jix Vsaz ikhoc maq tvmtuing httax yaq. Naungshiq khvmc thuinz httax vtueq miqmac rueq thuinz tvluimc vshix phvnx muex kvmluimx thuinz httax ruiux yuq kuex kvruex yuimx kuex naungshiq rvtiq.

JOSHUA 22:31

Shomc waz Eleazar saz Phineha rueq tsuinghez muex, “Yehowa kuex naungshiq rulc vdvmz httax yaq kuex majuiuc tuiuz lvp vshix. Nuimshiq rueq vpiq muex khawx lvlx muit nuiyc Yehowa rueq murx tvgurc juing wawc muinz Israel miqsaz htenc kuex palc wvnc tuit shex,” ngoz tueq jungx tueq.

Revelation 21:3

Ngaz rueq hoc daungraungc maq jungx yaq kvjaz yunghvlc vshiz tay tauk kuex: “Majuiuc Tishox kuex miqsaz rulc vdvmz nuex httax yaq! Vpiq kuex tsuingshiq rulc vdvmz nuex httax tuex, tsuingshiq kuex vpiq miqsaz muex yaungx wuez tuex. Tishox vpiq shauk pumz kuex tsuingshiq rulc vdvmz nuex httax vtueq vpiq kuex tsuingshiq Tishox muex yaungx tuex.