“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.
DUNGWVNC 13:9 - ASII LAKDAP Bible (BSI) Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto. Hawa Naga Bible 2001 Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx. |
“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.
Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”
Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto.
Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.
Ara poi klo tiikai arka nashiq ma tsan na tiitsang wan miitu, najaq dang na jaqkhaq raü atiipakuq ikha. Riimakla nashiq khakam na apaq ikha sitlo. Ara lümaq nashiq raq tsan na tiitsang wan tiikai Tatiwe raq apaiq ningkun jonghea maq nashiq ka Ejip mung wa tsuq wanto nguta takwan tiikai.’”
Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.
Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.
Ise lei, nyan phaqchi nai taksma tsii ka, pharang rang maq khon laq. Ümtiikii jiimin naq thaq kiq.
Kiijaq atsan mong na, liq maq ahiip ikha mitsi kra sap mak riito. Apaiq ka wushi tsii na minrai tlaq ikha; apaiq raq arilung thum chang miraq nguta sapmak riito.
Ümtsantsii maiq ahin ma naqkuq kiq, kilü wiita ashaq riilaq, Ngi arli she ümkhuk na pom wantlii riilaq. Ümlungwii tsamkü walü ikha, ümnaq ro raq ngi ka ahaüshe ahata, Arka tsekhi wacha kü tsi ikha, walü wa heng hea.
Kra ranaiq akhing na Tatiwe raq nepjasai kaü jonghea kiimaq henghea sihea kra sham raüta khamjong chum na siti prenkaü jonghea, akap atsea, akom alom aphe aphiiq chlaikaü ikha khumtlaq ngamthaiq kaü kra misebaiq.
Ajong Pinthum Tatiwe ka ningkun aheng maq pengkai kitlo, apaiq raq ada wan maiqse thun ka apaiq rai sheaho raüta.
“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”
Jerusalem lei, Ngi raq ümniika ümkhiiriitii jiimin laqbaiq mang! Ngi raq ümmang ka ijaqphi na waiq thükang she:
Tiidolaq, Tatiwe lei, laüta naishiq khrumlaq! Ümningkun shoqlaq laüta naishiq tiichhiilaq; richü pat na jamkho shoqlaü kiikha shoqlaq. Man na ümniiraq jungrükaü Rahab bunlak chumbaiq laü ihata.
Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”
Tatiwe raq Juda mung Hokhamwe Jehoiakim se Hokhamwe Jehoiachin ma nguto, “Ngi ka tengteng atra Shiikeawe kha maq, ümniika arangho ijaqtop jaqtsi nü na apaha li nguraü min, ngi raq ümniika ijaqshi wa achhut mirbaiqha.
“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.
Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?
Ara kheani nyamtu paqtlan thun arka namshiq ma tsan na tiitsang shat thü wan miitu miraq. Ara chhitlan akhingtek na, namtsan na Ngi raq akuqha aming thun kra mitiitsang han. Lanta kra aming thun ka milang han. Kra riihanla namshiq ka iwokhong wa ahin na juho man mirhan. Kiimaq namshiq raq athithi lam phan na kiimaq namshiq raq aroro lam phan na kiho man mirhan.
Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.
Asii bomtsi niika, “Shiikeawe raq achongkuq tsütsa bomtsi ka, ümtho niishe. Ümniiraq ümnübok maq bomtlaü kra. Kiimaq ümmong jii na asi she,” nguta chong tlo. Arka naishiq raq chong kuq tiikai akamsea chang, Shiikeawe tsütsa ahea ara nangnga ngutlo.
Riimak, kiikhiika riimak. Arka arjaq ümniirai asi ahata. Ümniiraq asap haü kata. Kiimaq ümnümaq kra bomtsi ka mibliiq bom lot haü. Krai mren, ümchaü ümniiraq kra langlaq.
Üm tsan na tiitsang laq, man na ümniika Ejip mung na di ma jalaüta silaü. Kiimaq Ngi, Tatiwe üm Shiikeawe raq iningkun henghea maq nai ihong ila maq ümniika tiichhii wan kang. Kra ningkhan Ngi raq ümniima Asii Niitiitsak Ranaiq ka langlaq nguta ümniima aming kuq tiikang.
Kra nguraüla, tsangshiq ma akha chongkuq rong laq, ‘Nashiq ka Ejip mung hokhamwe dikong siwan kai. Kriiwa Tatiwe raq nashiq ka apaiq ningkun henghea kriimaq tiichhii kuq wanto.
Arthun ka ümjaq dang na paq shat thülaq. Kiimaq tsan na tiitsang miitu ümkhakam na pashat riilaq.
Arkha na apaiq phaqti thawa misaü, ranaiqshi niili chongthum mirngaü, thawa, maaho, ramdong misaü. Apaiq ka chongthum wa raq mikhiim baiq wan, Apaiq kha phoketi Tati Shiikea Ajong pinthum!”
Tsangshiq raq Tatiwe, tsangtitiim Shiikeawe, tsangtitiim ka Ejip mung wa tsuq wan raüta shunshea wanti Shiikeawe shomnoq ka athaq she riibaiqto. Raüta tsangshiq raq phra ahin thun kriishe shomnoq wanto. Tsangshiq tro na sitinok phrakong kriishe shomnoq hoto. Tsangshiq ka kra phrakong khaki niishe bum wanto. Raüta Tatiwe tsan ka tiikhiqto.