Provérbios 16:22 - Kaxinawá Bíblia (BR)

Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.

Provérbios 16:22 Referencias Cruzadas

Provérbios 10:11

Huni pepabũ yusĩti hãtxa pepawẽ merabewakĩ Deusũ hiwea kayabikiri hatu tapĩmakubaĩmisbuki. Hakia huni txakabũ bemakis hatu pewabiakĩ uke merã hune shinã txakakĩ hatu txakabuwamamisbuki.

Provérbios 13:14

Unanepã yusĩti hãtxa nĩkairã, hawẽ hiwea hayashanikiki, ha mawawẽ datemis piskuirã.

Provérbios 14:27

Senhor Deus duawakĩ mĩ benimawairã, habia mĩ hiwea kayabiki, mawa kayabi mĩ ma binushinawẽ ana dateamarã.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 15:28

Pepabũ ha dukũ shinã pewatã ha katxu hãtxa pepawẽ hatu kema pewamisbuki. Hakia huni txakabubũ hawa shinã pewama hawaira hãtxa txakabu kaĩmamisbuki.

Provérbios 16:21

Tsuara unanepakũkainai hakiri shinãkinã: “Harã, hawaira tapinikaki”, akĩ yuikubaĩmisbuki. Tsuara hãtxa duapatũ huni betsa yusĩkĩ hatu shinã betsa wamatirubuki.

Provérbios 16:23

Tsuara unanepa hãtxa hayatũ shinãkubaĩkĩ hawara shabakabi hãtxa hatu yui pewakĩ binumaya: “Txanimaki!” ikĩ yuikubaĩtirubuki.

Provérbios 18:4

Huni unanepatũ hãtxarã, hene nuahaira keskaki. Hanua hene bei tueai keskai hawẽ unanepa hãtxa itxapa mata hayaki.

Provérbios 18:7

Unaĩsmapa hawẽ keshawẽ hãtxairã, ibubis txakabui dispiwẽ teneshekea keskamisbuki, hawẽ hiwea txakabuwairã.

Provérbios 3:22

Haskakũkaĩkĩ Deusũ betxipaiai teuti hawẽrua teua keska mĩ hawẽ pe hiwekũkaĩtiruki,

Mateus 15:14

Hau xinã inũbũwẽ. Huni bekũmã huni betsa habe bekũ iyupai harakiri iyuai unãma habia dabe mikĩ maebaĩ di irabemisbuki. Ha beparameaibu haska keskabuki, habũ tsua merabewatirumarã. Haskakẽ hawa hatu yuiyamakãwẽ— nuku wa

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

João 6:68

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka