DUNGWVNC 12:15 - ASII LAKDAP Bible (BSI)

¹⁵ Tatiwe raq nguto, “Ramiishi na saüli namshiq raq pi maq joshe winsii ka phaq maimak. Pi maq shohü winsii kli phaq ronglaq. Apha wan ranaiq na namshiq jam wa pi ka tiisiirai lambaiq ronglaq. Kra ramiishi liipan na maiq ashi ra raq winsii ka pi maq shoje phaq raüla, kriiwe ka isenginok wa weshi nguta wea dam mak she miraq.

Hawa Naga Bible 2001

¹⁵ Yehowa rueq, “Nuimshiq rueq raungx mvshix tup wisiz maq vtvhungx wanx kuex nauk phauk kaz, wisiz lomx muq wanx dvyx phauk shuinz. Vphaungc raungnuiyq nuimshiq yuimx htenc wawc wisiz kuex lvmz gay wuez shuinz, raungx mvshix baunglaung vyuq wisiz maq vtvhungx wanx phuiuz jix ukhaq yuq muinz ngvy miq wawc tvdux gay rvhumc tuex.

DUNGWVNC 12:15 Referencias Cruzadas

RAPHA HIQWA LAK 17:14

Maiqwere jurwa athohan ka klomak dea, kriiti ka isengi riimak she. Jamkhano ngukla apaiq raq Ngi rai tongshong raükha athü wan ka lang mak dea.”

2 KAÜWA WERAÜ 30:21

Mung maiqse Jerusalem na thungtaqti raq Pi Maq Shohü Winsii Phaq Poi ka pinthum chojong chise maq kloto. Kiimaq Lewinok nai ramwebi raq tsangshiq ningkun wiita shoq raüta Tatiwe ka tiitsamkamto.

EJRA 6:22

Tsangshiq raq ara Pi Maq Shohü Winsii Phaq Poi arka, ramiishitup, shreng raüta, chojong chise maq lang wanto. Tsangshiq ka pinthum khoqriiq shishiiq miishe siwanto. Jamkhano ngukla, Tatiwe raq Asiria mung langti ajong hokhamwe tsantsii ka Israilnok khrumke wan miitu tiininja kuq wanto. Krai mren, apaiq raq Israilnok ka Shiikeawe Shomjam kra tiihea haiwan miitu khrum kuqto.

DUNGWVNC 12:8

Raüta kra rawa ngam ka wa na shechang, raüta rum wa sangjaq akhap wiq phan nai pi maq shohü winsii alum krai phaq chang.

DUNGWVNC 13:3

Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

DUNGWVNC 30:33

Kiimaq jurwa akha tel ka phoq tlaq, riimakla arwa maiq ahinti juwa ramwe riimakti khum na nyat kuq raüla, kriiti ka isengi nguta weamak she miraq.’”

DUNGWVNC 30:38

Maiq ashi ra raq maiqmii raq lang miitu ara niq riri homseng klo raüla, apaiq ka isengi nguta weamak she miraq.”

DUNGWVNC 31:14

Namshiq raq niitiitsak ranaiq ka lang raa dongdii. Jamkhano ngukla arka asii ranaiq. Jurwa ara ranaiq ka langmak maq minshiiq kitlaq, kriiti ka atseabaiq ratlo.

DUNGWVNC 34:18

“Pi Maq Shohü Winsii Phaq Poi kra lang ronglaq. Ngi raq jamkho aming kuq kang, kra phan phan Abib jipi lü na ramiishi na saüli Pi Maq Shohü Winsii kra phaq ronglaq. Jamkhano ngukla kra jipi lü na namshiq ka Ejip mung wa laüwan lan.

DUNGWVNC 34:25

“Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

LEWI 17:10

Kiimaq Israilnok wa maiq weshi ra raq, lo riimakla wanshawe pongmungti tsangshiq rai asiwa raq ngam ka wiitiijai tam maq lum phaq raüla, Tatiwe ka apaiq ma wesang she miraq. Kiimaq apaiq ka asenginok wa weshi nguta weamak she miraq.

LEWI 17:14

Atra phan tsitsü ka atiijai na sitlo. Kiimaq kra ningkhan Tatiwe raq Israilnok ma tsangshiq raq ngam ka wiitiijai tam maq phaq mai mak nguta aming kuqtaq. Kiimaq jurwa kra tri ka jin raüta phaqsiq tlaq, kriiti ka asengi phong wa weshi nguta weamak she miraq.

MALAKI 2:12

Kiimaq Tatiwe raq akhnok maiq thun ka, Israilnok tu mong kiiwa alam mirbaiq laq. Kiimaq na mung raq Tati Ningkun Ajong Pinthumwe ma honglu kuq tiikai kiijaq, tsangshiq ka ümtiikiimin tlom dam raamak she.

WEAWEA 28:17

Raroqshi ri rabiingi angu ranaiq na kamasham lamphan poi kra pha wan chang. Raüta kra poi ka ramiishi na saüli poi chang. Kra poi bala ka pi maq shohü winsii kli phaq chang.

WEAWEA 9:13

Shatmaq juwa akhum ka asii taü maq kiimaq apaiq ka wanhiq khum lam na riimak, shatmaq apaiq raq Tiichhiiwan Poi ka lang mak raüla, kriiwe ka isengi nguta wea dam maimak she. Jamkhano ngukla apaiq raq kra akhing ranaiq na Ngi ma honglu kuqwa mak riito. Apaiq raq ngarai tangtaq kra miitu apaiq ka chamchao raa dongdii she.

Matthew 16:12

Kra tiitsang chongkuq kiita shetiq, ajaqshisetiim raq apaiq raq tsangshiq ma pithob maq shiiton chongtaq kriika Phorisinok nai Sadusinok traho bom chong kra nangnga ngutlo ngutiishe takto. Apaiq raq tsangshiq ka winsii sho chang pithob kriima honkam bom ka riimak nguta sapto.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 2:43

Poi ka thumjai she, anyungwe ka tsangshiq hiq na jang wan nong wawanto. Shatmaq, nono Jesuq ka Jerusalem niili tiijai kito. Anyungwe raq, kra tho ka hemak dea riito.

Acts 12:3

Jehudinok ka kra chhi raüta chochikhiq riito. Kiimaq tsangshiq chochi ka chhi raütiishe, kra thaq na sru wanwan, abi lin she hali, apaiq raq Petar ka lapto. (Ara Petar laptaq akhing ka Pi Maq Shohü Winsii Phaq Poi bala riito.)

Galatians 5:12

Ngi raq tiima kla, namshiq tiimiiru rangtibi ka, tsangshiq raq maiqmii khum ka arthaq na chan raüta min, jasai maq han baiq raüta, ashoq wetiim ma jawan tlii raütli she misi laq nguta tiima tiikang!

TRI CHONGKE 16:3

Ümtiikiiwa ümniiraq ara dung siq tlaü akhing na, pi maq sho raüta alum winsii rai naq phaqkiq. Ramiishi na saüli ümniiraq pi maq shohü winsii ka phaq laq. Arka man na namshiq raq Ejip mung wa taülaü khiq maq alaü wan akhing na phaqsiq lan ikha phaq sea chang. Laüta ara winsii ka phaq laq. Ara winsii ka chamchao winsii phu nguta mingu. Krai mren, ümniika atra sitlaü wiiwii, ümniiraq Ejip mung wa chamchao litkot mung wa dong wan laü kra ranaiq ka ümtsan na tiitsang shat mirhaü.

TRI CHONGKE 16:5

“Kra Tiichhiiwan Poi na taphaq chang jam nyamsetiim ka Tatiwe shomnoq chang hiq ba kiina lamho laüta talaq. Tatiwe üm Shiikeawe raq kuqtlaq mung na hiq ahin niika naq takiq. Arka rashe nyap wan akhing na talaq. Kriika namshiq Ejip mung wa laü wan lan ranaiq wa atiidowan akhing.

TRI CHONGKE 16:8

Kra jai miimin ratrok na saüli ka, ümniiraq winsii ka pi maq shohü maq lum laüta phaqlaq. Kiimaq ramiishi ranaiq niika namshiq ka adam na riitam lanta Tatiwe üm Shiikeawe ka shomnoq laq. Kiimaq kra ranaiq ümniiraq minshiiq kai maimak.