Biblia Todo Logo
La Biblia Online
- Anuncios -




DUNGWVNC 12:16 - Hawa Naga Bible 2001

16 Vphaungc raungnuiyq kvkaq nuiyc raungx mvshix raungnuiyq kvkaq nuimshiq rvtuimx vtueq nawk palx wuez shuinz. Kvruex raungnuiyq phuiuz svy tvkoc tvhungx htaungx shuinx maq lvy vtueq vganc kuex shuimc kay mvy muq.

Ver Capítulo Copiar

ASII LAKDAP Bible (BSI)

16 Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai.

Ver Capítulo Copiar




DUNGWVNC 12:16
21 Referencias Cruzadas  

piq rueq, “Yehowa rueq ngoc invp raungnuiyq kuex vsawc nyec tvkuiyq raungnuiyq, vpiq muex lekuy rax ngoz tueq. Majuiuc raungnuiyq wanx shoay juing httax ruiux muinz shuz shuinz, vshungc vlumc juing httax ruiux muinz shunglumc shuinz. Phuiuz svy lot yix kvjungx yaq kuex invp raungnuiyq tvkoc taq shuinz, kvkhoc ruec tvkoc Yehowa rueq nvr yaq,” ngoz tueq.


Ngaz, Yehowa rueq nuimshiq muex nyec tvkuiyq raungnuiyq muinz kuq phaungx, kvkhoc rvtueq raungx tvruk raungnuiyq kuex nuiyq nueyc laung wanx kuex kuq phaungx. Raungx mvshix raungnuiyq kuex miq lotlaz miqmac baung nuex httaz vtueq, miqmac yuimx maq dungc kay mvy muq,” ngoz tueq.


Raungx tvruk raungnuiyq kuex vganc raungnuiyq htauk nuex mvnshiz vjvnc mtvjomx taq shueq,” ngoz tueq jungx tueq.


yuq muinz raungx mvshix raungnuiyq kuex ngvy tvkoc nyec tvkuiyq guilc lekuy raungnuiyq rvtueq. Kvruex raungnuiyq kuex mnoz, msuiuz msaz hez, mdax hez, mnyvmx saz, mmungtan nuex httax jix pungnuk phvnx htenc rueq yauk shuimc mvy muq.


“Wisiz lomx muq Wantuc Moalx kuex moalx shuinz. Ngaz rueq nvr phaungx rulc rv-ngvlc wisiz lomx muq wantuc phuiuz moalx kuex Abib yapix nuex raungx mvshix moalx shuinz, yvmx khoc lac ngoz ruiux lec kvruex yapix nuex nuimshiq kuex Ejip mungx maq dung kaz wvnc tuit.


Nuimshiq rueq shomc kuy juing htenc laq ruiux muinz, kvruex kuex khuec guez dvyx. Nuimshiq rueq wvr maq jauk vshuinx vhomc vtumc thuingc kuex ngaz rueq shuiuc vshaungx. Nuimshiq rueq Yac Nyalx phuiuz vsvy moalx, Vguilc Raungnuiyq htenc nuiyc nawk palx htungx moalx kuex ngaz rueq nanx lawc lot mauk; kvhtenc kvruex lotlaz kuex nuimshiq rueq shuimx wvnc tuit mvrax htenc ningkhvnc nuex bac wvnc tueq.


Kvruex raungnuiyq nuimshiq rueq wvraungx nuiyq shuimx shuinx yauk shuimc kuex nauk shuimx kaz, yuq muinz nawk palx tvkoc rvtuimx wuez kuinz. Nuimshiq suiuz vsaz kuex mruex baung nuex dvyx httax ngaungc ruiux muinz, tvrac vruex pattup phvnc rax.


Moalx vphaungc raungnuiyq kuex nawk palx tvkoc vdvmz nuex rvtuimx kaz kuinz, miqmac yauk shuimc kuex shuimc mvy muq.


Moalx vphaungc raungnuiyq nuimshiq rvtuimx vtueq nawk palx rax, kvruex raungnuiyq yauk shuimc mvy muq.


Raungx mvshix raungnuiyq rvtuimx nawk palx wuez rax, kvruex raungnuiyq yauk shuimc mvy muq.


Nuimshiq rueq tsvmz nyalx svy moalx vphaungc raungnuiyq Yehowa muex tsvmz nyalx maq shomc kuq ruiux yuq, rvtuimx vtueq nawk palx wuez rax, kvruex raungnuiyq yauk shuimc mvy muq.


Nuimshiq kuex lex mvshix yac, vphaungc raungnuiyq nuex rvtuimx rvtueq nawk palx shuinz, kvruex raungnuiyq yauk shuimc mvy muq. Kvruex raungnuiyq kuex bolic htenc tuimc rax.


Nuimshiq rueq lex mvshix yapix raungx rokshiz rac raungx bv-ngac raungnuiyq vdvmz nuex rvtuimx vtueq nawk palx rax. Yehowa tvtsanc nganc moalx vruex kuex raungx mvshix tup moalx rax, kvruex kaq yauk shuimc mvy muq.


Yuda miqsaz vrangx vpangx vhttax jix hez rueq yauk juinc bulx nuex vbut gay hez yaz kuex tv-ngawk wungc tvkoc Pilat yauk wawc vkhangx thoz kaz tueq. Tsuingshiq rueq kvkhoc thoz kaz tueq kuex, kvruex raungnuiyq kuex vtvkuiux raz jepat raungx Bv-ngac raungnuiyq rvtueq nuiyc raungnvp kvyix kuex Vguilc Raungnuiyq ningkhvnc nuex yauk juinc bulx nuex vmaungx kvpauk muq tvkoc muinz, Vguilc Raungnuiyq kuex vsawc raungc hvlc raungnuiyq ningkhvnc nuex muinz rvtueq.


Kvmaq nuimshiq rueq raungx tvruk tup wisiz lomx muq wanx kuex phauk ruiux, raungx mvshix raungnuiyq rvtuimx vtueq Yehowa nuimshiq Tishox muex nawk palx kuy rax, kvruex raungnuiyq kuex yauk shuimc mvy muq.


Síguenos en:

Anuncios


Anuncios


¡Síguenos en WhatsApp! Síguenos