Provérbios 10:11 - Kaxinawá Bíblia (BR)

¹¹ Huni pepabũ yusĩti hãtxa pepawẽ merabewakĩ Deusũ hiwea kayabikiri hatu tapĩmakubaĩmisbuki. Hakia huni txakabũ bemakis hatu pewabiakĩ uke merã hune shinã txakakĩ hatu txakabuwamamisbuki.

Provérbios 10:11 Referencias Cruzadas

Provérbios 10:32

Huni pepabũ hawara pepa yuikĩ habũ nĩkaibu hatu benimawakubaĩmisbuki. Hakia huni txakabubũ yuikĩ atimapa hãtxa besti yuikubaĩmisbuki.

Provérbios 10:6

Huni pepabu hatũ pepawẽ Deusũ hatu duawamiski, hawẽ pepawẽ manakukinã. Hakia huni txakabũ bemakis hatu pewabiakĩ uke merã txakabu shinaĩ hatube detenamemisbuki.

Provérbios 13:14

Unanepã yusĩti hãtxa nĩkairã, hawẽ hiwea hayashanikiki, ha mawawẽ datemis piskuirã.

Provérbios 15:4

Hãtxa duapawẽ hatu unanuma hiwemakubaĩmisbuki. Hakia beparameti hãtxawẽ hatũ huĩti nishma wakubaĩmisbuki, hatu punu nuka wakinã.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 18:4

Huni unanepatũ hãtxarã, hene nuahaira keskaki. Hanua hene bei tueai keskai hawẽ unanepa hãtxa itxapa mata hayaki.

Provérbios 20:15

Ouro mane dauti sharabu mirima mai hirabi anu hayabiabũ ha huni unanepatunã, hawẽ hãtxa pepawẽ hãtxakĩ ha ouro mabu karuhaira binuabuki.

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.