Provérbios 15:2 - Kaxinawá Bíblia (BR)

² Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 15:2 Referencias Cruzadas

Provérbios 12:23

Tapĩhairanika ibubis kẽkĩ hawara shinãkĩ unaĩ shabakabi hawaira hatu tashnimashuĩsmaki. Hamẽ unaĩsmapabũ hawa shinãma hawara hãtxa pema yuibaũmisbuki.

Provérbios 13:16

Unanepatũ bebũkiri pe shinãtã hamapai amisbuki. Hakia unaĩsmapatũ hamapai txakabuwakĩ shabakabi hatu uĩmakubaĩmisbuki.

Provérbios 15:23

Hawara bikatsi yuka itã pepawẽ mĩ manai hawa bikama mia yuikĩ pewashanai haska peki. Hakia haska yuka ikĩ bikatsi shinaĩ binumakĩ hawaira haki nukumairã, ha pehairaki.

Provérbios 15:28

Pepabũ ha dukũ shinã pewatã ha katxu hãtxa pepawẽ hatu kema pewamisbuki. Hakia huni txakabubũ hawa shinã pewama hawaira hãtxa txakabu kaĩmamisbuki.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 16:23

Tsuara unanepa hãtxa hayatũ shinãkubaĩkĩ hawara shabakabi hãtxa hatu yui pewakĩ binumaya: “Txanimaki!” ikĩ yuikubaĩtirubuki.

Provérbios 5:2

Na habiatiã haska tapĩtã shinã pewai unanepã hãtxa unãtã mĩ hawẽ hãtxashanaii.

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.