DUNGWVNC 12:13 - ASII LAKDAP Bible (BSI)

¹³ Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.

Hawa Naga Bible 2001

¹³ Nuimshiq httax vtuinx yuimx kaluix nuex nyvt taq shec tuit tvguiy kuex tvtsuingc juing hakhix muex yaungx tuex. Ngaz rueq tvguiy kuex khiz ruiux yuq, nuimshiq kuex lvy shec ruiux, Ejip miqsaz kuex murx tvgurc shaungx yuq, nuimshiq kuex heq mauk.

DUNGWVNC 12:13 Referencias Cruzadas

RAPHA HIQWA LAK 17:11

Ümchaü armiiphat she ümniiraq loweatek maiqwese ka rawii chhi jai maq ratiichat she angu na athohan poi ka klo ratlo. Arka ümjam kun wa ümdisetiim rawii chhitlaq kriimin kiimaq ümniiraq maiq hiq wa arihaü disetiim kriimin athohan poi ka klo ratlo. Ara klo tlaü ahata ümnaq nai Ngi liipan na tongshong raükha ka asi nguta tiichhike saqse.

DUNGWVNC 12:11

Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

DUNGWVNC 12:23

Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.

DUNGWVNC 12:7

Raüta mungmaiqse raq ngam tiijai wiijam ka lam raüta kra nyamse taphaqtlaq jamti raq kilam chong kop tsangkilii siimko nai wiita na kiimaq kilamchong kop chang ra nü na kriijaq ngam tiijai ka nyat chang.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

Hebrews 11:28

Kiimahali, Mosheq raq kamtsantsii maq, Tiichhii wan Poi ka pha wanto. Apaiq raq, kamtsantsii maq, poi na ataa sku tiijai ka Israilnok jamki tek, kilam da na nei miitu, aming kuqto. Kriika, Maiqtseati Rase raq, Israilnok jamkitek wa, maiqwe se chhikhu setiim ka tsatmak mitiichhii kuq laq nguta neito.

JOSHUA 2:12

Riita, ümchaü min, ngi raq namnai ka jamkho lungwii tsantsii maq khrum kuq kang, kiikhiisii hali, namshiq riimin, ngi nai ijamtitiim ka mikhrum hai nguta apaiq mang na ngi raq kamli chang sinkham miithii kii shongthü ronglaq.

JOSHUA 2:18

Kiitiina, ümniiriika akha riichang. Naishiq raq ümra akhing niiwa ara nammung ara long tiikai, kra akhing na, ara raüshiilo arka ümchaü ümniiraq nainai tiisat laü khetuk kitanpu arjaq chan laüta thülaq. Laüta ümnyung nai ümwe kiimaq ümphu ümnotiim thun ka, kiimaq ümjamtitiim tarü ümjam mong arjaq triitam laüta ngarong laq.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.