PHOWEBI 2:12 - ASII LAKDAP Bible (BSI)

¹² Tsangshiq raq Tatiwe, tsangtitiim Shiikeawe, tsangtitiim ka Ejip mung wa tsuq wan raüta shunshea wanti Shiikeawe shomnoq ka athaq she riibaiqto. Raüta tsangshiq raq phra ahin thun kriishe shomnoq wanto. Tsangshiq tro na sitinok phrakong kriishe shomnoq hoto. Tsangshiq ka kra phrakong khaki niishe bum wanto. Raüta Tatiwe tsan ka tiikhiqto.

Hawa Naga Bible 2001

¹² Ejip mungx wawc tsuingshiq shvlc wvnc jix Tishox, Yehowa tsuingshiq jix vwaz tamx Tishox muex nawk palx lvmz kuex tuip gay ruiux, tvroz wawc miq htenc rueq nawk palx wuez yaq vganc tishox htenc kuex nawk palx wuez tueq. Tsuingshiq kuex bumx vtueq nawk ningkhvnc nuex, Yehowa thuinz tvkhaq wuez tueq.

PHOWEBI 2:12 Referencias Cruzadas

Tvtsvmc 106:36

Shiikeawe senginok raq sumla thun noqto, arkha na tsangshiq thenjen wanto.

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:16

Ara poi klo tiikai arka nashiq ma tsan na tiitsang wan miitu, najaq dang na jaqkhaq raü atiipakuq ikha. Riimakla nashiq khakam na apaq ikha sitlo. Ara lümaq nashiq raq tsan na tiitsang wan tiikai Tatiwe raq apaiq ningkun jonghea maq nashiq ka Ejip mung wa tsuq wanto nguta takwan tiikai.’”

DUNGWVNC 13:3

Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 13:9

Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

TRI CHONGKE 13:5

Shatmaq rawa ma liichum chongketi ka atsea riibaiq ronglaq kiimaq namshiq ka Ejip mung na maiqdi kong asi han wa, dokda wanti Tatiwe wokhong wa dongholaq nguta, namshiq ma chongketi ka atsea riibaiq ronglaq. Akhnok maiq arka abi pinthum. Akhnok maiq raq ümniika Tatiwe aming wokhong na silaüta rilung lam phantlaü kiiwa lamjiq nü na sheaho dantlo. Apaiq ka atsea baiq raa dongdii. Ara abi kiimung arwa ümniika traishat siraatlo.

TRI CHONGKE 29:18

Tsan na atsi dada maq ümchaü ranaiq arjaq ümchu wa chap tlan, kriiwa, juwe riimin, junyung riimin, juta riimin, riimakla juwe raü riimin, Tatiwe nashiq Shiikeawe wokhong wa dongho raüta maiq mung ahinti thun sumla phra kong kra shomnoq ho raamak. Akhla riihaüla, pecham arang ka akhapwiq kiimaq maiq chok chang phan pechong ma jong wan tlaq ikha miraq.

TRI CHONGKE 29:25

Kiimaq kra bomtre ka akha miraq, ‘Arka Tatiwe senginok raq, tsangtitiim Shiikeawe raq, tsangshiq ka Ejip mung wa shea wantaq akhing na, tsangshiq rai tongshong raüta tri thü wantaq kra jinbaiq wan kha na tiithen baiqto.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

TRI CHONGKE 33:17

Joseph ningkun jong ka minsaü pongwe alai lamhü hong ikha, Rum na siti minsaü pongwe rong wiinai ikha, Apaiq rong wiinai ka Manase phan sreabi ahing amun hongla Kiimaq Ephraim phan sreabi hingroq shi hongla. Tsangshiq lümaq apaiq raq maiq mung thun tlat tiichhat thaütlo Kiimaq tsangshiq ka ratho rapha na saüli jobaiqtlo.”

TRI CHONGKE 4:25

“Kiimaq namshiq ka kra mung na shong wan jai rawii luhea siwan jai niimin, lanta namsetiim kiimaq namsaütiim pat niimin, namshiq raq maiqmii miitu jamlai phan sumla li jiimin hai lanta ngarai naq tang rongkiq. Arka Tatiwe makki na abi jong hea. Kra klo hanla apaiq ka namshiq ma tsankhiq miraq.

TRI CHONGKE 5:9

Jamlai phan sumla jiimin bum lanta noqkai maimak. Kiimaq shomnoq raa mak. Jamkhano ngukla Ngi arli üm Tatiwe üm Shiikeawe. Kriikha maq Ngi rai riilongti thun ka Ngi raq ninlot mang. Ngi raq Ngi ngengtibi ma mo tiiho tiikang. Kiimaq tsangsetiim kiimaq tsangsaütiim pat na saüli maiq pat patblai na saüli mo mitiihoha.

TRI CHONGKE 6:12

Kra akhing na namtsan na tiitsang dada thüshat ronglaq, namshiq raq Tatiwe, namshiq ka Ejip mung na dikong sitlan kiiwa dokda wantiwe kra naq laq rongkiq.

PHOWEBI 10:11

Kiijiishe Tatiwe raq tsangshiq bom ka akha treto, “Ejipnok raq, Amoraiqnok raq, Ammonaiqnok raq, Philistainnok raq,

PHOWEBI 5:8

Kiitiika mung na re dongto, kiitiikaq Israil raq phrakong anye tseato, Israil mung wa rewe hingroqblai raq, weshi ra raq liiq riimakla, piq lamho tiishea?

PHOWEBI 8:33

Gideon tsaijai maq Israilnok raq Shiikeawe lamphan ka alaq she riibaiq nongto. Raüta tsangshiq raq Baal phra thun ka shomnoqho nongto. Tsangshiq raq Tongshong Baal phra ka tsangshiq phrakaü ma tiija raüta shomnoqto.