DUNGWVNC 12:11 - Hawa Naga Bible 2001

¹¹ Nuimshiq rueq ngvmx kuex htat htat phauk shuinz, lvmx khuemc tvkoc kheshuit shuit ruiux, yapaungc kuex paungc vtueq yauk nuex ngvlhtulc kuex shuimx shuinz ngaz Yehowa muex tvtsanc nganc kuy Tvlvy Wvnc Moalx rvtueq.

ASII LAKDAP Bible (BSI)

¹¹ Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

DUNGWVNC 12:11 Referencias Cruzadas

2 HOKHVMX 23:21

Hokhvmx Josia rueq bomkhvrc luik dvp nuex wuiyq shec tueq rulc rv-ngvlc Yehowa tsuingshiq Tishox muex tvtsanc nganc kuy Tvlvy Wvnc Moalx kuex moalx tvkoc miq htenc muex nvr tueq.

DUNGWVNC 12:13

Nuimshiq httax vtuinx yuimx kaluix nuex nyvt taq shec tuit tvguiy kuex tvtsuingc juing hakhix muex yaungx tuex. Ngaz rueq tvguiy kuex khiz ruiux yuq, nuimshiq kuex lvy shec ruiux, Ejip miqsaz kuex murx tvgurc shaungx yuq, nuimshiq kuex heq mauk.

DUNGWVNC 12:21

Moshe rueq Israel walaungx bix lotlaz gvl vtueq jungx tueq kuex, “Nuimshiq yuimx kac tek maq Tvlvy Wvnc Moalx tvkoc, khelbuenx rvmuq ngoz ruiux khelkhix saz kuex thvl vtueq thvt wuez shuinz.

DUNGWVNC 12:27

nuimshiq rueq, ‘Vruex kuex Yehowa rueq Ejip mungx wawc Israel miqsaz htenc yuimx kuex lvy gay shec tueq ningkhvnc nuex, vpiq muex tvtsanc nganc kuy tvkoc shuimx lvmz vshix Tvlvy Wvnc Moalx shomc nawk kuy rvtueq. Vpiq rueq Ejip miqsaz htenc thvt gay tueq, yuq muinz naungshiq kuex tvjungx shec phuex,’ ngoz tueq jungx shuinz,” ngoz tueq. Kvkaq Israel miqsaz rueq bumx vtueq Yehowa muex nawk palx wuez tueq.

DUNGWVNC 12:43

Yehowa rueq Moshe nuiyc Arun muex ngoc, “Vruex htenc kuex Tvlvy Wvnc Moalx nuex seng yaq tvrac rvtueq: pungnuk miqsaz rueq Tvlvy Wvnc Moalx ngvmx kuex phuiuz mvy muq,

ISAIA 52:12

Majuiuc lauk kuex makmak kay wvnc rac muq rvtuex; nuimshiq vyuz tvkoc hung wuez tuinx rvmuq. Yehowa nuimshiq Tishox rueq nuimshiq muex lvmx shvlx vtueq nuimshiq kuex lvmx ruip saz maq tvkhup wungx shuex.

EJEKIEL 45:21

“Vphaungc yapix raungx rokshiz rac raungx bvlic raungnuiyq nuimshiq rueq Tvlvy Wvnc Moalx kuex phaungc shuinz. Miq pumz tek vtueq raungx mvshix tup wisiz lomx muq wanx kuex phuiuz rax.

LEWI 23:5

Yehowa muex tvtsanc nganc tvkoc Tvlvy Wvnc Moalx kuex vphaungc yapix raungx rokshiz rac raungx bvlic raungyac shalx nyuip yix moalx wuez shuinz.

WEAWEA 28:16

Wawc tek vphaungc yapix raungx rokshiz rac raungx bvlic raungnuiyq Yehowa muex tvtsanc nganc Tvlvy Wvnc Moalx kuex moalx wuez rax.

WEAWEA 9:1

Israel miqsaz htenc kuex Ejip mungx maq dungc kay yix, raungwawc wawc nueyc, vphaungc yapix nuex Yehowa rueq Moshe muex Sinai Kumtsvy tvnx maq rvbomc tueq. Vpiq rueq,

Luke 12:35

“Nuimshiq rueq tvyoalc yoalx yaungc muex kheshuit kuex shuit vtueq wvrkok kuex tvluic wuez shuinz,

Luke 15:22

Yuq muinz vwaz rueq piq nvrc waz hez kuex gvl vtueq, ‘Vhvlx pinhtumc khoz vkhvy kuex htat htat lvmz waung vtueq piq muex tvsvmc shuinz! Vyauk nuex yauktop muinz, yaz nuex yapaungc muinz tvpaungc kuq shuinz.

Luke 2:41

Yesu vpiq nyuiuz waz kuex Tvlvy Wvnc Moalx httuiuc wvnc ruiux lec wawc tek Yerusalem nuex kaz ruiux tuex.

Luke 7:38

Yesu yix nungx kox yaz jungx nuex jvp vtueq khoar tueq, piq muik phic kuex Yesu yaz nuex svrc koq tueq, vkhux mul maq tuit kuq ruiux, vpiq yaz kuex shec vtueq vhomc tix maq nyvt kuq tueq.

1 Corinthians 5:7

Nuimshiq vsawc yaungc tvkoc wisiz vkez ngoz yaq mvrax kuex dawc tuip gay shuinx. Kvkaq jix nuimshiq kuex wisiz lomx muq wanx phux vnyalx ikhoc yaungx wuez tuinx, kvkhoc nuimshiq rvkhauk laz yaungx tuinx kuex ngaz rueq tuiuz vshaungx. Yvmx khoc lac ngoz ruiux lec Tvlvy Wvnc khelbuenx ngoz yaq Christu maq shomc nawk kuq wvnc tiq shex ningkhvnc nuex naungshiq Tvlvy Wvnc Moalx tvkoc tvyoalc yoalx shex.

Ephesians 6:15

nomic Thuix Thaungx Vhvlx kuex jungphvnc kuy tvkoc tvyoalc yoalx mruez shueq, yaz nuex yapaungc paungc vtueq jvp laz kuinz.

TRI CHONGKE 16:1

“Tvlvy Wvnc Moalx kuex Abib yapix kvkaq raungyac nuex, nuimshiq kuex Ejip mungx wawc palc wvnc kv-phuinx ningkhvnc nuex Yehowa nuimshiq Tishox muex tvtsanc nganc wuez shuinz.

JOSHUA 5:10

Israel miqsaz kuex Yerikho ghaq hep tvnx wawc Gilgal ngoz yaq hong nuex jerak tec tueq baunglaung, kvruex yapix raungx rokshiz rac raungx bvlic raungyac Tvlvy Wvnc Moalx kuex moalx tueq.

1 Peter 1:13

Kvkhoc rvtueq nuimshiq rueq shuimc lvmc wvnc tvkoc nuimshiq thuinz vmungx htenc kuex tvyoalc wuez shuinz. Yesu Christu httuiuc kaz tuex nuex nuimshiq muex kuq shuex kejux kuex vruing raung thuinz vguez maq honc svmz hvt maq tvsawc ric thuinz tvluimc bvmc shuinz.