DUNGWVNC 12:14 - ASII LAKDAP Bible (BSI)

¹⁴ Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

Hawa Naga Bible 2001

¹⁴ Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 12:14 Referencias Cruzadas

2 HOKHVMX 23:21

Hokhamwe Josia raq mungmaiqse ma tongshong lakdap na waiqtaq kra phan phan Tatiwe tsangshiq Shiikeawe shreng ma Tiichhiiwan Poi ka lang wan ratlo nguta aming kuqto.

Tvtsvmc 111:4

Tati raq amao chang jaqsham wantaq thun ka nashiq ma tlaqbaiqmak phan; apaiq ka lungwiihea kiimaq tiihang wanti.

Tvtsvmc 135:13

Tatiwe lei, ümniika wranaiqshe Shiikeawe nguta chiiriim raüta michong; maiqpat wiita raq ümniika tsan na mitiitsang wan.

DUNGWVNC 12:17

Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.

DUNGWVNC 12:24

Namshiq nai namsetiim raq ara tri raütu arka pattup pat-sa lang ratlo.

DUNGWVNC 12:43

Tatiwe raq Mosheq nai Aron ma akha nguto, “Tiichhii Wan Poi thungtri ka arthun ara: Pongmungti raq ara Tiichhii Wan Poi dung ka phaqsea dam maimak.

DUNGWVNC 12:6

Kra raütiishe kra jipi wa jikham rablai ngo raji niishe, Israilnok mungmaiqse tlotli raq kra nyamse ka tachang.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 5:1

Kra raütiishe Mosheq nai Aron ka Ejip Mung hokhamwe phana kihoto. Raüta akha nguto, “Tatiwe, Israilnok Shiikeawe raq akha ngutlo ‘Isenginok ka tiiwalaq. Tsangshiq raq Ngi shreng ma kumtsaiphii rumnyangkhi wang na poi miklolaq.’”

EJEKIEL 46:14

Kiimahali bunwong wongwin ka kilogram anai ka litarshi olip tsai rai adam na shot raüta honglu na kechang. Riita Tatiwe ma ara honglu kewan tri arka pattup pat-sa lang wan ruq riichang.

LEWI 23:6

Raroqshi ri rabiingi angu ranaiq na Pi Maq Shohü Winsii Phaq Poi kra phahotlo. Kiimaq ramiishi na saüli namshiq raq pi maq shoje winsii ka phaqsea maimak.

JEKERIA 6:14

Kra hokham khuphok ka Tatiwe Shomjam na Heldai, Tobia, Jedaia, kiimaq Josia ma shreng manto tsan na tiitsang wan miitu misi.”

WEAWEA 10:8

Kra lerong wiinai ka Aron setiim, ramwebi raq tsü chang. “Arthun thungtri raütu arka pattup lang wan ruq riichang.

WEAWEA 15:15

Pattup pat-sa miitu, namshiq ma kiimaq pong mungti namshiq rai sidamtlaqti ma, thungtri ka raütu ka ashili. Namshiqnok nai tsangshiqnok ka Tatiwe maklii na adam siili.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 18:8

Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

Matthew 26:13

Ngi raq chongtiikang arka tengteng. Maiqse raq ara Tsütsa Ahea arka mangjong hiq na ümriibano trahokuq wantlaq kiijaq, ümchaü ranaiq arnyung raq ngi miitu jaqsham ahea shamkuqtaq armin, apaiq mang ka laq mak maq michong kuq dam.”

Luke 22:19

Kiimahali, apaiq raq winsii ka ashi tsunto. Raüta, Shiikeawe ma kechu tumto. Raüta kra tiiphanto, kiimaq kra tsangshiq ma ake lam maq akha nguto, “Arka i ngam phu. Namshiq miitu akuq. Ngi ka tiima lanta ara klo ronglaq.”

TRI CHONGKE 16:1

Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

TRI CHONGKE 6:8

Arthun ka ümjaq dang na paq shat thülaq. Kiimaq tsan na tiitsang miitu ümkhakam na pashat riilaq.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”

1 SAMUEL 30:25

Dawit raq arka tri miishe thüto. Krai mren, kra akhing miiphat she, Israil mung ara tri arka jaqkhon tiipha raüta lang wanto.