ASHICHONG 8:6 - ASII LAKDAP Bible (BSI)

⁶ Ümtsantsii maiq ahin ma naqkuq kiq, kilü wiita ashaq riilaq, Ngi arli she ümkhuk na pom wantlii riilaq. Ümlungwii tsamkü walü ikha, ümnaq ro raq ngi ka ahaüshe ahata, Arka tsekhi wacha kü tsi ikha, walü wa heng hea.

Hawa Naga Bible 2001

⁶ Ngaz maq lvy vtueq ukhaq muinz nauk lungwawx kaz; ngaz maq lvy vtueq vganc ukhaq muinz nauk bvmc kaz. Lungwawc thuinz kuex vthueyc vmvy ikhoc luimc vkawc yunghvlc rvtueq; rvlungc rvwawc thuinz kuex wulumx mungx ikhoc hung-laungc httaz hvlc. Kvruex kuex huingc rvhek laz maq luic vtueq, wvrluic luic hvlc rueq ikhoc khamc gay yaq.

ASHICHONG 8:6 Referencias Cruzadas

1 KAÜWA WERAÜ 11:18

Kra nolajong wetsam ka Philistainnok piitiip mong maq ahukse maq nyap wan raüta Bethlehem na khamchum kiiwa kham ka khuwato. Raüta Dawit ma kuqhoto. Shatmaq apaiq raq kra kham ka nyangmak dea riito. Apaiq raq nyang rii na Tatiwe ma honglu na raükuqto.

Tvtsvmc 120:4

Phenla liqsinkii phong sihea kiimaq, wachan shiiroro nyai tlaq kriimaq mo mitiiho!

Tvtsvmc 63:1

O Shiikeawe lei, ümniika i Shiikeawe, kiimaq ngi ka ümniima rantiikang. Ngi ka ikhum wiita kuqlata ümniirai sirohea; shinriiqriiq, hiqsiithung, kiimaq kham ahü hiq ikha, itsaiji ka khamnyang tsihea maq ümnaq rittlo.

Tvtsvmc 84:2

Ngi kiijaq si kai lungwiitiitang! Ngi Tatiwe jam na si kai lungwiitiikang. Ikhum wiita kuq lata atra Shiikeawe ma chochi ma shingetiikang.

DUNGWVNC 28:21

Ara longseng po thun armong niika Jakob setiim weroqshi ri wenai mang thun ka longseng poshi mong na weshi shi mang khat waiq raüta shaqbaiq chang. Raüta Israilnok maiqphan thun kra mang chong la na sichang.

TAKSU LAK 25:22

Apaiq ka jeasitsi raq atsai miraq, kiimaq Tatiwe raq, ümniima poksi mikuq.

TAKSU LAK 6:34

Apewe tsankhiq ka walü wa ikha miraq, kiimaq apewe raq ajaqtiwe jam ka midaqki.

ASHICHONG 5:8

O Jerusalem nyungre lei, namshiq raq itawe ka chhilan jiila, ngi ka apaiq ro raq atsai nguta, apaiq ma chong rongliijo.

ISAIA 49:16

Jerusalem lei, Ngi raq ümniika ümkhiiriitii jiimin laqbaiq mang! Ngi raq ümmang ka ijaqphi na waiq thükang she:

JEREMIA 22:24

Tatiwe raq Juda mung Hokhamwe Jehoiakim se Hokhamwe Jehoiachin ma nguto, “Ngi ka tengteng atra Shiikeawe kha maq, ümniika arangho ijaqtop jaqtsi nü na apaha li nguraü min, ngi raq ümniika ijaqshi wa achhut mirbaiqha.

HAGAI 2:23

Kra ranaiq akhing na, o ijaqshise Jerubabel lei, ngi raq ümniika imang na mung rüm wan miitu tuwe jong miishe mishong wan ha. Ümniika ngi raq ijaqshise ma tsea wan kang she.” Arka TatiNingkun Ajong Pinthumwe raq ngutlo.

JEKERIA 3:9

Ngi raq Joshua khaki na long ashi, amak pomiishi asi thü tiikang. Lata ara long na phanshi ra bomtsi mitokha. Kiimaq ranaiq shi niili armungti ngarai ka mipibaiqha.

WEAWEA 25:11

“Phinehas raq jaqsham ahea klo kha maq, Ngi ka Israilnok ma itsan tiikhiq mang she. Apaiq raq laihin phra shomnoq ka pinthum ninlot mak Ngi li shomnoqtlo. Kra ningkhan tsangshiq ka itsan khiq li jiimin, Ngi raq tsangshiq ka tiijiimbaiq mang dea riikang.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Romans 12:20

Kra rii na, Asii bomtsi na, “Namshiq jaqti we ka amang, aramtsi jiila, dung tiisiq ronglaq. Apaiq ka letsi jiila, kham tsümkuq ronglaq; namshiq raq akha shiili han jiila, apaiq ka ajiasi raq atsai miraq,” nguta chongtlo.

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.