DUNGWVNC 12:11 - ASII LAKDAP Bible (BSI)

¹¹ Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

Hawa Naga Bible 2001

¹¹ Nuimshiq rueq ngvmx kuex htat htat phauk shuinz, lvmx khuemc tvkoc kheshuit shuit ruiux, yapaungc kuex paungc vtueq yauk nuex ngvlhtulc kuex shuimx shuinz ngaz Yehowa muex tvtsanc nganc kuy Tvlvy Wvnc Moalx rvtueq.

DUNGWVNC 12:11 Referencias Cruzadas

2 HOKHVMX 23:21

Hokhamwe Josia raq mungmaiqse ma tongshong lakdap na waiqtaq kra phan phan Tatiwe tsangshiq Shiikeawe shreng ma Tiichhiiwan Poi ka lang wan ratlo nguta aming kuqto.

DUNGWVNC 12:13

Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.

DUNGWVNC 12:21

Mosheq raq Israilnok welabi thun ka kunli adam na tiiheakito. Raüta tsangshiq ma akha nguto, “Namshiq loweatek raq skuse ashi riimakla chhechhise are se ka achhuq chhuq tsea ronglaq. Lanta ta ronglaq. Kra lanta namshiq takitek raq Tiichhii Wan Poi ka klo ronglaq.

DUNGWVNC 12:27

Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

DUNGWVNC 12:43

Tatiwe raq Mosheq nai Aron ma akha nguto, “Tiichhii Wan Poi thungtri ka arthun ara: Pongmungti raq ara Tiichhii Wan Poi dung ka phaqsea dam maimak.

ISAIA 52:12

Ümchaü lak namshiq ka taülaükhiq ka laü wan man mirhan; namshiq ka chiimjin wan ajurai ngomin rarai mak. Namshiq Tatiwe, nam Shiikeawe raq namshiq ka mishun shea wan, kiimaq apaiq raq namshiq ka trotam maq khebom kuqshat miraq.

EJEKIEL 45:21

“Rawii phawan jipi lüwa jikham raroqshi ri rablai angu ranaiq, namshiq raq Tiichhiiwan Poi kra milang phaho han. Ramiishi na saüli maiq loweatek raq winsii ka pi maq shohü maq lum lanta miphaq han.

LEWI 23:5

Tiichhiiwan Poi ka Tatiwe shreng miitu langtlo. Arka apha wan jipi lü wa raroqshi ri rablai ranaiq na rashe nyap wan na klo phahotlo.

WEAWEA 28:16

Tatiwe shreng Tiichhiiwan Poi ka rawii phawan jipi lü na raroqshi ri rablai angu ranaiq na klo chang.

WEAWEA 9:1

Tatiwe raq Mosheq ma nguto Sinai Kumtsaiphii wang maq Israilnok ka Ejip mung wa laü wan li maq wiinai she angu na kra rawii wa jipi pha wan lü na. Apaiq raq nguto,

Luke 12:35

“Miirii ka sam lanta nai lemtem ka tlü shatmaq, kheshat khewan ronglaq.

Luke 15:22

Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

Luke 2:41

Rawiitek, Jesuq nyungwe ka Jerusalem na Tiichhii Wan Poi lomkai kitlo.

Luke 7:38

Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

1 Corinthians 5:7

Namshiq raq man niiwa ngarai pichü sitlaq kra siirai she raübaiq raa dongdii. Kra raübaiq han jiitiq, namshiq khum ka siirairai she miraq. Kra riihan jiitiq tiina namshiq ka winsii da, danye pi maq shohü ikhiishe mirhan. Riita arka tengteng. Namshiq ka riikhaqli asii dea nguta, ngi riimin sapshat. Ara jamkhano chongtiikang ngukla, nashiq ma Tiichhii Wan Poi ka atiije wishe. Nashiq ma Tiichhii Wan Poi na phaq chang skuse Jesuq Khristo ka ataa baiq kun she.

Ephesians 6:15

Kiimaq namshiq ka khusang tsütsa chongke kai miitu tsan achhü maq tiijeshat maq si rong laq.

TRI CHONGKE 16:1

Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.

JOSHUA 5:10

Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.