João 6:63 - Kaxinawá Bíblia (BR)

⁶³ Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Kashinawa : Diosun Jesúswen taexun yuba bena yiniki

⁶³ Xabakabi matu yusinun ninkakanwen. En yushinin jatu jiwemaxanikiki. Jamen yudabun janchawenan, jawa jatu jiwemakin kushipa watidumajaidaki. En jancha en matu yuiaidan, en yushin keskaki. Man ikunwanyan en janchan matu jiwekuinmaikiki— iwanan,

João 6:63 Referencias Cruzadas

Gênesis 2:7

Senhor Deusũ mai mishpu bitã damiwakĩ ha keska wakĩ huni hiwemanũ ishũ hawẽ dekĩ anu shũ aka huni haskai hiwei taenikiaki.

Provérbios 4:13

Ẽ yusĩti hãtxa danãma mestẽwãtã hakimakĩ heneama txibaĩ mĩ pe hiwekũkaĩshanaii.

João 5:21

Haska inũ, ẽ Epa Deusũ mawabu hiwemamiski. Habiaskari wakĩ hawẽ bakẽri tsuabura katutã hatu hiwekuĩmariatiruki.

João 6:68

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka

Hechos 5:20

—Nenua ẽ matu kaĩma bushunã, ha Templo hemaĩtĩ anu hikitã hanushũ Deusũ kakape hiwekuĩmati hãtxa dasibi hatu yusĩritãkãwẽ— hatu wa

Romanos 10:17

Haskakiri Deusũ hãtxa yusĩmisbũ Jesus Cristokiri kakape yusĩkubainaibu besti hãtxa pepa hawẽrua nĩka pewatã yurabũ Cristo txibãkĩ ikũwãtirubuki, hatũ hãtxawenã.

Romanos 2:25

Haska inũ, dasibi hawara Deusũ Moisés judeubũ shenipabu hatu yusĩmani habũ txibãkĩ yuikĩ: “Hawara Deusũ abuai dasibi nũ txibãkubainaii”, ikĩ matũ hina kubitxi mã meshteairã, ha txanima mã pewaii. Hakia habũ matũ hina kubitxi meshtebiatã hawara Deusũ judeubũ shenipabu yusĩni habũ mã txibãma matũ hina kubitxi hamẽ meshtekeyabia mã hawenabu kayabimaki, mã hawẽ hãtxa txibãmawẽ taearã.

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

Gálatas 5:25

Haska inũ, natiã Deusũ Yushĩ Pepatũ nuku hiwemaiwẽ taeshũ hawara ha bestitũ nuku yunukĩ amai nĩkatã hiwekubainãkãwẽ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

Hebreus 4:12

Ha Deusũ hãtxa kaĩkinã, paepa hiwea keskatũ nukũ xinã pewakĩ huni hawẽ nupe kenu dabeyatũ huĩti uke merã txapashũ uĩa keska wakĩ nukũ xinã inũ nukũ yushĩ unãti wamiski.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 Pedro 1:23

Mã haskakũkaĩshanũ Deusũ ana matu kaĩ bena keska waniki, matũ ibubu txutanamekĩ matu bawani keskama hakia Deusũ hãtxa hiwea betsaisma haya mã ikũwãkĩ xinã betsa waiwẽ taeshunã, nukunabube danãnanãma mã abunamekubainũbunã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.