Biblia Todo Logo
La Biblia Online
- Anuncios -




DUNGWVNC 12:15 - Hawa Naga Bible 2001

15 Yehowa rueq, “Nuimshiq rueq raungx mvshix tup wisiz maq vtvhungx wanx kuex nauk phauk kaz, wisiz lomx muq wanx dvyx phauk shuinz. Vphaungc raungnuiyq nuimshiq yuimx htenc wawc wisiz kuex lvmz gay wuez shuinz, raungx mvshix baunglaung vyuq wisiz maq vtvhungx wanx phuiuz jix ukhaq yuq muinz ngvy miq wawc tvdux gay rvhumc tuex.

Ver Capítulo Copiar

ASII LAKDAP Bible (BSI)

15 Tatiwe raq nguto, “Ramiishi na saüli namshiq raq pi maq joshe winsii ka phaq maimak. Pi maq shohü winsii kli phaq ronglaq. Apha wan ranaiq na namshiq jam wa pi ka tiisiirai lambaiq ronglaq. Kra ramiishi liipan na maiq ashi ra raq winsii ka pi maq shoje phaq raüla, kriiwe ka isenginok wa weshi nguta wea dam mak she miraq.

Ver Capítulo Copiar




DUNGWVNC 12:15
28 Referencias Cruzadas  

Vhttoar gvnz muq miqwaz kuex ukhaq yuq muinz ngvy miqsaz wawc ruiy gay rvhumc tuex, yvmx khoc lac ngoz ruiux lec ngaz rulc vtaq bomkhvrc phvnx muq ningkhvnc nuex rvtueq,” ngoz tueq jungx tueq.


Yerusalem nuex rvtuimx yaq miq htenc kuex raungx mvshix tup vkoz vkez thuinz maq Wisiz lomx muq Wantuc Moalx kuex moalx wuez tueq, Lewi miqsaz nuiyc shomc waz bix rueq muinz tsuingshiq hungc vlaungc httax yaq lotlaz maq Yehowa muex wvraungx nuiyq tvtsvmc kvmc wuez tueq.


Tsuingshiq rueq Wisiz lomx muq Wantuc Moalx kuex vshuenc vruenc maq raungx mvshix tup moalx wuez tueq. Vkoz vkez thuinz mvrc wuez yaq, yvmx khoc lac ngoz ruiux lec Yehowa rueq Asiria honoc waz kuex tsuingshiq kox nuex htvlx phel wvnc vtueq Israel Tishox Shomc Yuimx guirc yek yauk shuimc nuex tsuinghez muex romc kuq naungx wuez tueq.


Kvruex raungyac ngvmx kuex wvr nuex shuz vtueq wisiz lomx muq wansawx nuiyc namx yauk vkhuip rulc raz tueq mphauk shueq.


Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.


Ngaz rueq nuimshiq muex nvr phaungx rulc rv-ngvlc Ejip mungx maq dung wvnc tuit Abib yapix nuex Wisiz lomx muq Wantuc Moalx kuex moalx wuez shuinz. Raungx mvshix tup moalx shuinx baunglaung wisiz maq vtvhungx wanx kuex nauk phauk kaz. Shomc kuy juing lvmz laq muq maq ngaz muex nawk palx tvkoc mkaq muinz kay mvy muq.


Ukhaq rueq muinz kvruex vpuiz tix kvrulc rv-ngvlc laz tvhungx shot tvy, rvmuq ngoz ruiux shomc waz rvmuq miq washiz shiz htauk nuex vpuiz tix kvruex maq shvy kuq ruiux yuq, kvruex waz kuex ngvy phvnx miq wawc tvdux gay rvhumc tuex,’” ngoz tueq jungx tueq.


Vruex vhomc vtumc vkhoc miqmac tvkoc tvhungx jix waz kuex, ngvy phvnx miq wawc tvdux gay rvhumc tuex,” ngoz tueq jungx tueq.


Kvruex raungnuiyq kuex nyec tvkuiyq guilc raungnuiyq rvtueq, yvmx rvtueq lac ngoz ruiux lec kvruex raungnuiyq kuex vsawc rvtueq. Uwaz rueq muinz yauk shuimc mvy muq, kvruex raungnuiyq yauk shuimx ruiux kuex vthueyc murx tvgurc rvhumc tuex.


“Wisiz lomx muq Wantuc Moalx kuex moalx shuinz. Ngaz rueq nvr phaungx rulc rv-ngvlc wisiz lomx muq wantuc phuiuz moalx kuex Abib yapix nuex raungx mvshix moalx shuinz, yvmx khoc lac ngoz ruiux lec kvruex yapix nuex nuimshiq kuex Ejip mungx maq dung kaz wvnc tuit.


“Nuimshiq rueq ngaz muex nyvmx saz maq shomc nawk kuq phuinx nuex wisiz maq vtvhungx wanx kuy mvy muq. Tvlvy Wvnc Moalx tvkoc thvt shuinx nyvmx saz ngvmx kuex raungnvp kvyix nuex httuiuc laz tvjungx tvy mvy muq.


Israel miqsaz ukhaq yuq muinz, tsuingshiq rulc httaz naungc jix pungnuk miqsaz ukhaq yuq muinz, tvguiy nuiyc vngvmx tvshot phauk ruiux yuq, Yehowa kuex kvruex waz kox kvwawc kvroz wvnc vtueq vpiq miq wawc tvdung gay shuex.


Tvraungx httax yaq phvnx ruip saz thuiuzthuic kuex tvguiy nuex httax yaq ningkhvnc nuex, Yehowa rueq Israel miqsaz htenc muex ngoz tueq rulc rv-ngvlc gvnngvmx tvguiy kvyuq vhttax shauk doc ngoz ruiux yuq kvruex tsuingshiq rueq phuiuz mvy muq, kvkhoc phuiuz jix waz kuex vpiq miqsaz wawc tvdungc gay rvhumc tuex.


Israel miqsaz phungc wawc vkhoc phvnx shuimc jix htenc kuex Yehowa rueq mtvdung lvmz gay shueq, tsuingshiq kuex mkaq muinz naungshiq phvnx muex yaungc tvkoc muinz, Tvphaungc Tvsuip Yehowa muex shomc kuy jix miqphvnx yaungc tvkoc muinz kuq muq mruez shueq.


Raungx rokshiz rac raungx bv-ngac raungnuiyq maq phaungc vtueq, raungx mvshix nuex httuiuc laz nawk palx htungx nuex seng yaq kuex moalx shuinz, kvruex baunglaung wisiz lomx muq wanx dvyx phuiuz svy rax.


Miq vshiz shiz kuex nawk palx htungx maq vsawc rvhvt maq wuinz ghaq lvmx khuemc nuex muinz rvmuq rvyruiux, Tvlvy Wvnc Moalx baunglaung ngaz muex yauk noalc shomc kuq muq ngoz ruiux yuq, kvruex waz kuex ngvy phvnx miq wawc tvdungc gay rax. Piq kuex miqmac mvrax kvruex tv-phvnc murx tvgurc rax.


Kvkaq vpiq sangac hez rueq wanx wawc wisiz kuex koayc juing rvmuq maq Pharise nuk nuiyc Saduke nuk rueq tvluing yaq lvmx kuex phvnx muq tvkoc Yesu rueq honc tvsvmz kuq tueq lvmx kuex tuiuz wuez tueq.


Kvruex baunglaung miq paunghvlc vhingc maq rvtuimx kaz vtueq vdvmz dvmz rvnuiuz wvnc nuex httuiuc laz rv-phungc kaz koq tueq. Yesu rueq vpiq sangac hez muex kungkhux jungx phaungc wvnc tueq kuex, “Pharise nuk kvyonc yuk ngoz yaq wisiz kuex koayc wuez shuinz.


Moalx kuex lot yix shex, tsuinghez yuimx nuex yek wvnc wuez tueq, nox Yesu kuex Yerusalem nuex dvyx kvjungx kaz tueq. Vpiq nyuiuz vwaz rueq kvruex tuiuz muq rvtueq.


Kvkhoc thvt gay tueq lvmx kuex Yuda miqsaz rueq raungc raq kuex khiz vtueq Peter muinz lvp tueq. (Kvruex baunglaung kuex Wisiz lomx muq Wantuc Moalx rvtueq.)


Nuimshiq muex tvruing raung kuy jix miq htenc kuex vhttoar gvnc vhtungx lvmz yaq kvdvyx muinz rvmuq, miqmac shauk gvnz kvmuinz vtonx rvgay ruiux yuq vhvlx rvtuex!


Nuimshiq kuex Ejip mungx maq yauk lox dung kaz wvnc tuit nuex wisiz lomx muq wanx phauk tuit ikhoc, Tvlvy Wvnc Moalx moalx ruiux yuq raungx mvshix tup wisiz lomx muq wanx kuex phuiuz rax. Nuimshiq htemrvmz kuilc daz rvhumc vtueq Ejip mungx maq dung kaz wvnc tuit raungnuiyq kuex pattup rvwvl hvt tvkoc htemrvmc kuilc daz ngoz yaq wisiz lomx muq wanx kuex phauk wuez shuinz.


“Yehowa nuimshiq Tishox rueq kuq shuex mungx vganc baung htenc maq Tvlvy Wvnc Moalx tvkoc nyvmx saz kuex thvy mvy muq, nawk palx juing baungshiz dvyx kvyuq jix Tvlvy Wvnc Moalx nyvmx saz kuex thvy juing rvtueq. Nuimshiq kuex shalx nyuip wvnc nuex jix Ejip mungx maq dung kaz wvnc tuit ningkhvnc nuex shalx nyuip wvnc nuex jix thvy rax.


Kvmaq nuimshiq rueq raungx tvruk tup wisiz lomx muq wanx kuex phauk ruiux, raungx mvshix raungnuiyq rvtuimx vtueq Yehowa nuimshiq Tishox muex nawk palx kuy rax, kvruex raungnuiyq kuex yauk shuimc mvy muq.


Síguenos en:

Anuncios


Anuncios


¡Síguenos en WhatsApp! Síguenos