Provérbios 10:10 - Kaxinawá Bíblia (BR)

¹⁰ Tsuãra huni betsa parãmakĩ beruwẽ hatu unãmakĩ hatukiri shetxiku amisrã, unãtã hatu itxakawakĩ hatu nuitapawamisbuki. Unaĩsmapatũ pe shinãma hawaira hatu hãtxa yuibauni txanikaũmisrã, hawẽ txakabuwẽ taeshũ hakiri pe shinãma hatu itxakawashãkanikiki.

Provérbios 10:10 Referencias Cruzadas

Provérbios 10:14

Unanepabũ hawẽ unanepati hãtxa mekekĩ hawaira yuisbumaki. Hakia unaĩsmapabũ hatũ hãtxa hawaira yuikĩ mese wakĩ hatu sinatamamisbuki.

Provérbios 10:8

Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 16:30

Tsuãra hawẽ haibu beruwẽ kasmai keshawẽ yunukĩ txakabuwamakatsis ikĩ yunumiski. Tsuãra ma txakabuwa unãkinã, hawẽ kesha mukua dakashũ hatu unãmamisbuki.

Provérbios 18:21

Mĩ hãtxawenã, mĩ hiweshanai inũ mĩ mawashanai haratura yui mĩ hãtxaii. Haska txakabu yui mĩ hãtxa txakayamamisrã, habiaskari mei mĩ bika tenepakeshanaii.

Provérbios 6:13

Hatũ shinã txakabu hatu unãmakĩ hau txakabuwanũbũ beruwẽ hatu yuikĩ hatu shetxiku akĩ inũ hatũ taewẽ hatu timakĩ inũ hatũ metutiwẽ hatu metukĩ hatu unãmamisbuki.

3 João 1:10

Haska bestiama, hatunã, nukukiri txakabu yuikĩ nuku yuãkĩ nukuki kashei txanitxakamiskiaki. Ha inũ, yusĩnã betsabũ matu merabewanũ ika matu anu buaibu matu beyawamamakĩ nemai inũ tsuãra hatu beyawakatsis ikaibu nemakĩ hau habe mã ana itxayamanũbũ matu nematã tashnimamiskiaki, shanẽ ibukinã. Haskamiskẽ ea kayabis matũ mae anu kashũ kenatã habe hãtxakĩ ẽ txiteshanaii.