DUNGWVNC 12:12 - Hawa Naga Bible 2001

¹² “Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.

ASII LAKDAP Bible (BSI)

¹² “Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

DUNGWVNC 12:12 Referencias Cruzadas

1 KAÜWA WERAÜ 14:12

Philistin miqsaz htenc kuex yuz wvnc ruiux tsuingshiq yac yuimx htenc kuex tuip gay shec koq tueq, kvruex htenc kuex juiuz gay tvkoc Dawid rueq nvr tueq.

Tvtsvmc 135:8

Ejip mungx wawc miq nuiyc nyvmx saz pekhux, nyuiuz khux saz lotlaz kuex vpiq rueq thvt gay tueq.

Tvtsvmc 82:1

Tishox rueq raungmungx wawc suingdaungx muingdaungx kuex shunshvlx yaq; tishox htenc rvtuimx yaq nuex vpiq rueq htvp htaz yaq lvmx kuex jungx kuq yaq:

Tvtsvmc 82:6

‘Nuimshiq kuex tishox htenc rvtuit, nuimshiq lotlaz kuex Johvlc Pinhtumc waz sahez rvtuit,’ ngoz tueq ngoz vphaungx.

Tvtsvmc 91:7

Mhep nuex miq hingshiz, mtvroz nuex miq munshiz rul thueyc wvnc ruiux muinz, mnoz kuex heq kv-phux rvmuq.

Tvtsvmc 95:3

Yvmx khoc lac ngoz ruiux lec Yehowa kuex hungc vlaungc httaz hvlc Tishox, tishox lotlaz htauk nuex guimz yaq hungc vlaungc mvrx yaq hokhvmx waz rvtueq.

DUNGWVNC 12:23

Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.

DUNGWVNC 18:11

Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 21:6

nawk palx juing baung nuex vjiyungx waz rueq shvlc lvy rax. Kvruex dax waz kuex kaluix rvmuq ngoz ruiux, kaluix daungx htung nuex tvjvp vtueq, piq nac kuex shuiuq maq htut tvpuc rax. Piq kuex jiyungx waz kox nuex rullungx pattup dax muex yaungc kuy juing.

DUNGWVNC 22:28

“Tishox muex layx vbac kvjaz nauk kvjak kaz, mmiqsaz htenc wawc walaungx waz muex mvnhttonc mvy muq.

DUNGWVNC 6:2

Tishox rueq Moshe muex ngoc, “Ngaz kuex Yehowa rvtauk.

DUNGWVNC 9:6

Nvp yix raungnuiyq Yehowa vpiq rueq jungx tueq rulc rv-ngvlc ruez koq tueq, Ejip nyvmx saz lotlaz thueyc kaz tueq, yuq muinz Israel nyvmx saz kuex kuiux shiz muinz thueyc muq.

ISAIA 19:1

Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

JEREMIA 43:12

Ngaz rueq Ejip tishox shomc yuimx htenc kuex wvr maq jauk gay shaungx, Babelon hokhvmx waz rueq muinz tsuingshiq tishox htenc kuex jauk gay ruiux, tenz gay shuex. Khelbuenx remc jix rueq miqmac khvy wawc httuik htenc kuex tvsawc laz httuiyc gay yaq ikhoc, Babelon hokhvmx rueq muinz Ejip mungx kuex lvmz tvsawc gay vtueq taungx gay ruiux dung kaz wvnc tuex.

JEREMIA 43:13

Piq rueq Ejip mungx Heliopoli ghaq wawc vsawc lunghtung htenc kuex tvbac gay ruiux, Ejip tishox shomc yuimx htenc kuex jauk gay shuex,” ngoz tueq jungx tueq.

JEREMIA 46:25

Tvphaungc Tvsuip Yehowa, Israel Tishox rueq, “Ngaz rueq Amon tishox ngoz yaq Thebe muinz, Ejip mungx nuiyc kvruex wawc tishox htenc nuiyc hokhvmx bix htenc tauk vdvmz nuex murx tvgurc shaungx. Ngaz rueq Ejip hokhvmx nuiyc piq muex tvluimc yaq jix lotlaz kuex shvlx wvnc vtueq,

EJEKIEL 12:16

Ngaz rueq tsuingshiq wawc wvyvmc kuex ralx rvlungc nuex, khvmx vrvmc muex nuiyc vmac vtsac kuilc daz wawc tvdung gay shaungx, miqphvnx htenc hvlwvl nuex tsuingshiq rueq shuimx wvnc tueq honc vyaungc mtanc khvnc miqsuirc vsac lac kuex rvwvl yek vtueq, ngaz Yehowa rvtauk kuex tsuingshiq kvjungc wuez tuex,” ngoz tueq.

AMO LUIK DVP (AMOS) 5:17

Svpiq sunc htenc nuex muinz vkhoarc vnyerc kuex httax tuex. Vkhoc phvnx lotlaz yaungx wvnc tuex yvmx khoc lac ngoz ruiux lec ngaz rueq nuimshiq muex murx tvgurc vkhing httuiuc wvnc tuex,” Yehowa rueq jungx tueq.

JEPHANIA 2:11

Yehowa rueq tsuingshiq kuex tvhiz sungx tvkawc yawc shuex. Vpiq rueq ghaq wawc tishox htenc kuex yvmx muinz vguez nuex tvsvt taq gay shuex, kvkaq miqphvnx ruip rawx rueq miqmac baung maq vpiq muex nawk palx wuez shuex.

WEAWEA 33:4

Ekvkaq Ejip miqsaz kuex Yehowa rueq thvt gay tueq miqwaz pekhux htenc kuex shuz luip wuez yaq. Ekvkhoc murx tvgurc ningkhvnc nuex Yehowa kuex Ejip phvnx tishox htenc htauk nuex muinz luimc vkawc yungx yaq lvmz tvkhic kuq tueq.

1 SAMUEL 5:3

Nvp yix raungnuiyq raungnvp nuex Ashdod miqsaz htenc rueq lawc koq tueq, Yehowa Bomkhvrc Jep khaungkac nuex Dagon yac yuimx kuex ghaq nuex kvkuip rul kaz tueq kuex khiz tueq. Kvkhoc rvtueq tsuingshiq rueq kvruex tenz vtueq vtvy juing baung kvyuq taq yek tueq.

1 SAMUEL 6:5

Nuimshiq rueq vtsuimx thuey poz nuiyc nuimshiq mungtan kuex tvbac gay tueq yuiuq phuiuq yac kuex tvhungx shuinz, Israel Tishox muex tvtsanc nganc kuq shuinz. Kvkaq nuimshiq kvmuinz, nuimshiq tishox htenc nuiyc nuimshiq mungtan htenc wawc muinz vpiq rueq murx tvgurc yaq kuex tvthauk gay shuex wuez.