Provérbios 16:21 - Kaxinawá Bíblia (BR)

²¹ Tsuara unanepakũkainai hakiri shinãkinã: “Harã, hawaira tapinikaki”, akĩ yuikubaĩmisbuki. Tsuara hãtxa duapatũ huni betsa yusĩkĩ hatu shinã betsa wamatirubuki.

Provérbios 16:21 Referencias Cruzadas

1 Reis 3:12

haska mĩ ea yukai ẽ mia ashũkubaĩshanaii. Hawẽ unanepati inũ shinã shabakabiti mĩ bushka merã ẽ mia unãmakubaĩshanaii. Mĩ iriamakẽ tsua haska hayama inibu inũ unuri tsuã mia binũbaũ txipu haska hayama inũbarikanikiki.

Provérbios 10:13

Unanepa hãtxakinã, hãtxa unanepa yuimisbuki. Hakia tapĩ pewaisbuma unaĩsmapatũ hawẽ hãtxa pe mekeama txakabu yuiaibuwẽ taeshũ danaĩ haki sinatakĩ hatu kakush kakush amisbuki.

Provérbios 10:23

Huni unaĩsmapatũ txakabu tibi wakubaini hawẽ besti benimakũkaĩmiski. Hakia huni unanepa hawẽ unanepawẽ benimamiski.

Provérbios 10:8

Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 16:22

Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Lucas 4:22

unãnepakĩ hãtxa pewẽ hatu yusĩaĩ nĩkai e itã hawẽ hãtxa abubiakĩ xinaĩ: “Narã, nukunabuki, Josẽ bakeki. Hanishũ haska tapĩtãxĩshũ nuku yuimẽkaĩ?” iki yuinamebaunaibu

João 7:46

mekenika betsã yuikĩ: —Haska ha huni hãtxai peaya huni betsari hãtxakĩ nematirumaki, txakabu hatu yuiamawẽ taeshunã— hatu wa

Romanos 16:19

Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.