DUNGWVNC 13:9 - Hawa Naga Bible 2001

⁹ Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

ASII LAKDAP Bible (BSI)

⁹ Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.

DUNGWVNC 13:9 Referencias Cruzadas

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Tvtsvmc 136:11

Israel miqsaz htenc kuex Ejip mungx wawc vpiq rueq shvlx wvnc tueq; vpiq lungwawc kuex pattup httax yaq;

Tvtsvmc 136:12

vpiq hungc vlaungc httaz hvlc yauk, vpiq luimc vkawc mvrc yaq yauk phumz maq tsuingshiq kuex shvlx wvnc tueq; vpiq lungwawc kuex pattup httax yaq.

Tvtsvmc 89:13

Mnoz kuex luimc vkawc yunghvlc waz rvtoq nyix! Mnoz hungc vlaungc kuex yunghvlc mvnauz!

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 12:41

Wawc 430 mvrc tueq raungnuiyq kvkaq Yehowa miqsaz htenc rvtueq miqphvnx lotlaz Ejip mungx maq dung wvnc wuez tueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:16

Vkhoc ruez vshix kuex m-yauk nuex tvtsuingc juing hakhix nuiyc mkhaungx nuex vmenc taq tvtsuingc juing hakhix ikhoc, Yehowa luimc vkawc yunghvlc maq naungshiq Ejip mungx wawc tvdung shvlx wvnc phuex kuex honc tvsvmc tvkoc rvtueq,’ ngoz tueq jungx shuiux,” ngoz tueq.

DUNGWVNC 13:3

Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

TAKSU LAK 1:9

Tsuingshiq rueq tvluing kuq kvjaz htenc kuex mshvmx tvsvp rvp yaq khux phop nuiyc duingx nuex luiuz juing luek tumx ikhoc mnoz honc vyaungc kuex hvlx laq juing tvsvp rvp kuq kv-phux.

TAKSU LAK 3:21

Isaz lex, mnoz taksux tharc nuiyc thuinz kvmungx tharc kuex httax kuiuz. Kvruex htenc kuex mnoz wawc mkaq muinz nauk httvr gay kaz.

TAKSU LAK 7:23

piq kuex huingc rvhek maq yalxjuik nyuiuz yix nuex phvnx wvnc vshuex. Piq kuex phex mungx nuex baz nyuip wvnc tueq wushawx ikhoc rvtueq, piq rullungx kvhiz juing lvmx kuex piq rueq tuiuz muq.

ASHICHONG 8:6

Ngaz maq lvy vtueq ukhaq muinz nauk lungwawx kaz; ngaz maq lvy vtueq vganc ukhaq muinz nauk bvmc kaz. Lungwawc thuinz kuex vthueyc vmvy ikhoc luimc vkawc yunghvlc rvtueq; rvlungc rvwawc thuinz kuex wulumx mungx ikhoc hung-laungc httaz hvlc. Kvruex kuex huingc rvhek laz maq luic vtueq, wvrluic luic hvlc rueq ikhoc khamc gay yaq.

ISAIA 27:1

Kvruex raungnuiyq Yehowa rueq rvhtuic rvnungx kvgot bumx yaq yungrex Lewithan muex murx tvgurc tvkoc muinz, svmuktvrax mungx nuex httax yaq pvren kuex thvy gay tvkoc muinz vpiq luimc vkawc maq tvthueyc lot yaq yaung kuex shuimx shuex.

ISAIA 40:10

Johvlc Yehowa kuex luimc vkawc maq guimz lawc muex httuiuc kaz yaq, vpiq rueq palc wvnc tueq miqsaz htenc kuex vpiq rulc vdvmz shvlx laq yaq.

ISAIA 44:5

“Miq htenc kuex vshiz maq vshiz rueq, ‘Ngaz kuex Yehowa miq rvtauk,’ ngoz tueq kv-ngoc wuez tuex. Tsuingshiq kuex Israel miqsaz rulc rvhumc henc tvkoc httuiuc kaz tuex. Tsuingshiq yauk phumz htenc nuex Yehowa muingc kuex tvtsuingc ruiux, miqmac pumz kuex Tishox miq vshiz ikhoc kvmuingc tuex.”

ISAIA 49:16

Yerusalem lex, ngaz rueq mnoz kuex mkaq muinz lauk gay lot mauk! Ngvy yauk phac nuex mmuingc kuex wuiyq shec tauk.

ISAIA 51:9

Yehowa lex, kvsvmc vtueq nuiyshiq muex romc kuq koq! Mnoz luimc vkawc maq nuiyshiq kuex palc wvnc koq; kvsvmc vtueq mvnnuex pat nuex rvtoq ikhoc rvshuiuz. Svmuktvrax yungrex Rahab kuex tvhtaq tvruk jumc gay jix kuex mnoz rvtoq.

ISAIA 59:21

Kvmaq nuimshiq rulc bomkhvrc tvhungx shaungx: ngaz rueq nuimshiq muex ngvy luimc vkawc nuiyc ngaz rueq tvluingc kuy lvmx htenc kuex kuq shec phaungx shex, majuiuc vmaq phaungc vtueq nuimshiq nuiyc nuimshiq sahez nuiyc nuimshiq suiuz vsaz htenc rueq mkaq muinz phvnx wuez shuinx,” ngoz tueq.

JEREMIA 22:24

Yehowa rueq Yuda Hokhvmx Jehoiakim saz Hokhvmx Jehoiachin muex jungx tueq, “Ngaz kuex vsuing vtvraungx Tishox rvtauk, mnoz kuex ngvy yauk keq kox wawc tvsik yauktop rvtoq yuq muinz, ngaz rueq mnoz kuex put vtueq tuip gay phaungx,

DANIEL 9:15

“O Taungjix nuiyshiq Tishox lex, mnoz rueq mluimc vkawc tvkhic vtueq mmiqsaz kuex Ejip mungx wawc shvlx wvnc toq ningkhvnc nuex mluimc vkawc kuex majuiuc nuex httuiuc laz rvwvl hvt. Nuiyshiq rueq mvrax yaq tiq; nuiyshiq rueq vyaq shuimx gay tiq.

Yoel 2:11

Yehowa rueq vpiq nolaungx daungx kuex raungmuk ikhoc maq nvr tueq. Vpiq kvjaz tay jix nolaungx daungx htenc paunghvlc nuiyc hungc vlaungc httaz hvlc rvtueq. Yehowa raungnuiyq kuex vtanc khvnc kvhiz juing doc lac! Ukhaq lac tvraungx lot tvnx?

WEAWEA 15:39

Nuimshiq rueq puic tuz htenc kuex khiz shuinx ruip rawx ngaz rueq jungx phaungx htenc kuex rvwvl tvmaung vtueq phvnx shuinx; kvkaq nuimshiq rueq ngaz kuex tuip gay ruiux miqmac thuinroc lvmx kuex phvnx shuinx rvmuq shex.

Matthew 23:5

Tsuingshiq rueq shuimx yaq yauk shuimc phvnx ruip saz kuex miq rueq khiz laz juing ngoz tueq shuimx yaq. Tsuingshiq khaungx nuex nuiyc yauk phumz nuex rumvrc bomc poz vwuiyq tvkop taq hanphax phux yunghvlc hvlc tvhungx guirx vtueq paungc yaq kuex lawc shuinz! Tsuingshiq svmhung hungyungx htenc nuex vnac wuinx kuex loayc hvlc hvlc raz tueq tvwuirx wawz kuk svmx yaq.

Romans 10:8

Vsawc luik nuex vkhoc jungx tueq: “Tishox bomjungc kuex mnuix, mthuinz vmungx nuiyc mhep nuex httax yaq,” ngoc rvtueq. Nuimshiq muex nuiyshiq rueq jungx kuq vphix bomjungc vruex kuex Tishox muex kvmluimx juing lvmx nuex seng yaq tvrac rvtueq.

TRI CHONGKE 30:14

Rvmuq, kvruex kuex vyuq nuimshiq rulc vdvmz httax yaq. Nuimshiq rueq tuiuz yaq, nuimshiq rueq wvllawc lot yaq, kvkhoc rvtueq majuiuc nuimshiq rueq phvnx wuez shuinz.

TRI CHONGKE 5:15

Nuimshiq kuex Ejip mungx nuex dax muex yaungx wvnc tuit nuex Ngaz, Yehowa nuimshiq Tishox rueq luimc vkawc httaz hvlc maq nuimshiq tvdung shvlx wvnc phaungx kuex rvwvl wuez shuinz. Kvkhoc rvtueq Vguilc Raungnuiyq kuex phvnc tvhungx tvkoc ngaz rueq nuimshiq muex nvr vphaungx.

TRI CHONGKE 6:21

vkhoc jungx kuq shuinz, ‘Naungshiq kuex Ejip hokhvmx kox nuex dax muex yaungx tiq wawc Yehowa rueq vpiq luimc vkawc httaz hvlc maq naungshiq kuex palc wvnc phuex.

TRI CHONGKE 6:6

Majuiuc raungnuiyq nuimshiq muex ngaz rueq kuq vphaungx tvrac htenc kuex mkaq muinz nauk lauk kaz.

TRI CHONGKE 6:8

Kvruex htenc kuex rvwvlc tvmaung lvp tvkoc nuimshiq yauk phumz nuex muinz, khaungkuimx nuex muinz khvrc tvy shec rax.

Revelation 18:8

Vkhoc lvmz ningkhvnc nuex vthuiuz vsac thuimkux, vyonz vyex thuimkux, khvmx vrvmc thuimkux htenc kuex piq htauk nuex raungnuiyq shiz nuex dvyx httuiuc wvnc tuex. Piq kuex wvr maq juiuz gay rvhumc tuex, yvmx khoc lac ngoz ruiux lec piq muex phoc kuy jix Taungjix Tishox kuex hungc vlaungc httaz hvlc rvtueq,” ngoz tueq jungx tueq.

PHOWEBI 2:12

Ejip mungx wawc tsuingshiq shvlc wvnc jix Tishox, Yehowa tsuingshiq jix vwaz tamx Tishox muex nawk palx lvmz kuex tuip gay ruiux, tvroz wawc miq htenc rueq nawk palx wuez yaq vganc tishox htenc kuex nawk palx wuez tueq. Tsuingshiq kuex bumx vtueq nawk ningkhvnc nuex, Yehowa thuinz tvkhaq wuez tueq.