ISAIA 27:1 - ASII LAKDAP Bible (BSI)

¹ Kra ranaiq akhing na Tatiwe raq nepjasai kaü jonghea kiimaq henghea sihea kra sham raüta khamjong chum na siti prenkaü jonghea, akap atsea, akom alom aphe aphiiq chlaikaü ikha khumtlaq ngamthaiq kaü kra misebaiq.

Hawa Naga Bible 2001

¹ Kvruex raungnuiyq Yehowa rueq rvhtuic rvnungx kvgot bumx yaq yungrex Lewithan muex murx tvgurc tvkoc muinz, svmuktvrax mungx nuex httax yaq pvren kuex thvy gay tvkoc muinz vpiq luimc vkawc maq tvthueyc lot yaq yaung kuex shuimx shuex.

ISAIA 27:1 Referencias Cruzadas

YOBA 26:13

Apaiq tsitsü hea raüta ra ka khangriri hea tiijato, kiimaq ajaq maq ngorokaü ka ajuho wa tsatto.

YOBA 3:8

Awuq alongti ma kra ranaiq ka tiison laq; khamjong chum na siti ngorokaü khatibi raq mison laq.

YOBA 40:19

Ngi raq phansang kang phong wa awang chang ngamse! Apaiq Phansangtiwe riili apaiq ka mitang.

YOBA 41:1

Ümniiraq Lewiathan ka pun maq mipun lot haü shea riimakla atili na raü maq mikha lot haü shea?

Tvtsvmc 104:26

Khamjahat thun kiijaq jiiq raüta khumtlo, kiimaq chum na ngamthaiq ngorokaü Lewiathan ümniiraq aklohaü khumtlo.

Tvtsvmc 45:3

Ümnepja hi ka wilaq, ningkun jonghea hokhamwe lei; ümkhushü ka jonghea kiimaq ümngao ka jonghea.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 51:9

Tiidolaq, Tatiwe lei, laüta naishiq khrumlaq! Ümningkun shoqlaq laüta naishiq tiichhiilaq; richü pat na jamkho shoqlaü kiikha shoqlaq. Man na ümniiraq jungrükaü Rahab bunlak chumbaiq laü ihata.

ISAIA 65:12

Namshiq ma ningthoi ranaiq saü raüla miqchup thumsaq mitsai han. Jamkhano ngukla Ngi raq namshiq hea wan kang ranaiq namshiq raq ibom tre mangdea riilan. Kiimaq namshiq rai bomdam phata namshiq raq ibom tre riiman riilan. Namshiq raq ikiq khii wan khoti sru rii wan lan. Lantea abi ati khoti klowan lan.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

ISAIA 66:16

Watu nai nepjasai maq apaiq raq mangjong hiq na siti ashut maiqse thun kriima mo mitiiho. Kiimaq maiq pahea atsea mirbaiq.

JEREMIA 47:6

Namshiq hoq trangtlan, ‘Tatiwe nepja! Ümtincho na saüli wa maiq ka mijiipbaiq haü? Ümhiqmong niishe jap wa nongkiq, laüta kiijaq silaq kiimaq ümnii tiitsak ngalaq!’

JEREMIA 51:13

Kra mung na jürai pahea asi. Kiimaq tsiiqtum pahea asi. Shatmaq apaiq pat ka thumto she. Apaiq tsitsü raüchong ka ümchaü chum baiqto she.

JEREMIA 51:34

Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

EJEKIEL 29:3

Tati Rakaü Hiqwe raq Ejip mung hokhamwe ma ara chongkuqtlo nguta chonglaq: Ngi ka ümniima wesang. Ümniika chlaikaü abi thawe. Ümniika jümong na sitlaü. Ümniinga Nail rai ka ümrii kiimaq kriika ümniiraq aphan sang haü ngutlaü.

AMO LUIK DVP (AMOS) 9:3

Tsangshiq ka Karmel pum na tiipaü wa raü min, kriiwa rit wa lata mitiidongho ha. Kiimaq tsangshiq ka imakki wa, khamjong chum mong na, tiipaü nyapwa raü min, kriiwa prenkaü ma mitiikaq ha.

Revelation 12:3

Kiimahali, rawang win na pinthum awang chang ashi hali tiijiki nongto. Kiijaq shiiroro prenkaü jonghea jonghea ashi chhikang. Akhupo ka miishi. Kiimaq arong ka roqshi. Kiimaq akhupotek na hokham khuphok phok raqraq riito.

Revelation 13:11

Kiijiishe, ngi raq mangjong hiq mong maq adong wan ngamthaiq kaü ashi hali chhi nong kang. Kra kaü rong ka anai. Arong ka Skuse rong ikha. Abom ka prenkaü bom ikha bomtlo.

Revelation 13:4

Wiitarü raq prenkaü ka shomnoqto. Jamkhano ngukla, apaiq raq sammoktra jü mong wa adong wan ngamthaiq kaü ma, apaiq arang ho tlaq kra triisha kuqto. Tsangshiq raq jü mong maq adong ngamthaiq kaü kriimin shomnoqto. Tsangshiq nü maq akha abom lam maq shomnoq wanto, “Ara jü mong maq adong ngamthaiq kaü atinkhan ka juwa sitla? Ara ngamthaiq kaü arka juro mirkhat lot?”

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.

Revelation 17:15

Kra rase raq ngi ma hali chongnongto, “Ümniiraq mephe nyung ngachang kham chhilaü kra ka maiqmung thun, maiq phong khunyaq khukhi, maiq phan thun, kiimaq maiq bom ümchuwa sitlaq thun khunyaq khukhi athung tiirai kra chhitlaü.

Revelation 19:21

Tsangshiq phenlabi ümchuwa sitlaq kriika nepja, kumrang thaq na chaoti nübok maq dong tlaq kriimaq jiip baiqto. Kiimaq krai mren wushi ümchuwa sitlaq kriiraq, tsangshiq ngam ka ümchuwa atang tang phesiqto.

Revelation 2:16

Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.

Revelation 20:2

Rase raq prenkaü ka khahoto chhikang. Apaiq ka richü pat wa paükaü kra. Apaiq mang ka Thawe riimak la Soitan ngutiimin ngutlo. Rase raq apaiq ka jinraü maq tep khato. Raüta rase raq apaiq ka hiqkhobok jonghea acha ahü linlii mong kiina tiidea baiqto. Raüta kilü ka shaq raüta sil maq phan baiqto. Thawe ka kra hiqkhobok jonghea acha ahü linlii mong na rawii hingshi phaqtek na tiikhashat misi. Kiimaq kra liipan na apaiq raq maiqse angu mangjong hiq wiika lao lot mak she miraq. Kra rawii hingshi phaqtek na shaq jai she, apaiq ka jaqlo miitu adii baiq chang midongki nong.