DUNGWVNC 12:12 - ASII LAKDAP Bible (BSI)

¹² “Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

Hawa Naga Bible 2001

¹² “Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.

DUNGWVNC 12:12 Referencias Cruzadas

1 KAÜWA WERAÜ 14:12

Riita Philistainnok ka pintrangto. Raüta tsangshiqnok sumla phra phong ka tsang jai na baiqthüto. Kiimaq Dawit raq kriithun ka wa na chaq baiq miitu aming kuqto.

Tvtsvmc 135:8

Ejip mung wa apaiq raq chhikhusetiim thun wiita tsatbaiqto maiqsetiim nai nyamsetiim pili maq.

Tvtsvmc 82:1

Shiikeawe ka ramungtan rung na ngongwe; tisho kong thungtlaq kiijaq apaiq raq tri akha tantlo:

Tvtsvmc 82:6

‘Namshiq ka tisho kong,’ nguta Ngi raq ngukang ihata; ‘namshiq tarü ka Ratsan Mong Na Sitiwe setiim.’

Tvtsvmc 91:7

Ümtho na maiq ka hingshi tsat raüta amaa phong min mibum sham, ümtro na maiq ka hingroqshi min mitsai sham, shatmaq ümniimiika jammin ngusiq mak miraq.

Tvtsvmc 95:3

Jamkhano ngukla Tatiwe ka ajong pinthum Shiikeawe, apaiq ka tisho kong tarü thaq na ajong pinthum hokhamwe.

DUNGWVNC 12:23

Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 21:6

atijongwe raq apaiq ka noqku chang ba kiijaq misheaho. Raüta apaiq ka kiijaq kilamchong tiinap na lo kilamchong pumpat na tiininsaq tiichap chang. Raüta anilok ka tiipu thot chang. Raüla apaiq ka rilung pattup atijongwe dise miili she misi.

DUNGWVNC 22:28

“Shiikeawe ma abi naq bomkiq. Kiimaq ümnok ümta rümti welawe ma man naq sonkiq.

DUNGWVNC 6:2

Shiikeawe raq Mosheq rai riibomto. Raüta akha nguto, “Ngi ka Tatiwe.

DUNGWVNC 9:6

Kriimaq napjai angu na, Tatiwe raq apaiq raq ngutaq kra phan phan jaq ka shamto. Krai mren Ejipnok nyamse thun ka kunli tsaito. Shatmaq Israilnok nyamsekong wiika ashi ra dongdii min tsaimak.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

JEREMIA 43:12

Ngi raq Ejip mung na sitlaq phra shomjam thun ka wa maq michaq baiqha. Kiimaq Bebilon mung hokhamwe raq Ejip mungti sumla phra thun ka wiijam ka wa maq michaq baiq. Kiimaq wiijam ka apaiq raq aho mirwan. Skurümti raq akhea thum wa tlai nai tiichea thun ka jamkho tiisiirai sibaiq raüta samtlaq ikha, Bebilon mung hokhamwe riimin Ejip mungwa tsiiq nai nyamtum thun ka wiita tiisiirai miho phaq wan. Raüta Ejip mung ka kealoklok she mibaiqthü. Raüta apaiq ka sreajongwe alachong dokdok she tsang mung na miwa wan.

JEREMIA 43:13

Apaiq raq Ejip mung wa Heliopolis chela na tsan na tiitsang chang asii longkaü thun ashong kra atiibun mirbaiq. Kiimaq Ejip mung wa phra sumla shomnoq chang shomjam thun kra wiita wa maq chaq raüta mitiithen baiq.”

JEREMIA 46:25

Tati Ningkun Ajongwe, Israilnok Shiikeawe raq ngutlo, “Ngi raq Amon mung ma mo mitiihoha. Thebes chelati phra kaü ka Ejip mungti nai Ejip mungti phra thun krai adam na, kiimaq tsangshiq hokhambi thun krai mitiithen baiqha. Ngi raq Ejip mung hokhamwe ka laplata kiimaq apaiq ma kamti, asengi kong kra wiita alap mirwanha.

EJEKIEL 12:16

Ngi raq tsangshiq phong wa maiqse wiijam ka redong jaqsong, ramdong jaqsong, kiimaq thadong jaqsong mithüha. Kra akhing niishetiq tsangshiq raq ümtinkhan wa ashe ashi, maiqphai asi sumla thun noq wan raüta itsan tiikhiq wantaq kriishe misap wan. Kiimaq tsangshiq raq Ngi ardea Tatiwe ka nguta misap wan.”

AMO LUIK DVP (AMOS) 5:17

Spiqtsiro tiikham raüta mahowa tranglishe miraq, jaro akha miraq, ngi ka namshiq tiichamchao kai she kitiikang,” nguta Tatiwe raq ngutlo.

JEPHANIA 2:11

Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.

WEAWEA 33:4

Tsangshiq ka Tatiwe raq chhikhusetiim jiipbaiqtaq thun kra maa lap rea riito. Ara jiipbaiq raüta Tatiwe apaiq ka Ejip mung wa phra kong kriithaq na ningkun ajong rümtiwe nguta tiichhi kuqto.

1 SAMUEL 5:3

Kriimaq napjai ranapchu maq, Ashdod chelati raq Prenkaü sumla ka Tatiwe Tongshong Tek khaki kiijaq hiq na riwa raüta, atheaphi ka hiq nü na bumraü chhito. Raüta tsangshiq raq sumla ka kiiwa do raüta, apaiq tiinga chang ba kiijaq hali tiinga thüto.

1 SAMUEL 6:5

Namshiq raq nammung tiithen baiq wantaq tsamtsi tha sumla nai jukpu tha sumla kra tiiq ratlo. Lanta namshiq raq Israilnok Shiikeawe ka shreng ratlo. Jursap akha klo han jiika, apaiq raq namshiq, namphra kong, kiimaq nammung ma apaiq mo tiiho mak she lo riijiiqla.